ការប្រកាសនេះបានធ្វើឡើងនៅក្នុងពិធីចែកសញ្ញាបត្រជូននិស្សិតនៃវិទ្យាស្ថានបច្ចេកវិទ្យាកម្ពុជា នៅរាជធានីភ្នំពេញ។
លោកនាយករដ្ឋមន្ត្រី ហ៊ុន សែន នៅថ្ងៃទី២៨ ខែកុម្ភៈ ឆ្នាំ២០១២ បានប្រកាសបទបញ្ជាលែងឲ្យមានឡូត៍នេសាទនេះ ដើម្បីជម្រះមន្ទិលសង្ស័យជុំវិញជោគវាសនានៃឡូត៍នេសាទនោះកន្លងមក ក្រោយពីលោកបានប្រកាសព្យួរឡូត៍នេសាទចំនួន ៣៥កន្លែងមួយរយៈ នៅបឹងទន្លេសាប នៅឆ្នាំ២០១១ កន្លងទៅនេះ ដើម្បីជំរុញផែនការបង្កើនទិន្នផលត្រីទឹកសាបនៅបឹងទន្លេសាបរហូតដល់ឆ្នាំ២០១៤។
ជាមួយគ្នានេះដែរ លោក ហ៊ុន សែន បានប្រកាសឲ្យបង្កើតតំបន់អភិរក្សត្រីកម្រ ដូចជាត្រីកេស និងត្រីមួយចំនួនទៀតនៅបឹងទន្លេសាប ដែលត្រូវគ្រប់គ្រងដោយអាជ្ញាធររដ្ឋបាលជលផល។ តំបន់នោះមិនអនុញ្ញាតឲ្យជនណាចូលទៅនេសាទបានឡើយ។
លោក ហ៊ុន សែន បញ្ជាក់ថា ការរំលាយឡូត៍នេសាទសរុបចំនួន ៣៧កន្លែងនោះ គឺជាការរំលាយជារៀងរហូត គ្មានថ្ងៃត្រឡប់ថយក្រោយវិញទេ ដរាបណាលោកនៅមានជីវិត និងគណបក្សប្រជាជនកម្ពុជា នៅតែបន្តកាន់អំណាចនៅក្នុងប្រទេសកម្ពុជា។
ស្របពេលគ្នានេះដែរ លោកក៏សុំឲ្យប្រជាពលរដ្ឋទាំងអស់ជួយការពារព្រៃលិចទឹកនៅជុំវិញបឹងទន្លេសាបជាជម្រកត្រីពងកូន។
លោកបន្តថា ការរំលាយឡូត៍នេសាទឯកជនឲ្យក្លាយជាតំបន់នេសាទសាធារណនេះ គឺធ្វើឲ្យរដ្ឋាភិបាលបាត់បង់ប្រាក់ចំណូលជាច្រើនលានដុល្លារអាមេរិកក្នុងមួយឆ្នាំៗ ប៉ុន្តែប្រជាពលរដ្ឋសប្បាយចិត្តនឹងបង្កើនប្រាក់ចំណូលក្នុងគ្រួសារ។
លោក ហ៊ុន សែន៖ «និយាយមួយបែប ប្រកាសដាច់ណាត់ គឺអត់មានចាប់ពីពេលនេះតទៅ ...គ្មានថៅកែឡូត៍នេសាទក្នុងបឹងទន្លេសាបទៀតទេ ត្រូវបញ្ចប់ហើយ។ អ្នកដែលមានសិទ្ធិនៅក្នុងបឹងទន្លេសាប គឺប្រជាពលរដ្ឋដែលនឹងចាប់ត្រីដោយឧបករណ៍ស្របច្បាប់ជាលក្ខណៈគ្រួសារ»។
រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ និងជាប្រធានអាជ្ញាធរបឹងទន្លេសាបបានមានប្រសាសន៍ថា លោករីករាយនឹងបទបញ្ជាថ្មីនេះ៖ «ស្វាគមន៍ណាស់ អ្វីដែលជាការសម្រេចរបស់សម្ដេចនៅពេលនេះ»។
ទាក់ទងនឹងការប្រកាសរបស់លោក ហ៊ុន សែន នេះ តំណាងរាស្រ្តគណបក្ស សម រង្ស៊ី លោក សុន ឆ័យ បានមានប្រសាសន៍ថា លោកចង់ឃើញបទបញ្ជានេះត្រូវបានអនុវត្តឲ្យមានប្រសិទ្ធភាព និងពេញលេញរយៈពេលយូរអង្វែង។
លោក សុន ឆ័យ៖ «អ្វីដែលជាការបន្ធូរបន្ថយច្រើនតែកើតមាននៅមុនពេលបោះឆ្នោត ហើយក្រោយបោះឆ្នោតហើយ វិធានការផ្ដល់ឡូត៍អនាធិបតេយ្យធ្វើបាបប្រជារាស្ត្រកើតមានជាថ្មី។ ដូច្នេះខ្ញុំសង្ឃឹមថា អ្វីដែលជាការសន្យារបស់នាយករដ្ឋមន្ត្រីនឹងអនុវត្តជារៀងរហូត»។
ការប្រកាសបទបញ្ជាដោយផ្ទាល់មាត់នេះ គឺមុនពេលអនុក្រឹត្យរបស់រដ្ឋាភិបាលនឹងប្រកាសជាផ្លូវការ និងជាសាធារណៈនាពេលខាងមុខ។
គេបានកត់សំគាល់ថា បទបញ្ជាថ្មីនេះគឺជាលើកទី២ ហើយក្រោយពីលោក ហ៊ុន សែន ធ្លាប់បានប្រកាសបទបញ្ជាលើកដំបូងលេខ ០១ នៅថ្ងៃទី២២ ខែឧសភា ឆ្នាំ២០១១ កន្លងទៅនេះ ដើម្បីរុះរើឧបករណ៍នេសាទខុសច្បាប់ និងអនាធិបតេយ្យនៅបឹងទន្លេសាប ដូចជាសម្រាស់ ផ្នួស ព្រួល និងសំណង់កាត់ទទឹងទន្លេ បឹង ស្ទឹង ព្រែក និងអូរនៅក្នុងខេត្តចំនួន ៨ នៅជុំវិញបឹងទន្លេសាប។
ក្រោយពីមានការអនុវត្តបទបញ្ជាលេខ ០១ កន្លងមកនេះ លោកនាយករដ្ឋមន្ត្រី បានកត់សម្គាល់ថា ទិន្នផលត្រីទឹកសាបកាលពីឆ្នាំ២០១១ កន្លងទៅបានកើនដល់ចំនួន ៤៤ម៉ឺន៥ពាន់តោន លើសឆ្នាំ២០១០ ចំនួន ៤ម៉ឺនតោន។
ប៉ុន្តែអ្នកជំនាញជលផលខ្លះបានបង្ហាញថា ផលត្រីកើនឡើងនេះមិនអាស្រ័យលើការបិទឡូត៍នេសាទទាំងស្រុងនោះទេ គឺអាស្រ័យលើទឹកទន្លេឆ្នាំ២០១១ បានឡើងក្នុងកម្រិតមួយខ្ពស់ដែលនាំឲ្យត្រីមានលទ្ធភាពពេញលេញ ដើម្បីហែលឆ្លងកាត់ទៅរកកន្លែងព្រៃរនាមជាជម្រកពងកូនមានសុវត្ថិភាព។
ក្រៅពីត្រីធម្មជាតិទឹកសាប កាលពីនៅឆ្នាំ២០១១ កម្ពុជាប្រមូលទិន្នផលត្រីទឹកប្រៃបានចំនួន ៩ម៉ឺន១ពាន់តោន និងទិន្នផលត្រីចិញ្ចឹមក្នុងស្រះបានចំនួនជាង ៧ម៉ឺនតោន។ ចំនួននេះបានកើនជាងឆ្នាំមុនៗជាច្រើនម៉ឺនតោន៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។
I am not clear about that if the released fishing lots will be put as an open access or will be put under community fisheries management? Anyone could tell me please, i am so much appreciated.
Mar 02, 2012 11:48 AM
I am not clear about that if the released fishing lots will be put as an open access or will be put under community fisheries management? Anyone could tell me please, i am so much appreciated.
Mar 02, 2012 11:46 AM
បើលោកហ៊ុនសែនខ្លាំងសូមប្រកាសអោយសាំងចុះថ្លៃទៅ។
បែបមិនហ៊ានទេមើលទៅបើប្រពន្ធនិងកូនហ៊ុនសែនជាថៅកែ
សាំងតេលានោះ។។។
Mar 02, 2012 04:12 AM
Hon Xen Ask the people to help to protected WHAT ????? what a rubbish talk... ... Isn't there a law to protect the fish and the lake already??? So another word is the law is not working... so who is to blame??? or just another sweet talk before the election. Remember about the promise he made not long ago, he said he will cut his head off if he can not stopped those who deforestation in Cambodia...And deforestation is still going.....Especially Prey Lang.. He didn't cut his head off did he????
Feb 29, 2012 09:11 PM
