Béyjing da'iriliri bir qisim tor béketlirige qaritilghan cheklimini bikar qildi
Muxbirimiz erkin xewiri
2008.08.01
2008.08.01
Xelq'ara olimpik komitétining mu'awin re'isi gunilla lindbérg bu"mesilining hel bolghanliqi", " olimpik komitéti bilen béyjing olimpik yighinining sahipxanliri peyshenbe küni kechte uchriship, intérnétning burunqi olimpik yighinlirigha oxshash ishlitilidighanliqi"ni bildürgen.
Xitayning olimpik yighinigha az qalghanda chet'eldiki bezi öktichi tor béketlirini, xelq'ara kishilik hoquq, metbu'at erkinlik teshkilatlirining tor béketlirini tosap qoyghanliqi zor ghula - ghula peyda qilghan idi. Jüme künki xewerlerge qarighanda, xitaylar xelq'ara kechürüm teshkilatining tor békitini échiwétishke qoshulghan. Lékin bu tor béketler olimpik mezgilide muxbirlargha échiwétilidighan bolsimu, lékin xitayning bashqa jaylirida yenila cheklimige uchraydu shundaqla falun'gung, tibet sergerdanliri we sherqiy türkistan teshkilatlirining tor béketlirige qaritilghan cheklime bikar qilinmaydu.
Xelq'ara olimpik komitétining mes'uli kewin gospérning eskertishiche, xitay hökümiti "aghdurmichi yaki dölet menpe'etige qarshi" dep qarighan bezi tor béketlirini dawamliq chekleydiken.
Kewin gospér peyshenbe küni xelq'ara olimpik komitétidiki yuqiri derijilik bezi emeldarlarning ilgiri xitaylar bilen cheklime toghrisida pikirleshkenliki, buning özige xewer qilinmighanliqini tenqidligen idi. Lékin olimpik komitéti xitaylar bilen cheklime toghrisida kélishim hasil qilghanliqini ret qilmaqta.