កម្ពុជា​ស្នើ​ទិញ​អគ្គិសនី​ពី​ប្រទេស​មួយ​ចំនួន​បន្ថែម​ទៀត​ដើម្បី​ផ្គត់ផ្គង់​ភាព​ខ្វះ​ខាត​ធ្ងន់ធ្ងរ

ដោយ ម៉ៅ សុធានី
2019-03-30
អ៊ីម៉ែល
មតិ
Share
បោះពុម្ព
បង្គោល​អគ្គិសនី​នៅ​ឃុំ​អំពិល ស្រុក​កំពង់សៀម ខេត្ត​កំពង់ចាម ដែល​បោះ​លើ​ដី និង​អូស​ខ្សែ​ភ្លើង​ពី​លើ​ផ្ទះ​របស់​ពលរដ្ឋ។ រូបថត​ថ្ងៃ​ទី​១២ ខែ​ឧសភា ឆ្នាំ​២០១៧។
បង្គោល​អគ្គិសនី​នៅ​ឃុំ​អំពិល ស្រុក​កំពង់សៀម ខេត្ត​កំពង់ចាម ដែល​បោះ​លើ​ដី និង​អូស​ខ្សែ​ភ្លើង​ពី​លើ​ផ្ទះ​របស់​ពលរដ្ឋ។ រូបថត​ថ្ងៃ​ទី​១២ ខែ​ឧសភា ឆ្នាំ​២០១៧។
RFA

អាជ្ញាធរ​របប​ក្រុងភ្នំពេញ​បាន​ផ្ញើ​លិខិត​ស្នើសុំ​ទិញ​អគ្គិសនី​ពី​បណ្ដា​ប្រទេស​មួយ​ចំនួន រួមមាន តួកគី វៀតណាម ថៃ និង ឡាវ ដើម្បី​ផ្គត់ផ្គង់​បញ្ហា​ខ្វះខាត​អគ្គិសនី​នៅ​កម្ពុជា ដែល​កំពុង​មាន​វិបត្តិ​ធ្ងន់ធ្ងរ។

ក្នុង​វេទិកា​រវាង​រដ្ឋាភិបាល និង​វិស័យ​ឯកជន នៅ​វិមាន​សន្តិភាព នា​ព្រឹក​ថ្ងៃ​ទី​២៩ ខែ​មីនា នេះ លោក​ហ៊ុន សែន ថា កម្ពុជា​បាន​ស្នើ​ទិញ​ម៉ាស៊ីនភ្លើង​ពី​ប្រទេស​តួកគី ដែល​អាច​ផ្គត់ផ្គង់​អគ្គិសនី បាន​២០០​មេហ្កាវ៉ាត់។ ហើយ​រដ្ឋាភិបាល​តួកគី អាច​នឹង​បញ្ជូន​ម៉ាស៊ីន​នោះ មក​កម្ពុជា ក្នុង​រយៈពេល ៥​សប្ដាហ៍ ខាងមុខ​ទៀត។

ចំពោះ​ប្រទេស​វៀតណាម​វិញ កម្ពុជា​ស្នើសុំ​ឱ្យ​ជួយ​ផ្គត់ផ្គង់​អគ្គិសនី ចន្លះ​ពី ៥០ ទៅ ១០០​មេហ្កាវ៉ាត់ បន្ថែម​ទៀត ខណៈ​បច្ចុប្បន្ន វៀតណាម​បាន​ផ្គត់ផ្គង់​ប្រមាណ​ជា ២០០​មេហ្កាវ៉ាត់។ ចំណែក​ប្រទេស​ថៃ ជួយ​ផ្គត់ផ្គង់ ៨០​មេហ្កាវ៉ាត់​បន្ថែម និង​ប្រទេស​ឡាវ ផ្គត់ផ្គង់​បន្ថែម ១០​មេហ្កាវ៉ាត់​ទៀត។

អ្នកនាំពាក្យ​អគ្គិសនី​កម្ពុជា លោក វុចទ័រ ហ្សូនា ប្រាប់​សារព័ត៌មាន​ក្នុងស្រុក​ថា មូលហេតុ​ធំៗ​ពីរ​យ៉ាង ដែល​បណ្ដាល​ឱ្យ​កម្ពុជា ជួប​បញ្ហា​ខ្វះខាត​អគ្គិសនី គឺ​ដោយសារ​គ្រោះ​រាំងស្ងួត និង​ការ​កើន​ឡើង​វិស័យ​សំណង់។ លោក​បន្ត​ថា គ្រាន់តែ​រយៈពេល​ប៉ុន្មាន​ខែ ដើម​ឆ្នាំ​២០១៩​នេះ វិស័យ​សំណង់ បាន​កើន​ឡើង​ដល់​ទៅ​ប្រមាណ ៧០០% បើ​ប្រៀបធៀប​រយៈពេល​ដូចគ្នា​កាលពី​ឆ្នាំ​២០១៨។

អគ្គិសនី​កម្ពុជា​ឱ្យ​ដឹង​ថា កម្ពុជា​ខ្វះខាត​អគ្គិសនី ប្រមាណ ៤០០​មេហ្កាវ៉ាត់ ដែល​នឹង​អូស​បន្លាយ​រហូតដល់​ចុងខែ​ឧសភា ឆ្នាំ​២០១៩៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល