គិតមកដល់ពេលនេះមានសកម្មជនបរិស្ថានអង្គការមាតាធម្មជាតិ យុវជនខ្មែរថាវរៈ និងអ្នកឈឺឆ្អាលបញ្ហាសង្គម បញ្ហាព្រំដែន ដែលជាយុវជនវ័យក្មេងចំនួន ១៣នាក់ហើយ ត្រូវអាជ្ញាធរបានចាប់ឃុំខ្លួនជាបន្តបន្ទាប់ចាប់តាំងពីឆ្នាំ ២០២០មក។ ការចោទប្រកាន់ពួកគេដាក់ពន្ធនាគារនោះទៀតសោត ក៏ត្រូវមតិជាតិ អន្តរជាតិចាត់ទុកថា ជាបទចោទដ៏អយុត្តិធម៌ថែមទៀត។
យុវជនដែលក្លាហាន និងឈឺឆ្អាលបញ្ហាសង្គម គឺជាអ្នកមានសក្ដានុពល មានតួនាទីសំខាន់ក្នុងការចូលរួមកសាងអភិវឌ្ឍន៍សង្គម។ ប៉ុន្តែក្នុងវ័យនេះពួកគេបែរត្រូវជាប់ពន្ធនាគារខាតបង់ការសិក្សាបាត់បង់ឱកាសចូលរួមកិច្ចការសង្គម ម្យ៉ាងពួកគេក៏ប្រឈមនឹងខូចខាតអនាគត មិនដូចនឹងក្ដីស្រម៉ៃចង់បាន កាលនៅពីក្មេងៗបានទៀត។
យុវជនដែលធ្លាប់ជាប់ពន្ធនាគារ ដោយការចោទប្រកាន់បែបអយុត្តិធម៌ម្នាក់ និងយុវជនធ្វើការងារ ផ្នែកតស៊ូមតិអំពាវដល់រដ្ឋាភិបាលបញ្ឈប់ការធ្វើទុក្ខបុកម្នេញយុវជន និងត្រូវបើកឱកាសឱ្យពួកគេឱ្យបានពេញលេញ និងគ្មានការរើសអើង។
សូមលោកអ្នកនាងស្ដាប់បទសម្ភាសរវាងអ្នកស្រី សុជីវី ជាមួយយុវជន កែម ឡី និយម លោក គង់ រ៉ៃយ៉ា និងកញ្ញា លី ស្រីស្រស់ ប្រធានក្រុមអ្នកវិភាគវ័យក្មេងអំពីរឿងនេះដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។