Хитайни җавабкарлиққа тартиш мураҗиәтнамисигә имза қойғучилар 100 миңдин ашти

Мухбиримиз җүмә
2020-04-26
Елхәт
Пикир
Share
Принт
Америкиниң б д т да турушлуқ баш әлчиси никей һейлий(солда) билән дөләт ишлар министири майк помпео дөләт ишлири министирлиқидики ахбарат йиғинида. 2018-Йили 20-июн, вашингтон.
Америкиниң б д т да турушлуқ баш әлчиси никей һейлий(солда) билән дөләт ишлар министири майк помпео дөләт ишлири министирлиқидики ахбарат йиғинида. 2018-Йили 20-июн, вашингтон.
state.gov

Корона вирусида хитайни җавабкарлиққа тартиш мураҗиәтнамисигә имза қойғучилар 3 күн ичидә 100 миңдин ешип кәтти.

Мураҗиәтнамини америкиниң сабиқ б д т әлчиси никки һәйлей қуруп чиққан «америка үчүн оттуриға чиқиң» намлиқ фонди җәмийити һазирлиған.

Имза топлаш һәрикити мәзкур җәмийәткә қарашлиқ «коммунист хитайни тохтитайли» намлиқ тор бетидә елип берилған. 

Никки һәйлей тор бәттә қилған сөзидә мундақ дегән: «хитай корона вабасида ойниған роли сәвәблик җавабкарлиққа тартилиши керәк. Америка дөләт мәҗлиси буниңға дәрһал инкас қайтуруши керәк.»

У йәнә хитайниң америка вә дуняниң һәр қайси җайлирида өз тәсирини кеңәйтишигә хатимә бериш үчүн башқиларни бу һәрикәткә аваз қошушқа чақирған. 

Мураҗиәт 23-апрел елан қилинған болуп, әсли 100 миң кишилик имза топлаш пилан қилинған. Әмма имза қойғучилар йәкшәнбә күнигичә 107 миң 306 дин ешип кәткән вә йеңи нишан 200 миң қилип өзгәртилгән. 

Никки һәйлей ханим 2017-йили январдин 2018-йили декабирғичә америкиниң б д т турушлуқ баш әлчилик вәзиписини өтигән иди.

Пикирләр (0)
Share
Толуқ бәт