ពលរដ្ឋ​ត្អូញត្អែរ​ពី​អគ្គិសនី​ថ្លៃ នៅ​​ឃុំ​ព្រែក​តាមាក់​ស្រុក​ខ្សាច់​កណ្ដាល

ពលរដ្ឋ និង​អាជ្ញាធរ​ក្នុង​ឃុំ​ព្រែក​តា​មាក់ ស្រុក​ខ្សាច់​កណ្ដាល ខេត្ត​កណ្ដាល​ត្អូញត្អែរ​ថា អគ្គិសនី ដែល​គេ​ត​ឲ្យ​ប្រើ​រយៈ​ពេល ១ ឆ្នាំ​មក​នេះ បាន​ឡើង​ថ្លៃ​ពី ២.៨០០ រៀល​ក្នុង ១ គីឡូ​វ៉ាត់​ម៉ោង ដល់​៣.១០០ រៀល នៅ​ពេល​បច្ចុប្បន្ន។
ដោយ អ៊ុក សាវបុរី
2011.10.13
Share on WhatsApp
Share on WhatsApp

ប៉ុន្តែ អគ្គិសនី ដែល​ក្រុមហ៊ុន អានកូ ត​ឲ្យ​ពលរដ្ឋ​ឃុំ​ផ្សេង​ទៀត​ប្រើ នៅ​ក្នុង​ស្រុក​ខ្សាច់​កណ្ដាល​ដែរ តម្លៃ​មិន​ដល់ ១.០០០ រៀល​ទេ ក្នុង​មួយ​គីឡូ​វ៉ាត់​ម៉ោង។

ពួក​គាត់​សុំ​ឲ្យ​អាជ្ញាធរ​អគ្គិសនី​ជួយ​ប្រាប់​ឈ្មួញ​កណ្ដាល ឲ្យ​បញ្ចុះ​តម្លៃ​អគ្គិសនី​នោះ មក​នៅ​តម្លៃ​ដូច​ក្រុមហ៊ុន អានកូ។

តំណាង​ឈ្មួញ​ត​បណ្ដាញ​អគ្គិសនី នៅ​ស្រុក​ខ្សាច់​កណ្ដាល សុំ​មិន​ប្រាប់​ឈ្មោះ បាន​ឲ្យ​ដឹង​ថា គាត់​មិន​អាច​បញ្ចុះ​តម្លៃ​អគ្គិសនី​បាន​ទេ ព្រោះ​តម្លៃ ៣.១០០ រៀល​ក្នុង​មួយ​គីឡូ​វ៉ាត់​ម៉ោង​នោះ គឺ​ជា​តម្លៃ ដែល​បាន​កំណត់​ដោយ​អាជ្ញាធរ​អគ្គិសនី​ឲ្យ​គាត់​លក់​ចែកចាយ។ ម្យ៉ាង​ទៀត ពួក​គាត់​ចាក់​ប្រេង​សម្រាប់​បញ្ឆេះ​ម៉ាស៊ីន ដើម្បី​ផលិត​ថាមពល​អគ្គិសនី។

អាជ្ញាធរ​ឃុំ​ព្រែក​តា​មាក់ លោក យី ហូរ ឲ្យ​ដឹង​ថា ឈ្មួញ​ត​បណ្ដាញ​អគ្គិសនី​ឯកជន លក់​ក្នុង​ស្រុក​ខ្សាច់​កណ្ដាល មាន ៤ ភាគ​ហ៊ុន។ ភ្លើង​អគ្គិសនី​បាន​ត​បណ្ដាញ​ឲ្យ​ពលរដ្ឋ​ប្រើ​នោះ មាន​ជិត​គ្រប់​ភូមិ​ក្នុង​ឃុំ​ព្រែក​តា​មាក់។ ភ្លើង​អគ្គិសនី​ប្រើ​នៅ​ក្នុង​ឃុំ​នេះ គឺ​បាន​ប្រើ​ចាប់​តាំង​ពី​ស្ពាន​ព្រែក​តា​មាក់​សង់​រួច​មក​ម្ល៉េះ៕

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Oct 15, 2011 05:46 PM

MOST OF PEOPLE LIKE TO SPEND HIS MONEY BY THEY FAMILY PROFIT SO THE PRICE TO HIGH IF CHEAPER THAN FINE FOR THEM ......