Jennet makan

Seyyah
2013-09-28
Élxet
Pikir
Share
Print


Ana yurtum baghrida tariximiz iznasi bar,
Yawgha qarshi shan quchup ötken dewr heqdasi bar.
Nechche karwan, nechche dewran ötti undin toxtimay,
Nechche qismet, nechche ötmüsh hesriti, nidasi bar.

Qoyni kengri, mihri otluq, xuddi bir jennet makan,
Merdu- merdanni yétishtürgen sheher-sehrasi bar.
Nechche ewlad küch élip öskech eziz tupraqidin,
Her weten perzentide yurt söygüsi, sewdasi bar.

Tupriqi her zerrisi shéhid qénigha ashiyan,
Bashlighan elni hidayetke satuq bughrasi bar.
Möhtirem ejdad sanalghan hezriti newa'iy hem,
Xas yüsüp, mehmud kebi shöhretke bay danasi bar.

Ni bahadir ötti bunda el üchün qanlar kéchip,
Titritip yaw qelbini ölgen obul'elasi bar.
Chin eqide, étiqad yolida jan qilghan pida,
Nazugumdek el qizi, el pexri hem bernasi bar.

Hesritide örtinip molla bilal yad eyligen,
Qehriman sadirgha hem bolghan makan ghuljasi bar.
Qeddi tik xantengri meghrur turidu heywet bilen,
Unda köz qamashturup turghan güzel bughdasi bar.

El- weten bexti üchün aqqan qizil qan shahidi,
Tolghinip hesret aqar tarim kebi deryasi bar.
Bu büyük tupraqni yawdin tazlimaq perzi irur,
Hörlikige bel baghlighan ashiqi -sheydasi bar.

Toluq bet