Д у қ лозанда хитай олимпик мусабиқисигә қарши зор көләмлик намайиш елип бармақчи

Явропадики уйғурлар сәпәрвәр қилинған лозандики намайиш д у қ тәшкиллигән йәнә бир қетимлиқ зор көләмлик намайиш һесаблинидикән.

Д у қ 2018-йили 4-айниң 27-күни белгийә пайтәхти берюсселда "5 миң кишилик намайиш" ни, 2018-ли 11-айниң 7-күни шиветсарийәниң җәнвә шәһридики б д т бинаси алдида йәнә қанчә миң кишилик намайишни тәшкилләп, хитайниң җаза лагерлири сияситини паш қилған вә зор хәлқаралиқ тәсир қозғиған иди. Бу қетим д у қ 2022-йиллиқ бейҗиң қишлиқ олимпик мусабиқисигә қарши шиветсарийәниң лозан шәһридики хәлқара олимпик комитетиниң мәркизи бинаси алдида әнә шундақ нәччә миң кишилик намайиш орунлаштурушниң сәпәрвәрлик паалийитини башлиған.

Д у қ мәркизидин игилигән учурлиримизға қариғанда, бу қетимқи намайиш д у қ ниң тәшәббуси, "шәрқий түркистан тәшкилатлири һәмкарлиқ мунбири" ниң қарари билән уйғур, тибәт, моңғул, хоңкоңлиқлар вә башқа хәлқаралиқ кишилик һоқуқ тәшкилатлириниң һәмкарлиқида "хәлқара олимпик күни" болған 6-айниң 23-күни саәт 13:00 дин 15:30 ғичә лозанда елип берилидикән. Корона вируси сәвәблик кишиләрниң башқа дөләтләрдин келиш имкани болмиғач, шу күни йәнә дуняниң башқа әллиридики 40 тин артуқ шәһәрдә бейҗиң олимпикигә қарши хәлқаралиқ көләмдә ортақ намайишлар өткүзүлидикән.

Бу қетимқи намайиш "ирқий қирғинчилиқ олимпикини байқут қилайли" дегән шуар астида елип берилидикән. Д у қ рәиси долқун әйса әпәнди бу һәқтә тохталғанда, алди билән һазирға қәдәр бейҗиң олимпикигә қарши елип берилған һәрикәтләрни сәмимизгә селип өтти. У сөзидә қетимқи намайишниң мәйли көләм җәһәттин болсун, мәйли мәзмун җәһәттин болсун, наһайити муһим әһмийәткә игә тарихий бир һәрикәт болидиғанлиқини тилға алди.

Д у қ ниң муавин рәиси пәрһат муһәммиди әпәнди бу хусуста тохталғанда, 2022-йиллиқ бейҗиң қишлиқ олимпик мусабиқисигә қарши шиветсарийәниң лозан шәһридә өткүзүлидиған нәччә миң кишилик бу намайишниң тәйярлиқ хизмәтлириниң җиддий давам қиливатқанлиқини баян қилди. Д у қ яшлар комитетиниң рәиси, д у қ берлин ишханисиниң мудири ғәюр қурбан әпәндиму бу һәқтә зияритимизни қобул қилип, явропадики уйғурларниң хитайниң шәрипини сундуридиған бу намайишқа актип иштирак қилишини үмид қилидиғанлиқини билдүрди.

Явропадики бир қисим уйғурлар иҗтимаий таратқулардин пайдиллинип, көлими зор болған мәзкур намайишқа уйғур җамаитиниң актип қатнишишини бәс-бәстә тәшәббус қилишмақта.

"хәлқара олимпик күни" болған 6-айниң 23-күни шиветсарийәниң лозан шәһридики хәлқара олимпик комитетиниң мәркизи бинаси алдида кәң көләмлик намайиш елип берилидиғанлиқиға даир мәлуматни диққитиңларға сундуқ.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар