Ümid agahi : wén'giriye sotining qarari xitaygha bérilgen eng yaxshi jawab

Bu yil 5 - ayning 30 - küni dunya Uyghur qurultiyining yashlar komitéti kéler yili échilidighan 3 - omumiy yighinining teyyarliq xizmetliri üchün win'giriyege toplan'ghan idi.

Del shu küni etigende komitétning yétekchisi, dunya Uyghur qurultiyining mu'awin re'isi ümid xemit agahiy win'griye saqchiliri teripidin tutup kétilip 11 sa'et soraq qilin'ghan we 4 sa'etning ichide win'giriyedin chiqip kétishke buyrulghan. Komitétning yighin achmaqchi bolghan zalimu qulup sélinip kirip - chiqish cheklen'gen bolup, mezkur weqe win'giriyediki yerlik metbu'atlar we yawropa elliridiki bir qisim axbarat wasitiliride ghulghula qozghash bilen birge, Uyghur mesilisige köngül bölidighan organ we shexslerningmu birdek naraziliqini qozghighan.

Ümid agahi ependi gérmaniyige qaytip kelgendin kéyin alaqidar organlar arqiliq mesilini sürüshtürüp, dawa achqan bolup, netijide bügün win'giriye sot da'iriliri mezkur weqe üstidin sot échip, ümid agahiyning win'giriyige kirishini chekleydighan qararni bikar qilghan.

Bu munasiwet bilen muxbirimiz irade ümid agahiy ependige téléfon qilip, uning bilen bu heqte söhbet ötküzdi. Töwende söhbetning mezmunigha diqqet bergeysiler.