Sichu'ende yüz bergen yer tewreshte 900 ming adem apetke uchrighan

 Sichu'ende buning aldida yeni12 - mayda yüz bergen chong yer tewresh apiti 70 ming etrapida ademning ölüshini keltürüp chiqarghan idi.

Amérika awazi radi'osining xewiride körsitilishiche, chéngkün tömür yolining penjixu'a bölüki pütünley weyran bolghan bolup, künmingdin bu rayon'gha qatnaydighan barliq tömür yol liniyiliri toxtitilghan. Bu rayon'gha jaylashqan bir polat tawlash zawutidin zeherlik xémiyilik suyuqluq tarqighan. Xelq'araliq qizil kirist jem'iyiti nöwette xelq'araning bu apet rayonigha yardem ewetishini telep qilishni oylashmaqta iken.

Xitay yer tewreshni ölchesh idarisining bügün tarqatqan eng yéngi melumatigha asaslan'ghanda, yer tewreshte 40 adem ölgen, yarilan'ghanlar 675 ke yetken. Yer tewrigen rayonning omumiy nopusi 940 ming bolup, 390 ming éghiz öy örülgendin sirt, bu jaydiki mektep zawut, karxanilar hemmiside oxshimighan derijide örülüsh, dez kétish körülgechke ishtin toxtighan.

Bu tewresh yünnen bilen sichüenning chégrisida yüz bergen bolup, qattiq yamghur hemde qatnash qolaysizliqi qatarliq türlük sewebler tüpeylidin qutuldurush ishliri tosalghugha uchrimaqta iken.