Yawrupa parlaméntida chaqirilghan diplomatiye kursigha d u q rehberlirimu qatnashti

Yawrupa parlaméntida chaqirilghan diplomatiye kursigha d u q rehberlirimu qatnashti

8-9 - Sintebir künliri yawrupa parlaméntida ötküzülgen diplomatiye bilimliri kursigha d u q rehberlirimu qatniship, Uyghur siyasiy mujadilisi toghrisida pikir bayan qilghan.

Bügün bélgiye paytexti biryusséldiki yighin meydanidin igiligen uchurlirimizgha qarighanda, yawrupa parlaméntida 8 - sintebir bashlinip 9 - sintebir axirlashqan, temsil qilinmighan milletlerning diplomatiye kursini wekaletsiz milletler teshkilati, tibet adalet merkizi, okisfort uniwéristéti we iqtisadiy, ijtima'iy tetqiqat kéngishi qatarliq 4 organ uyushturghan bolup, yighin'gha teklipke bina'en d u q bash katipi dolqun eysa bilen qurultay yashlar komitéti re'isi gheyur qurbanlar qatnashqan.

D u q bash katipi dolqun eysa ependi yighin meydanidin ziyaritimizni qobul qilghanda, bu qétimqi kursning meqsiti we qimmitini tilgha élip ötti. Bu qétimqi kursta yene, b d t we yawrupa ittipaqi da'iriside, döletler we ularning parlaméntlirida milliy dewani qandaq élip bérishning yollirimu ögitilgen.

D u q yashlar komitétining re'isi gheyur qurban ependimu bu qétimqi yighindin alghan tesiratlirini bayan qilip ötti.

Bu xildiki kurslarni élip bérish we uninggha qatnishishning ehmiyitini tilgha alghan dolqun eysa ependi, kursta yene Uyghur milliy mujadilisi jeryanida shekillen'gen tejribilernimu tonushturup ötkenlikini eskertti. U sözide, bu qétimqi kursta ders sözligen mutexessisilerning salahiyitinimu tonushturdi.