វេទិកាអ្នកស្ដាប់៖ តើរដ្ឋាភិបាលយកប្រាក់ចំណូលពីការជីកមាសនៅខេត្តមណ្ឌលគិរី ទៅធ្វើអ្វី បានជាចាំបាច់ត្រូវប្រមូលលុយពីពលរដ្ឋ យកទៅអភិវឌ្ឍន៍ខេត្តនេះវិញ?
2024.09.06
កញ្ញា លី ស្រីស្រស់ ប្រធានក្រុមអ្នកវិភាគវ័យក្មេង និងបណ្ឌិត សេង សារី អ្នកឃ្លាំមើលផ្នែកអភិវឌ្ឍន៍សង្គម។
រូប៖ ហ្វេសប៊ុកកញ្ញា លី ស្រីស្រស់
នាទីវេទិកាអ្នកស្ដាប់វិទ្យុអាស៊ីសេរី នារាត្រីថ្ងៃសុក្រ ទី៦ កញ្ញា ជជែកពិភាក្សាលើប្រធានបទ៖ តើប្រាក់ចណូលបានពីការជីកមាសរាប់រយរាប់ពាន់គីឡូក្រាមនៅខេត្តមណ្ឌលគិរី រដ្ឋាភិបាលយកទៅធ្វើអ្វី បានជាចាំបាច់ត្រូវប្រមូលលុយពីពលរដ្ឋ យកទៅអភិវឌ្ឍន៍ខេត្តនេះវិញ?
យុទ្ធនាការប្រមូលលុយរបស់លោក ហ៊ុន ម៉ាណែត ថា យកទៅសាងសង់ហេដ្ឋារចនាសម្ព័ន្ធនៅតាមព្រំដែន មានស្ពានថ្នល់ជាដើមនោះ កំពុងនាំឱ្យមានការវែកញែកជាច្រើន នៅតាមតូបកាហ្វេ និងតាមបណ្ដាញសង្គម។
អ្នកខ្លះចោទថា នេះគឺជាវិធីរកលុយមួយបែបទៀត របស់ក្រុមគ្រួសារត្រកូល ហ៊ុន។ អ្នកខ្លះថា រដ្ឋាភិបាលកំពុងមានវិបត្តិខ្វះលុយ ទើបដើររៃអង្គាសពីប្រជាពលរដ្ឋ។
រីឯក្រុមអ្នកវិភាគមួយចំនួនវិញ ពួកគេលើកឡើងថា រដ្ឋាភិបាលរកចំណូលបានច្រើន ណាស់ពីទឹកដីនៃភូមិភាគឦសាននេះ រាប់តាំងពីការជួលដីរាប់ពាន់រាប់ម៉ឺនហិកតារ រយៈពេលជិត ១០០ឆ្នាំ ទៅឱ្យក្រុមហ៊ុនបរទេស និងការធ្វើអាជីវកម្មរ៉ែជាដើម។
លោក ហ៊ុន សែន ក៏ធ្លាប់អះអាងអំពីការជីកមាសបានរាប់រយរាប់ពាន់គីឡូឯណោះ ពីទីតាំងជីកមាសមួយនៅខេត្តមណ្ឌលគិរី។
តើប្រាក់ចំណូលទាំងនេះ រដ្ឋាភិបាលយកទៅធ្វើអ្វី? តើហេតុអ្វីចាំត្រូវប្រមូលលុយពីពលរដ្ឋ យកទៅអភិវឌ្ឍន៍ខេត្តទាំងនេះទៅវិញ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយបណ្ឌិត សេង សារី អ្នកឃ្លាំមើលផ្នែកអភិវឌ្ឍន៍សង្គម និងកញ្ញា លី ស្រីស្រស់ ប្រធានក្រុមអ្នកវិភាគវ័យក្មេង ដែលបានជជែកពិភាក្សាអំពីរឿងនេះ កាលពីយប់ថ្ងៃសុក្រ ទី៦ ខែកញ្ញា ឆ្នាំ២០២៤៕
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា