គ្រួសារ​ជន​រង​គ្រោះ​មួយ​ចំនួន​ប្រតិកម្ម​ទៅ​នឹង​ការ​វាយ​កម្ទេច​ស្ពាន​ពេជ្រ

ស្ពាន​ឆ្លង​ទៅ​កោះ​ពេជ្រ ឬ​ហៅ​ថា ស្ពាន​ពេជ្រ ដែល​ជា​ទី​កន្លែង​ធ្លាប់​មាន​សោកនាដកម្ម​មនុស្ស​ផ្អើល​រត់​ជាន់​គ្នា​ស្លាប់​អស់​ជាង ៣៥០​នាក់ កាល​ពី​ឆ្នាំ​២០១០ ត្រូវ​បាន​ម្ចាស់​ក្រុមហ៊ុន​វិនិយោគ​ចាប់​ផ្ដើម​​វាយ​កម្ទេច​ចោល​ហើយ។
ដោយ ទីន ហ្សាការីយ៉ា
2011.12.27
កោះ​ពេជ្រ ៣០៥ ស្ពាន​កោះ​ពេជ្រ នៅ​រាជធានី​ភ្នំពេញ រូប​ថត​ថ្ងៃ​ទី​២៥ ខែ​វិច្ឆិកា ឆ្នាំ​២០១០
RFA/Sek Bandith

ក្រុម​គ្រួសារ​អ្នក​រង​គ្រោះ​ស្លាប់​នៅ​លើ​ស្ពាន​ពេជ្រ​មួយ​ចំនួន បាន​ចោទ​ប្រកាន់​ម្ចាស់​ក្រុមហ៊ុន អូ.ស៊ី. អាយ.ស៊ី (OCIC) ចំពោះ​ការ​វាយ​កំទេច​ស្ពាន​នោះ​ចោល​ថា ជា​រឿង​ចង់​បំបាត់​ភស្តុតាង​ដែល​មាន​មនុស្ស​ស្លាប់​នៅ​លើ​ស្ពាន​ពេជ្រ​ចំនួន ៣៥៣​នាក់​នោះ។

ឪពុក​អ្នក​រង​គ្រោះ​មួយ​រូប​នៅ​រាជធានី​ភ្នំពេញ បាន​ឲ្យ​ដឹង​នៅ​ថ្ងៃ​ទី​២៧ ខែ​ធ្នូ ថា លោក​មិន​គាំទ្រ​លើ​ការ​វាយ​កម្ទេច​ស្ពាន​ពេជ្រ ចោល​នោះ​ទេ ទោះ​បី​ជា​ស្ពាន​នោះ​លោក​បាន​ឃើញ​ហើយ​នឹក​ដល់​កូន​ប្រុស​របស់​គាត់​ដែល​ស្លាប់​នោះ​យ៉ាង​ណា​ក្ដី ប៉ុន្តែ​លោក​ចង់​ឲ្យ​រក្សា​ស្ពាន​នេះ​ទុក ដើម្បី​ជា​ភស្ដុតាង និង​សម្រាប់​ឲ្យ​ក្មេងៗ​ជំនាន់​ក្រោយ​ដឹង​ថា នៅ​លើ​ស្ពាន​នេះ​មាន​មនុស្ស​ស្លាប់​ចំនួន ៣៥៣​នាក់ រួម​ទាំង​កូន​លោក​ផង។

លោក​មាន​ប្រសាសន៍​បន្ត​ថា៖ «តាម​ពិត​ខ្ញុំ​មិន​ឲ្យ​គេ​វាយ​ស្ពាន​ហ្នឹង​ចោល​ទេ ទុក​ជា​កេរដំណែល​ថា ស្ពាន​នោះ​ជា​ក្ដី​ឈឺ​ចាប់ ទោះ​បី​បិទ​ស្ពាន​នោះ​ចោល ឬ​បើក​ឲ្យ​គេ​ឆ្លង។ កាល​ណា​វាយ​កម្ទេច​ស្ពាន​នោះ​ចោល ក្មេង​ជំនាន់​ក្រោយ​មិន​បាន​ដឹង​ថា មនុស្ស​ស្លាប់​នៅ​លើ​ស្ពាន​កោះ​ពេជ្រ​នោះ​ដោយ​របៀប​ម៉េច​ទេ»

ប្រធាន​គម្រោង​របស់​ក្រុមហ៊ុន អូ.ស៊ី. អាយ.ស៊ី លោក ទូច សំណាង មាន​ប្រសាសន៍​នៅ​ថ្ងៃ​ទី​២៧ ខែ​ធ្នូ ថា ការ​កំទេច​ស្ពាន​ពេជ្រ​នៅ​ពេល​នេះ ពុំ​មែន​ក្នុង​ន័យ​ថា វា​ជាប់​ទាក់ទង​ទៅ​នឹង​រឿង​មនុស្ស​ស្លាប់​កាល​ពី​ឆ្នាំ​២០១០ នោះ​ទេ។ លោក​បញ្ជាក់​ថា ការ​រុះរើ​ស្ពាន​ពេជ្រ​ចេញ ដោយសារ​តែ​ក្រុមហ៊ុន​បាន​សាង​សង់​ស្ពាន​ភ្លោះ​នៅ​ក្បែរ​នោះ​រួច​រាល់ ដែល​ចំណាយ​ថវិកា​អស់​ជាង​បី​លាន​ដុល្លារ​អាមេរិក។

លោក ទូច សំណាង បន្ថែម​ដូច្នេះ៖ «មាន​បញ្ហា​អី​ទេ ព្រោះ​យើង​មាន​ស្ពាន​ពីរ​ហើយ ធម្មតា​ស្ពាន​ភ្លោះ​មាន​តែ​ពីរ វា​មិន​ដែល​មាន​បី​ទេ យើង​បាន​សាកល្បង​បើក​ស្ពាន​ពីរ​នេះ​មួយ​រយៈ​ហើយ គឺ​ចរាចរណ៍​វា​ល្អ​ហើយ ដូច្នេះ​បាន​ជា​សម្រេច​យក​សម្ភារៈ​ស្ពាន​ចាស់​ទៅ​ធ្វើ​ឃឿន​ថ្មី​ទៀត»

ស្ពាន​ពេជ្រ​មាន​បង្គោល ឬ​សរសរ​រាង​ជា​ត្បូង​ពេជ្រ​ចំនួន ៤ ដែល​គេ​បំពាក់​ភ្លើង​ស្តុប​ចម្រុះ​ពណ៌​ផ្សេងៗ​គ្នា សម្រាប់​បំភ្លឺ​នៅ​ពេល​រាត្រី​នោះ វា​ជា​ទី​កន្លែង​សោកនាដកម្ម​ប្រវត្តិសាស្រ្ត​មួយ​សម្រាប់​ប្រទេស​កម្ពុជា ដែល​មាន​មនុស្ស​ផ្អើល​រត់​ជាន់​គ្នា​ស្លាប់​ចំនួន ៣៥៣​នាក់ នៅ​ថ្ងៃ​ចុង​ក្រោយ​នៃ​ព្រះ​រាជ​ពិធី​បុណ្យ​អុំ​ទូក បណ្ដែត​ប្រទីប និង​សំពះ​ព្រះ​ខែ កាល​ពី​យប់​ថ្ងៃ​ទី​២២ ខែ​វិច្ឆិកា ឆ្នាំ​២០១០ កន្លង​ទៅ។

លោក ទូច សំណាង ជា​ប្រធាន​គម្រោង​របស់​ក្រុមហ៊ុន អូ.ស៊ី. អាយ.ស៊ី បាន​បញ្ជាក់​ថា ក្រុមហ៊ុន​នឹង​យក​សម្ភារៈ​ពី​ស្ពាន​ចាស់​ទៅ​សាងសង់​ស្ពាន​ថ្មី​មួយ​ទៀត នៅ​ឆ្ងាយ​ពី​ទីតាំង​ចាស់​ប្រមាណ ១​ពាន់​ម៉ែត្រ ដើម្បី​ជួយ​សម្រួល​ដល់​អ្នក​ដំណើរ​បន្ថែម​ទៀត។

ទោះ​បី​ជា​យ៉ាង​នេះ​ក្ដី ក្រុមសារ​អ្នក​រង​គ្រោះ​នៅ​លើ​ស្ពាន​ពេជ្រ​មួយ​ចំនួន បាន​លើក​ហេតុផល​ថា វា​ហួស​ពេល​ទៅ​ហើយ ចំពោះ​វិធានការ​គិតគូរ​អំពី​ការ​ការពារ​នៃ​ភាព​កក​ស្ទះ​ចរាចរណ៍​ក្នុង​ការ​ធ្វើ​ដំណើរ​ទៅ​កម្សាន្ត​នៅ​តំបន់​កោះ​ពេជ្រ​នោះ៕

អត្ថបទពេញនិយម
RFA
លោក ហ៊ុន សែន និង​លោក សេង សារី បន្ត​ឆ្លើយឆ្លង​គ្នា​លើ​បណ្ដាញ​សង្គម​ពាក់ព័ន្ធ​សារ​បែក​ធ្លាយ
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Dec 28, 2011 11:39 AM

គ្មានប្រទេសណាគេបំផ្លាញរឺក៏កំទេចកន្លែលដែលជាប្រវត្តិសាសន៍របស់ប្រទេសទេមិនថាកន្លែងនោះជាប្រវត្តិស្នាដៃរឺក៏ជាសោកនាដកម្មទេគឺគេទុកវាសំរាប់អោយក្មេងជំនាន់ក្រោយបានដឹង មិនគួរបំផ្លាញសោះ

Anonymous
Dec 29, 2011 03:09 AM

ត្រូវតែ‌ រក្សា‌‌ទុក‌...បើក្រុមហ៊ុនរុះរើ បាន‌ន័យ‌ ថាក្រុម‌ហ៊ុន‌កំពុង‌‌ចង់ លុប‌បំបាត់‌‌នូវ‌ភស្តុតាង‌របស់ខ្លួន‌មិនចង់‌អោយនាក់ជំនាន់ក្រោយបានដឹង.. Keep‌ it‌...

Anonymous
Dec 27, 2011 03:08 AM

Families of victims charge right,Touch Samnang interprets wrong because when we have too much bridges that the traffic is smoot.

Anonymous
Dec 28, 2011 02:58 AM

Who cares? keeping or destroying this bridge does not mean anything. How many Khmer Rouge's killing fields were destroyed except Tuol Sleng? Why don't you claim to keep them as historical evidence? Some places like schools and pagodas were used as places to torture and kill innocent people, would you want to keep them as-is and not to use them? The incident happened on this bridge was so sad for all, and it was just the incident, no one should be blamed. People should take this as "lesson learned" and be very cautious in the future. No one can protect you, except you yourselves. Not everything in the world should be preserved as evidence!

Anonymous
Dec 28, 2011 12:02 PM

នេះជាទំលាប់ទៅហើយ ដែលខ្មែរបង្កើតថ្មី កំទេចចាស់ចោលនោះ

Anonymous
Dec 27, 2011 12:50 PM

The people dead up to 353 person, but there is no one getting involve, because they already compensate by paying cash to the dead families.

Anonymous
Dec 27, 2011 12:19 PM

ច្បាស់ក្រឡែត! នេះជារឿងបំបាត់ភស្តុតាង មិនមានដោយសារមានស្ពានថ្មីនោះទេ! មានចាំទេថា ហេតអ្វីបានជា សព អ្នកស្រី ពិសិដ្ឋ ពីលិកា មិនត្រូវបាន​អនុញ្ញាត្តឲ្យបញ្ចុះ ? តែត្រូវបានបញ្ជាឲ្យបូជាកំទេចចោល ជំនួសវិញ?

Anonymous
Dec 27, 2011 01:24 PM

ចាំបាច់អីត្រូវវាយចោល! នេះជារឿងបំបាត់ភស្តុតាង មិនមែនដោយសារតែមានស្ពានថ្មីនោះទេ!

Anonymous
Dec 28, 2011 03:06 AM

why Hun sen and his wife keep shut about shooting pisitpilika .mr sam raensey going to sue them.why donot have any word frome Hun sen family u canot get a way with it u was killed alot khmer ,all khmer spiritul will be come to u

Anonymous
Dec 28, 2011 12:29 PM

it is clear that they want to destroy the evidence because we have three bridges which are better than two. why do they do so? No doubt, they don't want khmer to remember the great tragedy.

Anonymous
Dec 28, 2011 11:59 AM

The diamond bridge should stay, as a memorable place and as a respect to the dead people and their family.

Anonymous
Dec 27, 2011 01:56 PM

នេះជាល្បិចបំបាត់ភស្តុតាងហើយ ព្រោះបើមានស្ពានថី្មបនែ្ថមទៀតរឹត​ល្អ​​ ចាំអីទៅកំទេចចោល សមដូចទៅនឹងសុភាសិតខែ្មរថា គោដំបៅខ្នង កែ្អកហើររំលងរំសាយកន្ទុយមែន។

Anonymous
Dec 27, 2011 02:39 AM

Thre is nothig pernanent in this world. Sooner or latter evrething will be destroyed.

Anonymous
Dec 26, 2011 11:48 PM

ខ្ញុំគិតថា​ យើងមិនគួរនាំគ្នាហៅស្ពាននេះថាស្ពានពេជ្រនោះ ទេ គួរហៅថាស្ពានមរណះ សំរាប់ឆ្លងទៅកោះបិសាច។ យើងមិនគួរនាំគ្នាទៅគាំទ្រសកម្មភាពផ្សេងៗនៅលើកោះ បិសាចនោះទេ ព្រោះកោះនេះបានធ្វើឲ្យប្រជាពលរដ្ឋរាប់ សិបគ្រួសារឈឺចាប់ដោយការប្លន់យកដីនេះ ហើយបានធ្វើ ឲ្យមនុស្សជាង៣០០នាក់ស្លាប់ទៀត។ បើនៅតែនាំគ្នាទៅ គាំទ្រកោះនេះទៀត ប្រយ័ត្នលើកក្រោយដល់វេនខ្លួនឯង។

Anonymous
Dec 28, 2011 12:24 PM

they have a right to remove this bridge. 353 people dead because of the panic. not because of the bridge. and In people don't like this bridge, even drive over it. they always chose another bridge. and Kos Pich is the private company, they want the profit so if they remove the bridge and they get more benefit why they cannot remove?