កម្ពុជា និង​ប្រទេស​កូរ៉េខាងត្បូង​បើកប្រជុំ​ទាក់ទង​នឹង​កិច្ចព្រមព្រៀង​ពាណិជ​កម្ម​សេរី

ដោយ ជាតិ ចំណាន
2020-07-31
អ៊ីម៉ែល
មតិ
Share
បោះពុម្ព
ជំនួប​រវាង​មេដឹកនាំ​កូរ៉េ​ខាងត្បូង ដឺកនាំ​ដោយ​ប្រធានាធិបតី​កូរ៉េ​ខាងត្បូង​លោក​ មូន ជេអ៊ីន (Moon Jae-In) និង​របប​ក្រុង​ភ្នំពេញ លោក ហ៊ុន សែន នៅ​ថ្ងៃ​ទី១៥ ខែ​មីនា ឆ្នាំ​២០១៩។
ជំនួប​រវាង​មេដឹកនាំ​កូរ៉េ​ខាងត្បូង ដឺកនាំ​ដោយ​ប្រធានាធិបតី​កូរ៉េ​ខាងត្បូង​លោក​ មូន ជេអ៊ីន (Moon Jae-In) និង​របប​ក្រុង​ភ្នំពេញ លោក ហ៊ុន សែន នៅ​ថ្ងៃ​ទី១៥ ខែ​មីនា ឆ្នាំ​២០១៩។
Photo courtesy of Hun Sen Facebook Page

កម្ពុជា និង​ប្រទេស​កូរ៉េខាងត្បូង​បាន​បើក​កិច្ចប្រជុំ​មួយ​ទាក់ទង​កិច្ចព្រមព្រៀង​ពាណិជ្ជកម្ម​សេរី រវាង​ប្រទេស​ទាំងពី​នៅ​ថ្ងៃ​ព្រហស្បតិ៍ និង​ថ្ងៃ​សុក្រ​នេះ។ សារព័ត៌មាន​ខេប៊ីអេស​(KBS) របស់​កូរ៉េខាងត្បូង​ចុះផ្សាយ​កាលពី​ថ្ងៃទី​៣០ ខែ​កក្កដា ថា កិច្ចប្រជុំ​នៅ​ថ្ងៃទី​១ ដែល​ធ្វើឡើង​តាម​ប្រព័ន្ធ​អ៊ីនធឺណិត​(Internet) ភាគី​ទាំងពីរ​ពិភាក្សាគ្នា​លម្អិត​ពី​កិច្ចព្រមព្រៀង​ពាណិជ្ជកម្ម​រួមមាន​៖ វិធានការ​នៃ​ប្រភពដើម កិច្ចសហប្រតិបត្ដិការ​សេដ្ឋកិច្ច និង​គោលការណ៍​ទូទៅ និង​ការបើកចំហរ​ទីផ្សារ​ទំនិញ។

អ្នកនាំពាក្យ​ក្រសួង​ពាណិជ្ជកម្ម​កម្ពុជា លោក សៀង ថៃ ធ្លាប់​ប្រាប់​អាស៊ីសេរី​ថា ផលិតផល ដែល​កម្ពុជា​អាច​នាំ​ចេញ​ទៅ​ប្រទេស​កូរ៉េខាងត្បូង រួមមាន ផលិតផល​សំលៀកបំពាក់​វាយនភ័ណ្ឌ ស្បែកជើង និង​កៅស៊ូ ជាដើម​។ លោក​បន្ត​ថា ចំពោះ​ប្រទេស​កូរ៉េខាងត្បូង​វិញ គឺអាច​នាំចូល​នូវ​គ្រឿងចក្រ កុំព្យូទ័រ យានយន្ត និង​ផលិតផល​គីមី ជាដើម​។ លោក សៀង ថៃ មិន​ទាន់​អាច​វាយតម្លៃ​បាន​នៅឡើយ​ទេ ថា​តើ​កម្ពុជា​នឹង​ចំណេញ​កម្រិតណា នៅពេល​មាន​កិច្ចព្រមព្រៀង​ពាណិជ្ជកម្ម​សេរី​ជាមួយ​ប្រទេស​កូរ៉េខាងត្បូង ក៏ប៉ុន្តែ​លោក​ថា ផលិតផល​ទាំងនេះ ភាគច្រើន​មិន​ប្រកួតប្រជែង​គ្នា​ទេ តែ​អាចបំពេញ​ឱ្យ​គ្នា​ទៅ​វិញ​ទៅ​មក ដូចជា គ្រឿងចក្រ​ផ្នែក​សិ​កម្ម​ពី​កូរ៉េខាងត្បូង គឺ​នឹង​អាចជួយ​ដល់​វិស័យ​កសិកម្ម​នៅ​កម្ពុជា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល