Kanadadiki yéngi démokratik partiyining bashliqi tom mulgi'ér Uyghur wekillirini qobul qildi

Kanada Uyghur jem'iyitidin igilishimizche, yéqinda kanadadiki asasliq öktichi partiye hésablan'ghan NDP yeni yéngi démokratik partiyining bashliqi tom mulgi'ér ependi Uyghur wekillirini qobul qilip, Uyghurlar we Uyghur mesilisi heqqide keng kölemlik melumat alghan.

Kanadada pa'aliyet élip bériwatqan yéngi démokratik partiye, kanadadiki nopuzluq birdin-bir öktichi partiye bolup, 2015-yili kanadada ötküzülidighan saylamda hakimiyet béshigha chiqip qélish éhtimalliqi bolghan partiyilerning biri.

Uyghur wekillirini qobul qilish kanada parlamént binasida élip bérilghan bolup, bir sa'et etrapida dawamlashqan.

Igilishimizche, kanada Uyghur jem'iyiti bu pursetni qolgha keltürüsh üchün 3 ay tirishchanliq körsetken. Qobul qilishqa tom mulgi'ér ependidin bashqa yene 4 neper millet wekilimu qatnashqan we Uyghurlarning hal ehwalini anglighan. Kanada Uyghur jem'iyiti re'isi qéyum mesimof bu heqte bizge melumat berdi.

Yuqiridiki ulinishtin bu programmining tepsilatini anglighaysiler.