Истанбулниң әйса йүсүп алиптекин кочисидики уйғурлар

Ихтиярий мухбиримиз арслан
2016-10-25
Елхәт
Пикир
Share
Принт
Истанбулниң зәйтунбурну районида ечилған уйғурзадә миллий тибабәт дориханиси
Истанбулниң зәйтунбурну районида ечилған уйғурзадә миллий тибабәт дориханиси
RFA/Arslan

Хитай бесиминиң ешиши билән уйғур дияридин қечип түркийигә кәлгән вә истанбулниң зәйтинбурнуда олтурақлишип қалған уйғурларниң сани хели салмақни игиләйду. Йеқиндин буян уйғурлар зәйтинбурнуда һәр хил ширкәт, дукан вә завутларни ечип күндүлүк иҗтимаий һаятини давам қилмақта. Зәйтинбурнуниң нурипаша вә сумәр мәһәллиригә келип кочилирида маңған һәр қандақ бир уйғур өзини худди өз юртида кетиватқандәк һес қилиду, чүнки нурипаша вә сүмәр мәһәллириниң кочилирида уйғурлар, ашхана, навайхана, сәтрачхана, чөчүрәхана, чайхана, еликтерик җиһазлири докини ечиштин сирт йәнә, миллий тибабәт дориханиси, кесәл тәкшүрүш орунлири, өй - мүлүк сетиш вә иҗаригә бериш орунлири, аптомобил вә такси киралаш ширкәтлири, телефонхана қатарлиқ иш оронлирини ачти. Бу мәһәллиләрдә һазир уйғурларниң иҗтимаий һаятиға алақидар һәр хил күндилик еһтияҗ боюмлирини учратқили болиду.

Биз нурипаша мәһәллисидики 63 - күча йәни әйса йүсүп алиптекин кочиси дәп атилидиған 63 - кучини арилап йүрүп бу кочида ечилған уйғурзадә миллий тибабәт дориханиси вә тәклимакан гөш доканлирини зиярәт қилдуқ һәмдә уйғурзадә миллий тибабәт дориханисини ачқан шәмсинурханим билән сөһбәт елип бардуқ. Шәмсинур ханим өзиниң вәтәндә һөкүмәт дохтурханида ишләйдиғанлиқини, яғлиқ артқанлиқи вә ислами кийим кәйгәнлики сәвәбидин бесимға учириғанлиқи сәвәбидин хизмәтни ташлап түркийигә чиққанлиқини билдүрди.

Тәклимакан қассап докинидики муһәммәд вә абдуллаһ қатарлиқ кишиләр билән сөһбәт елип бардуқ. Улардин өз юртидин немә үчүн айрилип түркийидә олтурақлишип қалғанлиқини сориғинимизда, улар бирдәк, юртида йоқ сәвәбләр түпәйлидин наһәқ түрмигә қамалғанлиқини, бесимдин қечип чиққанлиқини билдүрди.

Истанбулниң зәйтунбурну районидики «тәклимакан» гөш дукини
Истанбулниң зәйтунбурну районидики «тәклимакан» гөш дукини RFA/Arslan

Биз нурипаша мәһәллисидә яшайдиған мәһмәтбәй исимлик бир түрктин уйғурлар тоғрисида пикир - қарашлирини алдуқ. Мәһмәтбәй мундақ деди: «уйғур түрклири зулумға учраватиду, шуниң үчүн у қериндашлиримиз түркийидә панаһлиниватиду, мениң мәһәлләмдә көплигән уйғур түрклири яшайду, һазирғичә улардин бирәр яманлиқ көрмидуқ, буниңдин кейинму көрмәймиз дәп ойлаймән. Улар бизниң қериндашлиримиз.»

Пикирләр (0)
Share
Толуқ бәт