ហ៊ុន​សែន​ព្យាករណ៍​ថា​មិន​អាច​នៅ​កាន់​អំណាច​ដល់​អាយុ​៨០​ទេ

ប្រមុខ​រដ្ឋាភិបាល​ខ្មែរ​បាន​ព្យាករណ៍​ទុក​ថា លោក​មិន​អាច​នៅ​កាន់​អំណាច​រហូត​ដល់​អាយុ ៨០​ឆ្នាំ​បាន​នោះ​ទេ ប៉ុន្តែ​លោក​បាន​បញ្ជាក់​ថា អ្វីៗ​គឺ​អាស្រ័យ​លើ​ប្រជាពលរដ្ឋ​ជា​អ្នក​កំណត់​តាមរយៈ​ការ​បោះ​ឆ្នោត។
ដោយ សេក បណ្ឌិត
2010-01-20
អ៊ីម៉ែល
មតិ
Share
បោះពុម្ព
លោក​នាយក​រដ្ឋមន្ត្រី ហ៊ុន សែន នៃ​ប្រទេស​កម្ពុជា
លោក​នាយក​រដ្ឋមន្ត្រី ហ៊ុន សែន នៃ​ប្រទេស​កម្ពុជា
AFP Photo

មន្រ្តី​បក្ស​ប្រឆាំង​ហាក់​មិន​ចាប់​អារម្មណ៍​ចំពោះ​ការ​ថ្លែង​របស់​លោក​នាយក​រដ្ឋមន្រ្តី ហ៊ុន សែន នោះ​ឡើយ។

ជា​ថ្មី​ម្តង​ទៀត​លោក​នាយក​រដ្ឋមន្រ្តី ហ៊ុន សែន បាន​ប្រកាស​ថា លោក​នឹង​ធ្វើ​ការ​ផ្ទេរ​តំណែង​ដល់​ភាគី​ដែល​ឈ្នះ​ឆ្នោត​ដោយ​សន្តិភាព​និង​រីករាយ​បំផុត បើសិន​ប្រជាពលរដ្ឋ​ឈប់​បោះ​ឆ្នោត​ឲ្យ​លោក​ទៀត​នោះ។

ការ​ថ្លែង​បែប​នេះ​នៅ​ក្នុង​ពិធី​ប្រារព្ធ​បើក​វេទិកា​សេដ្ឋកិច្ច​អាស៊ី​លើក​ទី​៦ នា​ថ្ងៃ​ទី​២០ ខែ​មករា ឆ្នាំ​២០១០ នៅ​រាជធានី​ភ្នំពេញ។

លោក ហ៊ុន សែន បាន​ថ្លែង​ថា លោក​ប្រហែល​មិន​អាច​មិន​អាច​គ្រប់គ្រង​រដ្ឋាភិបាល​រហូត​ដល់​អាយុ ៨០​ឆ្នាំ​បាន​នោះ​ទេ។ ប៉ុន្តែ​លោក​បាន​បញ្ជាក់​ថា អ្វីៗ​មិន​អាស្រ័យ​លើ​អាយុ​នណា​ម្នាក់​នោះ​ឡើយ គឺ​វា​អាស្រ័យ​លើ​ប្រជាពលរដ្ឋ​គេ​បោះឆ្នោត​ឲ្យ​ឬ​ក៏​អត់។

លោក​នាយក​រដ្ឋមន្ត្រី​បាន​ថ្លែង​ថា ៖ «អាយុ ៨០ ស្ទុះ​មិន​រួច​ទេ ឥឡូវ ៥៨ នៅ​សល់ ២២​ឆ្នាំ​ទៀត​បាន​អាយុ​៨០ ដូច្នេះ​យូរ​ណាស់ អត់​អី​ទេ! ប៉ុន្តែ​បញ្ហា​ទាំង​អស់​វា​អត់​ចំណុះ​លើ​អាយុ​របស់​អ្នក​ណា​ទេ មាន​តែ​ចំណុះ​លើ​ប្រជាជន​តែ​ប៉ុណ្ណឹង!»

លោក​ថ្លែង​បន្ត​ទៀត​ថា បើ​នៅ​ឆ្នាំ​២០១៣ ប្រជាពលរដ្ឋ​មិន​បោះឆ្នោត​ឲ្យ​លោក សូម​ឲ្យ​អ្នក​ជាប់​ឆ្នោត​ថ្មី​កុំ​បារម្ភ​ក្នុង​ការ​ផ្ទេរ​អំណាច​នោះ។ លោក​នឹង​ប្រគល់​នូវ​អ្វីៗ​ទាំង​អស់ ហើយ​ជូន​ពរ​ឲ្យ​មេ​ដឹកនាំ​ថ្មី​ធ្វើ​ការ​បម្រើ​ជាតិ​ឲ្យ​បាន​ល្អ។

លោក​នាយក​រដ្ឋមន្ត្រី​បាន​បញ្ជាក់​ថា ៖ «តែ​បើសិន​ឆ្នាំ​២០១៣ ប្រជាជន​មិន​បោះឆ្នោត​ឲ្យ ជម្រើស​តែ​មួយ​គត់​គឺ​ខ្ញុំ​ត្រូវ​ចាកចេញ ហើយ​ពេល​នោះ​អ្នក​ដែល​ឈ្នះ​កុំ​បារម្ភ​ឲ្យ​សោះ ខ្ញុំ​នឹង​ទៅ​ទីស្ដីការ​គណៈ​រដ្ឋមន្ត្រី ខ្ញុំ​នឹង​ចុះ​ហត្ថលេខា​ប្រគល់​នូវ​អ្វី​ទាំងឡាយ​ដែល​មាន​ជូន​មេ​ដឹកនាំ​ថ្មី ហើយ​ជូន​ពរ​ឲ្យ​អ្នក​ធ្វើ​ការ​ឲ្យ​បាន​ល្អ បម្រើ​ជាតិ​ឲ្យ​បាន​ល្អ ហើយ​ខ្ញុំ​មិន​រំខាន​អ្នក​ទេ អ្នក​កុំ​បារម្ភ! ខ្ញុំ​ជួយ​រួម​វិភាគទាន​ប្រាប់​ទៅ​អ្នក​ដែល​ធ្លាប់​គាំទ្រ​ខ្ញុំ ឲ្យ​គាំទ្រ​រដ្ឋាភិបាល​ថ្មី មេ​ដឹកនាំ​ថ្មី ព្រោះ​គឺ​ជា​អ្នក​ដែល​បាន​ជាប់​ឆ្នោត​ដោយ​ប្រជាជន សូម​កុំ​បារម្ភ!»

ការ​ថ្លែង​ពី​ការ​គ្រប់គ្រង​អំណាច​ម្តង​ជា​ពីរ​ដង​បែប​នេះ​ជា​ការ​ឆ្លើយ​តប​បន្ទាប់​ពី​មាន​ការ​រិះគន់​ជា​ច្រើន​ថា លោក ហ៊ុន សែន ជា​មេ​ដឹកនាំ​ផ្តាច់ការ ក្រាញ​អំណាច​អស់​រយៈ​ពេល​ជា​ច្រើន​ឆ្នាំ​មក​ហើយ។

តំណាង​រាស្រ្ត​បក្ស​សមរង្ស៊ី លោក សុន ឆ័យ ហាក់​ពុំ​មាន​ការ​ចាប់​អារម្មណ៍​ចំពោះ​ការ​ថ្លែង​ពី​រឿង​ការ​ខ្វាយខ្វល់​បញ្ហា​អ្នក​ណា​ធ្លាក់​អំណាច អ្នក​ណា​ឡើង​កាន់​អំណាច​នោះ​ទេ។

លោក សុន ឆ័យ បន្ត​ថា អ្វី​ដែល​លោក​ចង់​បាន គឺ​ចង់​ឲ្យ​មេ​ដឹកនាំ​ប្រទេស​គិតគូរ​ឲ្យ​បាន​ល្អ​ពី​ការ​ពង្រឹង​ស្ថាបនា​ជាតិ បញ្ហា​សន្តិសុខ​សង្គម ធានា​ឲ្យ​បាន​នូវ​ការ​គោរព​ច្បាប់ លទ្ធិ​ប្រជាធិបតេយ្យ​ឲ្យ​បាន​ត្រឹមត្រូវ។

លោក សុន ឆ័យ បាន​មាន​ប្រសាសន៍​ថា ៖ «គិត​តែ​ពី​រឿង​អំណាច ឥទ្ធិពល ហើយ​ភ្លេច​គិត​ពី​ការ​ពង្រឹង​ស្ថាប័ន​ជាតិ ហើយ​ធ្វើ​ការងារ​ត្រឹម​ត្រូវ នោះ​អាច​ជា​គ្រោះថ្នាក់​មួយ។ ខ្ញុំ​ថា ខ្ញុំ​មិន​មាន​ការ​ព្រួយ​បារម្ភ​អី ឬ​ក៏​មិន​មាន​ការ​ត្រេក​ត្រអាល​អី​ជាមួយ​បញ្ហា​អ្នក​ណា​កាន់​អំណាច​យ៉ាង​ណា​ទេ គឺ​ថា ត្រូវតែ​ធ្វើ​យ៉ាង​ម៉េច​ឲ្យ​មាន​ការ​គោរព​ទៅ​លើ​គោលការណ៍​ច្បាប់ គោលការណ៍​ប្រជាធិបតេយ្យ​នោះ​ឲ្យ​បាន​ត្រឹមត្រូវ ប្រសើរ​ជាង​ខ្វល់​តែ​ពី​រឿង​ចេញ​ពី​តំណែង ចូល​តំណែង ឬ​យ៉ាង​ណា​នោះ!»

លោក​នាយក​រដ្ឋមន្រ្តី ហ៊ុន សែន ជា​អ្នក​ដឹកនាំ​ឋិត​នៅ​ក្នុង​អំណាច​យូរ​មួយ​រូប នៅ​ក្នុង​ចំណោម​អ្នក​ដឹកនាំ​ឋិត​នៅ​ក្នុង​អំណាច​យូរ​ជា​ច្រើន​នាក់​នៅ​លើ​ពិភពលោក។ លោក​បាន​កាន់​តំណែង​ជា​នាយក​រដ្ឋមន្រ្តី​កម្ពុជា​ចាប់​ពី​ឆ្នាំ​១៩៨៥ មក​ទល់​បច្ចុប្បន្ន​នេះ៕

ព័ត៌មាន (19)
Share

អ្នក​អាន​អនាមិក

Cambodia should limited term for Prime minister to two term only like the USA.

Jan 21, 2010 11:15 PM

អ្នក​អាន​អនាមិក

Does he expect to live up to the age of 80? What deed does has he? Is he good for the Cambodians? I wish he will be judged soon as possible. God Bless Cambodia!

Jan 21, 2010 10:15 PM

អ្នក​អាន​អនាមិក

If Hun Sen were a real Khmer, he should step down from power for the better of Cambodians, and to save the country.

Jan 21, 2010 08:29 PM

អ្នក​អាន​អនាមិក

Hun Sen has said these similar words many times already. He said he would step down from the power if he lost the election, but when the election comes, he tries his best to win the election by several ways both threatening; buying the barllots; buying the poor people's mind through giving small gift like Krama, Sarong, seasoning power, etc.; and cheating; or even killing. His words can cheat only the uneducated people, and become nonsense to the educated ones.

Jan 21, 2010 05:37 AM

អ្នក​អាន​អនាមិក

I am not kidding. Mr Hun Sen is the best khmer leader.If smoe people say not it means they are jealous of him.

Jan 21, 2010 03:24 AM

មើល​មតិ​ទាំង​អស់.

គេហទំព័រ​ទាំងមូល