វេទិកាអ្នកស្ដាប់វិទ្យុអាស៊ីសេរី នៅយប់ថ្ងៃអង្គារ ទី១៦ កក្កដា ជជែកពិភាក្សាលើប្រធានបទ៖ តើប្រជាពលរដ្ឋគ្រប់រូប គួរធ្វើបែបណា ដើម្បីតបស្នងដល់អ្នក ដែលហ៊ានលះបង់ជីវិត និងសេចក្ដីសុខផ្ទាល់ខ្លួន ដើម្បីបុព្វហេតុជាតិ និងបរិស្ថាន?
មនុស្សមួយចំនួនសុខចិត្តស្លាប់ ឬជាប់គុក នៅក្នុងប្រទេស មិនយកជម្រើសរត់គេចខ្លួន ដើម្បីសុវត្ថិភាពទេ ក្នុងនោះ រួមមាន លោក ជា វិជ្ជា ប្រធានសហជីពសេរីកម្មករ នៃព្រះរាជាណាចក្រកម្ពុជា លោក ឈុទ្ធ វុទ្ធី សកម្មជនព្រៃឈើ និងបណ្ឌិត កែម ឡី អ្នកវិភាគអំពីបញ្ហាសង្គម និងនយោបាយដ៏ល្បីឈ្មោះ។ ពួកគាត់ទាំងបីនាក់ ត្រូវបានឃាតកបាញ់សម្លាប់។
រីឯយុវជនចលនាមាតាធម្មជាតិចំនួន ៥នាក់ សុខចិត្តជាប់គុក មិនរត់ចោលស្រុកដែរ។
តើការហ៊ានលះបង់ជីវិត និងសេចក្ដីសុខរបស់អ្នកទាំងនេះ បានផ្ដល់គំរូភាពបែបណាដល់ប្រជាពលរដ្ឋខ្មែរ?
តើប្រជាពលរដ្ឋគ្រប់រូប គួរធ្វើបែបណា ដើម្បីតបស្នងដល់អ្នក ដែលហ៊ានលះបង់ជីវិត និង សេចក្ដីសុខផ្ទាល់ខ្លួន ដើម្បីបុព្វហេតុជាតិ និងបរិស្ថាន?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ទីន ហ្សាការីយ៉ា ជាមួយលោក អាឡិច ស្ថាបនិកអង្គការចលនាមាតាធម្មជាតិ និងបណ្ឌិត សេង សារី អ្នកឃ្លាំមើលផ្នែកអភិវឌ្ឍន៍សង្គម ដែលបានជជែកពិភាក្សាអំពីរឿងនេះ នៅយប់ថ្ងៃអង្គារ ទី១៦ ខែកក្កដា ឆ្នាំ២០២៤៕