Ezerbeyjanda Uyghur dewasi kücheymekte

Ijtima'iy metbu'at Uyghur dewasini anglitishtiki eng muhim wasitilerdin birige aylan'ghan bügünki künde, bu arqiliq Uyghur dewasini anglitiwatqanlarning sani künsayin köpeymekte.

7-8 Yildin béri dawamliq halda Facebook arqiliq öz dewasini anglitip kéliwatqan kishilerdin biri tursun'ay türksoy xanim. U 8 yildin béri ezerbeyjanning paytexti bakuda her xil yighinlargha qatnishish, téléwiziye we radi'olarda sözlesh, gézit-zhurnallarda Uyghurlar heqqide maqaliler yézish arqiliq Uyghur mesilini anglatqan. U yéqinda ezerbeyjanning baku shehiride ezerbeyjan, sherqiy türkistan medeniyet jem'iyitini qurghan bolup, mezkur merkezde heptide bir qétim Uyghurlarni tonutush pa'aliyiti ötküzüwétiptu. Uning éytishiche, xitaylar köp qétim téléfon arqiliq tehdit qilghan bolsimu, u pa'aliyitini dawamlashturghan. Uning ezerbeyjanning musawat géziti, azadliq géziti, türkistan géziti we intérmédiya gézitliride élan qilin'ghan maqaliliri oqurmenlerning qizghin alqishigha érishken.

Biz pa'aliyetliri heqqide téximu tepsiliy melumat élish üchün, tursun'ay xanim bilen téléfon söhbiti élip barduq. U Uyghurlarning hazirqi weziyiti heqqidiki so'allirimizgha jawab bergende özini tutalmay yighlap ketti.

Tepsilatini awaz ulinishidin anglighaysiz.