Kishilik hoquq pa'aliyetchiliri, xitayni olimpiktin burun ölüm jazasi yürgüzüshni toxtitishqa chaqirdi

Xelq'ara kechürüm teshkilati qatarliq kishilik hoquq organliri we bir qisim kishilik hoquq pa'aliyetchiliri, xitay hökümitini ölüm jazasi yürgüzüshni olimpiktin burun waqitliq bolsimu toxtitishqa chaqirghan.
Muxbirimiz jüme xewiri
2008.06.16

 Fransiye agéntliqining, xelq'ara kechürüm teshkilati sherqiy asiya guruppisidiki tetqiqatchi mark alisonning éytqanliridin neqil élip xewer qilishiche, hazir xitayda ölümge höküm qilinidighan jinayet türliri 68 xil bolup, bular zeherlik chékimlik yötkesh, para élishi we aldamchiliq qatarliqlarnimu öz ichige alidiken.

Xewerde körsitilishiche, gerche xitay aliy soti ölüm jazasi délolirigha ötken yilidin bashlap qarap chiqip, békitishni qolgha alghan bolsimu, emma xitay kommunistlirining zadi qanchilik ademge ölüm jazasi bergenliki yenila mexpiy tutup kélinmekte iken.

Xitay hökümitining ölümge höküm qilin'ghanlarning istatistikisini ashkara élan qilishi kéreklikini körsetken mark alison: xitay xelqining qanchilik ademge ölüm jazasi bérilgenliki hemde ularning nam - sheripini bilish hoquqi bar " dégen.

Xewerde otturigha qoyulushiche, amérikida ölüm jazasini bikar qilish terepdari we qanun proféssori spidy rays xanim, olimpik rohi boyiche, xitay hökümitining bügündin bashlap ölüm jazasi yürgüzüshni toxtishi kéreklikini tekitligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.