សកម្មជនបរិស្ថានរងការគំរាមកំហែងដោយសារចែកខិត្តប័ណ្ណកោះកុងក្រៅ
2023.01.14
សកម្មជនបរិស្ថាន កញ្ញា ភួន កែវរស្មី និងយុវជនផ្សេងទៀត ដែលខាងគណៈគ្រប់គ្រង់សកលវិទ្យាល័យភូមិន្ទភ្នំពេញ រារាំងចែកខិត្តប័ណ្ណផ្សព្វផ្សាយកោះកុងក្រៅ ពេលកំពុងដាក់ស្ដង់លក់ដូង ក្នុងកម្មវិធីសាលា កាលពីថ្ងៃទី១៣ មករា ២០២៣។
រូប៖ ហ្វេសប៊ុកយុវជន Kim Chilin
នាយកសកលវិទ្យាល័យភូមិន្ទភ្នំពេញ និងអាជ្ញាធរ ហៅក្រុមយុវជនស្រឡាញ់បរិស្ថាន និងជានិស្សិតនៃសាកលភូមិន្ទភ្នំពេញ ទៅសាកសួរ និងគំរាមកំហែងទាក់ទងនឹងករណីពួកគាត់ ដាក់ស្តង់លក់ដូង និងចែកខិត្តប័ណ្ណផ្សព្វផ្សាយកោះកុងក្រៅ នៅក្នុងបរិវេណសកលវិទ្យាល័យភ្នំពេញ ខណ្ឌទួលគោក ទីក្រុងភ្នំពេញ ក្នុងកម្មវិធីខួប៦៣ឆ្នាំសាកលវិទ្យាល័យភូមិន្ទភ្នំពេញ។
និស្សិតឆ្នាំទី៤ សិក្សាផ្នែកព័ត៌មានវិទ្យា នៅសាកលវិទ្យាល័យភូមិន្ទភ្នំពេញ កញ្ញា ភួន កែវរស្មី ប្រាប់វិទ្យុអាស៊ីសេរី នៅថ្ងៃទី១៣ ខែធ្នូ ថា ក្រុមរបស់កញ្ញាមានគ្នា ៥៦នាក់ រៀបចំកាត់ស្ទីកឃ័រ ឬខិត្តប័ណ្ណដែលមានរូបកោះកុងក្រៅ ដើម្បីចែកដល់អ្នកដែលមកចូលរួមខួប ៦៣ឆ្នាំរបស់សាលា ដែលប្រារព្ធធ្វើចាប់ពីថ្ងៃទី១៣ ដល់ថ្ងៃទី១៥។ កញ្ញាបន្តថា មានគ្រូមុខវិជ្ជាផ្សេង ដែលកញ្ញាមិនស្គាល់ឈ្មោះ និងអ្នករៀបចំសណ្ដាប់ធ្នាប់កម្មវិធីមកសួរនាំកញ្ញារឿងចែកខិត្តប័ណ្ណនេះ ហើយដាក់បម្រាមមិនឲ្យចែកទៀត ដោយលើកហេតុផលថា ខ្លាចប៉ះពាល់រឿងនយោបាយ។
និស្សិតរូបនេះប្រកាន់ជំហរថា ទោះជាមានការហាមឃាត់កញ្ញាពីអ្នកគ្រប់គ្រងសាលាក៏ដោយ ក៏កញ្ញានៅតែបន្តចែកចាយខិត្តប័ណ្ណកោះកុងក្រៅដដែល ព្រោះកញ្ញាមិនបានធ្វើខុសវិន័យសាលាឡើយ។ កញ្ញា ភួន កែវរស្មី យល់ថា អ្នកគ្រប់គ្រងសាលាមិនគួរហាមឃាត់មិនឲ្យចែកចាយខិត្តប័ណ្ណនេះទេ ព្រោះនេះជាការជំរុញឲ្យយុវជនកាន់តែស្រឡាញ់ធម្មជាតិថែមទៀត និងជាការចូលរួមការពារសម្បត្តិធម្មជាតិទាំងអស់គ្នា ខាងសាលាគួរតែលើកទឹកចិត្តដល់សិស្សនិស្សិត ទើបជាការប្រសើរ។
សូមទស្សនាបទសម្ភាសន៍មួយជាមួយកញ្ញា ភួន កែវរស្មី បន្ថែម៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ