១. ស្រីខ្មែរស្រីខ្មៅមិនដូចគេ ស្រីល្អម្ល៉េះទេថែប្រាសាទ ស្រីខ្មែរស្រីខ្មៅតែងខ្លួនស្អាត ស្រីថែប្រាសាទបុរាណខ្មែរ។
២. ស្រីខ្មែរស្រីខ្មៅស្រស់ស្រអែម ស្រីញញឹមថែមស្លៀកដូចម៉ែ ស្រីខ្មៅញញឹមស្រស់ដូចខែ ស្រីខ្មៅស្គាល់តែសន្តិភាព។
៣. ស្រីខ្មែរស្រីខ្មៅហៅក្លាហាន ស្រីខ្មៅភុំផានឆ្លាតពេញប្រៀប ស្រីខ្មែរស្រីខ្មៅមានរបៀប ចេះល្បុក្កតោទៀតជាតិខ្មែរល្បី។
៤. ស្រីខ្មែរស្រីខ្មៅគិតកសាង សម្អិតសម្អាងទាំងយប់ថ្ងៃ ចិត្តគិតទៅមុខភ្នែករំពៃ សាងគ្រប់អ្វីៗឲ្យខ្មែរល្អ។
៥. ស្រីខ្មែរស្រីខ្មៅប្រាជ្ញាវៃ ជួយខ្មែរប្រុសស្រីឲ្យបវរ ស្រីខ្មែរស្រីខ្មៅចិត្តស្មោះស ស្រីខ្មៅស្រីល្អចិត្តល្អជា។
៦. ស្រីខ្មែរស្រីខ្មៅត្រឹមរាងកាយ ស្រីខ្មៅស្រស់ស្រាយគ្រប់វេលា ស្រីខ្មៅចេះជួយដោះស្រាយគ្នា ឲ្យផុតវេលាដែលជួបទុក្ខ។
៧. ស្រីខ្មែរស្រីខ្មៅចេះតស៊ូ ធ្វើល្អគំរូសឹងគ្រប់មុខ ស្រីខ្មៅស្រីខ្មែរថែម៉ែពុក ស្រីសង្ឃឹមសុខទុក្ខចាកឆ្ងាយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។