Явропа иттипақи әмәлдари чен чүәнгони җазалашни қоллайдиғанлиқини билдүргән

Мухбиримиз җүмә
2020-12-13
Share
явропа иттипақи әмәлдари чен чүәнгони җазалашни қоллайдиғанлиқини билдүргән Явропа парламенти хитай мунасивәтләр вәкилләр өмикиниң башлиқи рейнхард бутикофер.
Social Media

Явропа иттипақи "йәршари кишилик һоқуқ җаза қануни" ни мақуллап узун өтмәй, явропа парламенти хитай мунасивәтләр вәкилләр өмикиниң башлиқи рейнхард бутикофер уйғурларға қаритилған бастуруш сияситиниң баш иҗрачиси чен чүәнгониң мәзкур кишилик һоқуқ механизми бойичә җазалинишни халайдиғанлиқини билдүргән.

Рейнхард бутикофер "асия хәвәрлири" гезитигә қилған сөзидә мундақ дегән: "мән шинҗаң парткоминиң секретари чен чүәнгони явропа иттипақиниң йеңи кишилик һоқуқ механизми бойичә җазалашқа әң баб келидиған кандидат, дәп қараймән."

Явропа иттипақиниң қанун чиқириш тармиқи дүшәнбә күни "йәршари магнетиский қануни" ниң илһами билән өз алдиға "йәр шари кишилик һоқуқ җазалаш түзүми" дәп атилидиған бир кишилик һоқуқ қанунини мақуллиған.

Явропа иттипақиниң дуня миқясидики кишилик һоқуқ дәпсәндичиликини җазалашни баш нишан қилған мәзкур йеңи механизми американиң алқишиға еришкән.

Америка ташқи ишлар министири майк помпейо бу һәқтә елан қилған баянатида, явропа иттипақиниң бу қарарни елиши өз нөвитидә йәнә һәрқайси әза дөләтләрни кишилик һоқуқ дәпсәндичилики билән мәшғул болған дөләтләрни җавабкарлиққа тартиш имканийитигә игә қилидиғанлиқини көрсәткән иди.

Рейнхард бутикофер қанунни иҗра қилишниң нөвәттики вәзийити һәққидә тохтилип, явропа парламенти әзалириниң комиссийә вә әза дөләтләрниң һөкүмәтлири билән һәмкарлишип, кишилик һоқуқ бузғунчилириниң тизимликини турғузуп чиқидиғанлиқини ейтқан.

Чен чүәнго уйғурларға қаритилған җаза лагери түзүми, кәң көләмлик тәқибләш, нопус чәкләш қатарлиқ бастуруш сиясәтлириниң баш иҗрачиси. Шу сәвәблик америка һөкүмити 9-июл чен чүәнго қатарлиқ 4нәпәр хитай әмәлдарини "йәршари магнетиский қануни" бойичә җазалиған иди.

Әгәр чен чүәнго явропаниң йеңи кишилик һоқуқ механизми бойичә җазаланса, униң явропа иттипақиға әза дөләтләрниң һәр қандақ биригә саяһәт қилиши чәклиниду вә униң бу әлләрдики барлиқ мүлүки тоңлитилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт