Xitay puqrasi iqtisadiy jasusluq jinayiti bilen eyiblendi

Muxbirimiz jüme
2020-06-28
Élxet
Pikir
Share
Print
26-Iyun xitay puqrasi jang xaw iqtisadiy jasusluqi we soda mexpiyetlikini oghrilash jinayiti bilen eyiblendi.
26-Iyun xitay puqrasi jang xaw iqtisadiy jasusluqi we soda mexpiyetlikini oghrilash jinayiti bilen eyiblendi.
voanews.com

26-Iyun xitay puqrasi jang xaw iqtisadiy jasusluqi we soda mexpiyetlikini oghrilash jinayiti bilen eyiblendi. Kaliforniye shtatida échilghan 4 künlük sottin kéyin uning yuqiriqi jinayetlerni sedir qilghanliqi békitildi.

Amérikaning dölet xewpsizlikige mes'ul yardemchi teptish emeldari jon démérsning éytishiche, jang tyenjin uniwérsitéti bilen shérikliship özi ishlewatqan amérika shirkitining soda mexpiyetlikini xitay hökümitige payda yetküzüsh üchün oghrilash pilani tüzgen.

Melum bolushiche, jang xaw 2006-yili jenubiy kaliforniye uniwérsitétini püttürüp 5 g alaqiside ishlitilidighan kompyutér özekliri tetqiqati bilen shughullinidighan skayworks (Skyworks)shirkitige ishqa chüshken we u yerde pang wéy isimlik yene bir xitay puqrasi bilen tonushqan.

Kéyin pang wéy yene bir yuqiri téxnika shirkiti awgogha (Avago) yötkelgen. Ular shundin kéyin til biriktürüp bu ikki shirketning 5g téxnikisi, sün'iy idrak we zamaniwi simsiz alaqide ishlitilidighan téxnika yéngiliqlirini oghrilighan.

Melum bolushiche, bu shirketler yuqiri téxnikilarni tereqqiy qildurush üchün 20 yildin köprek waqit we nurghun pul serp qilghan iken.

Bu ikkiylen 2009-yili xizmetliridin istépa bérip tyenjin uniwérsitétigha ishqa chüshken we 2011-yili shérikliship rofs (ROFS) mikroséstimisi namliq bir yuqiri téxnika shirkitini qurup chiqip, sikayworks we awago shirketlirining mehsulatlirigha oxshash mehsulatlarni yasap bazargha salghan.

Jang 2015-yili mayda amérikigha bir ilmiy muhakime yighini üchün kélip los anjilis ayrodromigha qon'ghanda qolgha élin'ghan.

Uning üstidin höküm élan qilish soti 31-awghust échilidighan bolup, uning jasusluq jinayitige 15 yilliq, soda mexpiyetlikini oghrilash jinayitige 10 yilliq qamaq jazasi höküm qilinishi mumkin iken.

Toluq bet