លោក ឈាង វុន ព្រមាន​ដេញ​ជន​បរទេស​ដែល​ការពារ​បរិស្ថាន​តំបន់​អារ៉ែង​ចេញ​ពី​កម្ពុជា

ដោយ វណ្ណ វិចារ
2014-12-11
អ៊ីម៉ែល
មតិ
Share
បោះពុម្ព
លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ស្ថាបនិក​នៃ​អង្គការ​មាតា​ធម្មជាតិ ថ្លែង​ក្នុង​សន្និសីទ​កាសែត នៅ​ល្ងាច​ថ្ងៃ​ទី​៣ ខែ​តុលា ឆ្នាំ​២០១៤។
លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ស្ថាបនិក​នៃ​អង្គការ​មាតា​ធម្មជាតិ ថ្លែង​ក្នុង​សន្និសីទ​កាសែត នៅ​ល្ងាច​ថ្ងៃ​ទី​៣ ខែ​តុលា ឆ្នាំ​២០១៤។
RFA/Mom Sophon

ប្រធាន​គណៈកម្មការ​ជំនាញ​រដ្ឋសភា មក​ពី​គណបក្ស​ប្រជាជន​កម្ពុជា ចង់​បណ្ដេញ​អ្នក​ការពារ​បរិស្ថាន​តំបន់​អារ៉ែង ចេញ​ពី​ប្រទេស​កម្ពុជា។ ការ​បញ្ជាក់​បែប​នេះ ធ្វើ​ឡើង​នៅ​ក្នុង​សន្និសីទ​កាសែត​មួយ​នា​ព្រឹក​ថ្ងៃ​ទី​១១ ខែ​ធ្នូ ដើម្បី​ព្រមាន​ជន​បរទេស​ម្នាក់ ដែល​តែង​តែ​ធ្វើ​បាតុកម្ម​តវ៉ា​ប្រឆាំង​ចំពោះ​ការ​សាងសង់​ទំនប់​វារីអគ្គិសនី​នៅ​ជាយ​អារ៉ែង។

ប្រធាន​គណៈកម្មការ​កិច្ចការ​បរទេស ឃោសនាការ វប្បធម៌ និង​ព័ត៌មាន​រដ្ឋសភា ចាត់​ទុក​សកម្មភាព​របស់​ជនជាតិ​អេស្ប៉ាញ ដែល​ចេញ​មុខ​ការពារ​បរិស្ថាន​នៅ​តំបន់​អារ៉ែង ថា​ជា​ការ​លូកលាន់​កកូរ​កកាយ​កិច្ចការ​នយោបាយ​នៅ​កម្ពុជា។ លោក ឈាង វុន ថ្លែង​នេះ​ទំនង​ជា​សំដៅ​ប្រធាន​អង្គការ​ចលនា​មាតា​ធម្មជាតិ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson)។ លោក​មាន​ប្រសាសន៍​ថា តំណាង​រាស្ត្រ​ភាគ​ច្រើន​នៅ​ក្នុង​សភា​បារម្ភ​យ៉ាង​ខ្លាំង ព្រោះ​តែ​ការ​បំផុស​ប្រជាពលរដ្ឋ​ឲ្យ​ងើប​តវ៉ា​ការពារ​បរិស្ថាន​នេះ ព្រោះ​វា​ជា​រំលោភ​លើ​បូរណភាព​ទឹក​ដី​នៃ​ប្រទេស​កម្ពុជា។ លោក​បញ្ជាក់​ថា គណបក្ស​កាន់​អំណាច​បាន​ចាត់​តាំង​សមត្ថកិច្ច​មួយ​ចំនួន​រួច​ហើយ ដើម្បី​ឲ្យ​តាម​ដាន​គ្រប់​សកម្មភាព​ជន​បរទេស​ម្នាក់​នោះ ដើម្បី​ចាត់​ការ​ទៅ​តាម​ផ្លូវ​ច្បាប់ នៅ​ពេល​ណា​ដែល​បុគ្គល​នោះ​ធ្វើ​ខុស។

ឆ្លើយ​តប​នឹង​ការ​លើក​ឡើង​បែប​នេះ ប្រធាន​អង្គការ​ចលនា​មាតា​ធម្មជាតិ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន លើក​ឡើង​ថា លោក​មិន​បារម្ភ​ចំពោះ​ការ​ចាប់​ខ្លួន ឬ​ការ​បណ្ដេញ​ចេញ​ពី​ប្រទេស​កម្ពុជា ឡើយ បើ​ទោះ​បី​ជា​មន្ត្រី​រាជ​រដ្ឋាភិបាល​កម្ពុជា គំរាម​លោក​ម្តង​ជា​ពីរ​ដង​ក្តី។ លោក​បន្ត​ថា ការងារ​ដែល​អង្គការ​មាតា​ធម្មជាតិ បាន​ធ្វើ គឺ​ដើម្បី​ការពារ​បរិស្ថាន​ធម្មជាតិ​ឲ្យ​គង់វង្ស ដើម្បី​ទុក​ឲ្យ​កូន​ចៅ​ខ្មែរ​ជំនាន់​ក្រោយ​ប៉ុណ្ណោះ ហើយ​លោក​ក៏​មិន​មាន​បំណង​យក​ប្រទេស​កម្ពុជា ទៅ​លក់​ឲ្យ​បរទេស​នោះ​ដែរ។

ចំណែក​ឯ​មន្ត្រី​ជាន់​ខ្ពស់​នៃ​អង្គការ​ការពារ​សិទ្ធិ​មនុស្ស​លីកាដូ (Licadho) លោក អំ សំអាត វិញ​មាន​ប្រសាសន៍​ថា វា​ជា​រឿង​គួរ​ឲ្យ​អាម៉ាស់​បំផុត ដែល​អ្នក​តំណាង​រាស្ត្រ​គណបក្ស​ប្រជាជន​កម្ពុជា មាន​បំណង​ដេញ​អ្នក​ការពារ​បរិស្ថាន​ចេញ​ពី​ប្រទេស​បែប​នេះ។ លោក​បញ្ជាក់​ថា រដ្ឋាភិបាល​គួរ​ណាស់​តែ​លើក​ទឹក​ចិត្ត​អ្នក​ការពារ​បរិស្ថាន និង​អ្នក​ការពារ​សិទ្ធិ​មនុស្ស ឲ្យ​ខិតខំ​ធ្វើ​ការងារ​បន្ត​ទៀត ដើម្បី​ប្រយោជន៍​ប្រជាពលរដ្ឋ​ខ្មែរ។

គម្រោង​អភិវឌ្ឍន៍​ទំនប់​វារីអគ្គិសនី​តំបន់​អារ៉ែង មាន​តម្លៃ ៤០០​លាន​ដុល្លារ​អាមេរិក ដែល​រដ្ឋាភិបាល​កម្ពុជា បាន​ផ្ដល់​សិទ្ធិ​ទៅ​ឲ្យ​ក្រុមហ៊ុន​ចិន ឈ្មោះ ស៊ីណូហាយដ្រូ (Sinohydro Corporation)។ គម្រោង​សាងសង់​នោះ នឹង​ប៉ះពាល់​ដល់​ប្រជាពលរដ្ឋ​ប្រមាណ ១.៣០០​គ្រួសារ និង​ផ្ទៃ​ដី​ប្រមាណ ២​ម៉ឺន​ហិកតារ ប៉ុន្តែ​គម្រោង​នេះ​ស្ថិត​នៅ​ក្នុង​ដំណាក់​កាល​សិក្សា​នៅ​ឡើយ។

កន្លង​ទៅ ជន​បរទេស​ជាច្រើន​បាន​មក​បើក​អង្គការ​ធ្វើ​កិច្ចការ​មនុស្ស​ធម៌​នៅ​កម្ពុជា។ អ្នក​ទាំង​នោះ​ជា​ស្ថាបនិក​មន្ទីរពេទ្យ​គន្ធបុប្ផា មន្ទីរពេទ្យ​កុមារ​អង្គរ អង្គការ​​ដើម្បី​ភាព​​ញញឹម​នៃ​កុមារ(PSE) និង​ប្រធាន​អង្គការ​ចលនា​មាតា​ធម្មជាតិ(Mother Nature)។ ក្រៅ​ពី​នេះ ជន​បរទេស​មួយ​ចំនួន​ទៀត​ក៏​មក​បើក​អាជីវកម្ម​រក​ស៊ី និង​រស់នៅ​កម្ពុជា ដែរ តែ​ពួក​គេ​មិន​ចេញ​មុខ​ការពារ​បរិស្ថាន ឬ​ធ្វើ​កិច្ចការ​មនុស្ស​ធម៌​នោះ​ទេ។ អ្នក​ទាំង​នោះ​ភាគ​ច្រើន​មាន​មន្ត្រី​រដ្ឋាភិបាល​ជា​ខ្នង​បង្អែក ដោយ​ពួក​គេ​រក​ស៊ី​មុខ​របរ​កាប់​ឈើ ដី​សម្បទាន​សេដ្ឋកិច្ច បើក​បន​ល្បែង ជាដើម ហើយ​អ្នក​មាន​ខ្លះ​បាន​ងារ​ជា​ឧកញ៉ា និង​តំណែង​ជា​ឯកឧត្តម​ទៀត​ផង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (16)
Share

អ្នក​អាន​អនាមិក

ពី Koun Khmer USA

we are very thankfully to Mr. DAVIDSON ! ! !
Chhearng Von has brain with SHIT

Dec 18, 2014 09:07 PM

BothAngkor

Goodjob!!!!,Mr.Davidson must keep fighting with hell dogy. Some of them has no brain from human ,but their brain comes like monkey or earthworm.Mr.Davidson, you are hero,man.

Dec 13, 2014 12:03 AM

ង្វៀង ង៉ុកថាញ

ពី ភ្នំពេញ

លោក ឈៀង វុន មានប្រសាសន៍មកម្តងៗប្រជាជនគិតថាខុស (ការសម្ភាស អាស៊ីសេរី មាតាធម្មជាតិ......)តែគណបក្សមិនគិតថាខុសទេ តើហេតុអ្វីបានជាគាត់ជាប់ជាតំណាងរាស្រ្ត?

Dec 12, 2014 08:58 PM

Sok An

Very Ruthless fascist +race slur +low profile mannered +aggressiveness and then Chheang Worm is became crook and thief .Under 35+years H.Sen's left-wing radical repression ,Cambodia judicial system rated the worst in Asia .In the last term as pm , H.Sen's judicial earned poor marked from expatriate business executives for having the worst system in Asia , survey conducted by Cambodia international transparency consulting firm .There only Hong kong @ Singapore topped the list for having the best judicial systems on the continent .The recent survey ,conducted by the politic @ economic risk consultancy , raked Cambodia last against vietnam and the 12 other asia countries .The judicial system +criminal justice system is the worst case scenarios of Cambodia's weakest @ most controversies institution in the last 35 years , and many consider the poor enforcement laws to be the country's #1 problem +many serious crimes even in the past and recent year have never founded and Cambodia high court has ever never ruling against to illegal chines or vietnames -based investment firms , such as illegal mineral ,illegal land concession contrasted and logging ,which was found guilty of breaching anti-monopoly laws .Like recent days of two top H.Sen's criminal cabinets lead to business criminal conspiracy and one gun down .A transparency international study ranked the judicial as the most corruption institution after the police @ international financial cooperation and the world bank ,showed Cambodia ranked 168th out of 181 countries surveyed in terms of doing business , Cambodia was in the lowest score after vietnam .

Dec 12, 2014 06:58 PM

អ្នក​អាន​អនាមិក

មែនលោកនិយាយបានពិរោះណាស់ តែមិនទាំងអស់ទេលោក កាលពី​គមនិស្តអាពត សម្បត្តិធម្មជាតិស្តុកស្តំ បើនិយាយពីត្រីវិញ​ចាប់និងដៃក៏បានដែរ តែអាគមនិស្តមួយនេះ ប្រទេសជាតិតសឹង​សល់​តែសំបក ព្រោះចៅហ្វាយយួនវា ធ្វើអ្វីក៏បាន យកអ្វីក៏បាន វាមិន​ដែលហ៊ានក្អកទេ។

Dec 12, 2014 06:46 PM

មើល​មតិ​ទាំង​អស់.

គេហទំព័រ​ទាំងមូល