៣​ខែ​មាន​កុមារ​២​នាក់​ស្លាប់​និង​២៨១​នាក់​កើត​ជំងឺ​គ្រុនឈាម

ប្រធាន​កម្មវិធី​ជាតិ​ប្រយុទ្ធ​ប្រឆាំង​ជំងឺ​គ្រុន​ឈាម​នៃ​ក្រសួង​សុខាភិបាល​កម្ពុជា លោក ង៉ាន់ ចន្ថា បាន​មាន​ប្រសាសន៍​ប្រាប់​វិទ្យុ​អាស៊ីសេរី នៅ​ថ្ងៃ​ទី​៣០ ខែ​មីនា ថា រហូត​ដល់​ថ្ងៃ​ទី​៣០ ខែ​មីនា ឆ្នាំ​២០១១ មាន​កុមារ​កើត​ជំងឺ​គ្រុនឈាម​សរុប​ចំនួន ២៨១​នាក់ និង​មាន​កុមារ​ចំនួន ២​នាក់​បាន​ស្លាប់។
ដោយ សុខ សេរី
2011.03.30
Share on WhatsApp
Share on WhatsApp

កុមារ​ដែល​បាន​ស្លាប់​នោះ​មាន​អាយុ ៥​ឆ្នាំ​ម្នាក់ នៅ​ក្នុង​ខេត្ត​តាកែវ និង​កុមារ​ម្នាក់​ទៀត​អាយុ ១០​ឆ្នាំ​នៅ​ក្នុង​ខេត្ត​កណ្ដាល។ តួលេខ​នេះ​គឺ​គិត​ចាប់​តាំង​ពី​ខែ​មករា ឆ្នាំ​២០១១ រហូត​ដល់​ចុង​ខែ​មីនា ឆ្នាំ​២០១១ ដែល​ជាដើម​រដូវ​នៃ​ជំងឺ​គ្រុនឈាម។ រដូវ​ជំងឺ​គ្រុនឈាម​ដែល​កើត​មាន​ពេញ​បន្ទុក​គិត​ចាប់​ពី​ចុង​ខែ​មេសា រហូត​ដល់​ខែ​តុលា ជា​រដូវ​ភ្លៀង​ធ្លាក់​ខ្លាំង។

ក្រសួង​សុខាភិបាល​កំពុងតែ​បង្កើន​ការ​ប្រុង​ប្រយ័ត្ន និង​បាន​បញ្ជូន​មន្ត្រី​ជំនាញ​ជំងឺ​គ្រុន​ឈាម ចុះ​ទៅ​ខេត្ត​មួយ​ចំនួន ដើម្បី​អប់រំ​ប្រជាពលរដ្ឋ​ឲ្យ​យល់​ដឹង​អំពី​វិធី​បង្ការ។ ខេត្ត​ទាំង​នោះ​មាន​ដូចជា ខេត្ត​បន្ទាយមានជ័យ ខេត្ត​កំពត ខេត្ត​ព្រះវិហារ និង​ខេត្ត​កណ្ដាល​ជាដើម៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
គណបក្ស​ចំនួន​៣ ចូលរួម​ប្រកួត​ដណ្ដើម​កៅអី​ក្រុមប្រឹក្សា​ស្រុក​ក្រុង​ទើប​បំបែក​ថ្មី
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។