សេចក្ដីថ្លែងការណ៍របស់លោក ទៀត បាញ់ បានធ្វើឡើងបន្ទាប់ពីជំនួបមួយរវាងរដ្ឋមន្ត្រីការពារជាតិថៃ លោក ស៊ុគុមពល ស៊ុវណ្ណាតាត នៅឯកិច្ចប្រជុំថ្នាក់រដ្ឋមន្ត្រីការពារជាតិអាស៊ាន នាទីក្រុងសៀមរាប នៅយប់ថ្ងៃសុក្រ ទី១៦ វិច្ឆិកា ឆ្នាំ២០១២ នេះ។
លោក ទៀ បាញ់ ថ្លែងប្រាប់កាសែតបាងកកប៉ុស្តិ៍ ថា ការព្រមព្រៀងគ្នារវាងប្រទេសទាំងពីរ រក្សាទុកជម្លោះព្រះវិហារមិនទាន់ដោះស្រាយគ្នានេះ គឺដើម្បីពង្រឹង និងរក្សាទំនាក់ទំនងល្អរវាងប្រទេសទាំងពីរ និងដើម្បីអភិវឌ្ឍវិស័យផ្សេងៗរួមគ្នា។
លោក ទៀ បាញ់ ថ្លែងថា គណៈកម្មាធិការព្រំដែនរួមកម្ពុជា-ថៃ នឹងចាប់ផ្ដើមកិច្ចពិភាក្សាគ្នាឡើងវិញ អំពីការបោះបង្គោលព្រំដែន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។