Sherqiy türkistan ma'arip we hemkarliq jem'iyitining 2013-yilliq xizmet muzakire yighini ötküzüldi

Yighinda asasliqi, qérindashliqni kücheytish, birlikte xizmet qilish, pikir birlikini saqlash, xizmet qilish éngini östürüsh, teshkilat we jama'etni mustehkemlesh, mes'uliyetchanliq tuyghusini ashurush toghrisida söz qilindi.

Bu yighin'gha, sherqiy türkistan ma'arip we hemkarliq jem'iyitining merkez idare hey'et rehberliri, zeytinburnu, küchükchekmeje, aqsaray qatarliq orunlardiki shöbe mes'ulliri, sherqiy türkistan istratégiye tetqiqat merkizi, istiqlal radi'o-téléwiziye teshwiqat bölümi, sutuq bughraxan ma'arip neshriyati qatarliq shöbe we bölümlerning mes'ul we ezaliri shundaqla jem'iyetning istanbuldiki ezaliri bolup köp sanda kishi qatnashti.

RFA/Arslan

Yighin istanbulning qayabéshi rayondiki baghchida ötküzüldi. Yighin qur'an kerim tilawet qilish bilen bashlandi. Yighinda aldi bilen jem'iyetning re'isi hidayetullah oghuzxan söz qilip, bu qétimqi yighinning asasi meqsiti we jem'iyetning xizmet-pa'aliyetliri toghrisida toxtaldi we xizmet qilishta mes'uliyetchanliq tuyghusini ashurush kéreklikini tekitlidi.

Hidayetullah oghuzxan mundaq dédi:
Xizmet qilishni özi üchün sherep dep hés qilidighan pidakar insanlardin bolush kérek, xizmetlirining téximu köp netije we tesirining kéngiyishi üchün mustehkem bir jama'et bolush kérek, jama'etni mustehkemlesh üchün özining mijez-xaraktéride qérindashliq éngi yétilgen bolush kérek.

Kéyin dem élish waqti bérilgen bolup yashlar putbol top oynidi, baghchida aylinip öz-ara söhbetliship pikir-almashturdi. Chüshlük tamaqtin kéyin yighin yene dawam qildi. Yighinning chüshtin kéyinki bölümide, sherqiy türkistan ma'arip we hemkarliq jem'iyitining bash naziri abdulhekimxan mexsum, jama'et erbabi abdulqadir yapchan qatarliq rehberler söz qildi.

Biz bu yighin toghrisida sherqiy türkistan ma'arip we hemkarliq jem'iyitining re'isi hidayetullah oghuzxan bilen söhbet élip barduq.