ក្រសួង​សុខាភិបាល​កម្ពុជា​អះអាង​ថា មិន​ទាន់​រក​ឃើញ​ករណី​វីរុស​កូរ៉ូណា​ថ្មី​ទេ ត្រឹម​ថ្ងៃ​ទី​៨ កុម្ភៈ

ដោយ អាស៊ីសេរី
2020-02-08
អ៊ីម៉ែល
មតិ
Share
បោះពុម្ព
អ្នក​នាំ​ពាក្យ​ក្រសួង​សុខាភិបាល លោក​វេជ្ជបណ្ឌិត លី សូវ៉ាន់ ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​២៩ ខែ​កញ្ញា ឆ្នាំ​២០១៥។
អ្នក​នាំ​ពាក្យ​ក្រសួង​សុខាភិបាល លោក​វេជ្ជបណ្ឌិត លី សូវ៉ាន់ ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​២៩ ខែ​កញ្ញា ឆ្នាំ​២០១៥។
Photo: RFA

អ្នកនាំពាក្យ​ក្រសួងសុខាភិបាល​កម្ពុជា លោក លី សូវ៉ាន់ អះអាង​ថា គិត​ត្រឹម​ល្ងាច​ថ្ងៃ​ទី​៨ ខែ​កុម្ភៈ ក្រសួង ពុំ​ទាន់​រក​ឃើញ​ករណី​វីរុស​កូរ៉ូណា​ថ្មី​ទៀត​ទេ ក្រៅពី​បុរស​ជនជាតិ​ចិន​ម្នាក់ ដែល​កំពុង​សម្រាក​ព្យាបាល នៅ​ក្នុង​មន្ទីរពេទ្យ​ខេត្ត​ព្រះសីហនុ ហើយ​កំពុង​ជាសះស្បើយ​ពី​ជំងឺ​នេះ។ លោក​បញ្ជាក់​ថា ការ​រក​មិន​ឃើញ​ករណី​ថ្មី មិនមែន​ដោយសារ​ប្រព័ន្ធ​សុខាភិបាល​កម្ពុជា​ខ្សោយ​នោះ​ទេ​។ ប្រធាន​នាយកដ្ឋាន​ប្រយុទ្ធ​នឹង​ជំងឺឆ្លង​រូប​នេះ​បន្ត​ថា ក្រសួង​នៅតែ​បន្ត​តាមដាន​ឃ្លាំមើល​ទូទាំង​ប្រទេស​ដដែល។

គិត​ត្រឹម​ល្ងាច​ថ្ងៃ​ទី​៨ ខែ​កុម្ភៈ ជំងឺ​រលាក​សួត​បង្ក​ឡើង​ដោយ​វីរុស​កូរ៉ូណា ដែល​មាន​ប្រភព​រីក​រាលដាល​ពី​ទីក្រុង​វូហាន ប្រទេស​ចិន បាន​សម្លាប់​មនុស្ស​កើន​ដល់ ៧២៤ នាក់​ហើយ នៅ​ក្នុង​ប្រទេស​ចិន ក្នុង​នោះ​ក៏​មាន​ជនជាតិ​អាមេរិក​ម្នាក់ និង​ជនជាតិ​ជប៉ុន​ម្នាក់​ផង។ ចំណែក​អ្នក​ឆ្លង​វីរុស​នេះ ក៏បាន​កើត​ដល់​ជាង ៣​ម៉ឺន ៤​ពាន់ (៣៤.៨៨៩) នាក់​។ ប្រទេស​ជិត​៣០ ត្រូវ​បាន​វីរុស​នេះ ឆ្លង​រាតត្បាត​។ ប្រទេស​ជប៉ុន ស្ថិត​ក្នុង​លេខ​រៀង​ទី​២ ដែល​មាន​អ្នក​ឆ្លង​កើន​ដល់​ចំនួន ៨៩​នាក់ ខណៈ​ប្រទេស​ថៃ កើន​ដល់ ៣២​នាក់ ក្នុង​នោះ​មាន​ជនជាតិ​ថៃ​ចំនួន ៣​នាក់​។ ក្រសួងសុខាភិបាល​ថៃ បញ្ជាក់​ថា ក្នុងចំណោម​បី​ករណី​ឆ្លង​លើ​ជនជាតិ​ថៃ​នេះ គឺ​មាន​មួយ​ករណី​កើត​លើ​អ្នក​ដែល​ជម្លៀស​ពី​វូហាន និង​ពីរ​នាក់​ទៀត​ប្រហែលជា​ឆ្លង​ពី​ភ្ញៀវ​ទេសចរ។ ប្រទេស​ភាគច្រើន​ទៀត ក៏​បាន​រក​ឃើញ​អ្នក​ឆ្លង​វីរុស​នេះ​កើត​ឡើងជា​បន្តបន្ទាប់​ដែរ លើកលែងតែ​កម្ពុជា​ដែល​រក​ឃើញ​តែមួយ​ករណី។

ចាប់​ពី​តាំងពី​មាន​ការ​រីក​រាលដាល​នៃ​វីរុស​នេះ ប្រទេស​ជាង ៦០ រួមមាន សហរដ្ឋអាមេរិក សិង្ហបុរី និង​ជប៉ុន​ជាដើម បាន​ដាក់​ចេញ​វិធានការ​រឹត​បន្តឹង​លើ​ការ​ធ្វើ​ដំណើរ​របស់​ជន​ជាតិ​ចិន​។ ក្រៅ​ពី​នេះ ប្រទេស​ទាំងនោះ ក៏បាន​ផ្សព្វផ្សាយ​អប់រំ​ឱ្យ​ប្រជាពលរដ្ឋ​ពាក់​ម៉ាស់​ការពារ​ដែរ ជាពិសេស នៅ​ប្រទេស​ថៃ ប្រសិនបើ​ជនបរទេស​ណា មិន​ព្រម​ពាក់​ម៉ាស់​ប្រឈម​នឹង​ការ​បណ្តេញ​ចេញ​ទៀត​ផង។

វិធានការ​ទាំងនេះ ខុស​ឆ្ងាយ​ពី​ប្រមុខ​រដ្ឋាភិបាល​កម្ពុជា លោក ហ៊ុន សែន ដែល​អំពាវនាវ​កុំ​ឱ្យ​ពលរដ្ឋ ភ័យខ្លាច​ជ្រុល​ហួសហេតុ និង​ថែមទាំង​ហាម​កុំ​ឱ្យ​អ្នកសារព័ត៌មាន​ពាក់​ម៉ាស់​ការពារ​វីរុស​កូរ៉ូណា។ លើស​ពី​នេះ​ទៀត លោក ហ៊ុន សែន ក៏​ពុំ​មាន​វិធានការ​បិទ​ជើង​ហោះហើរ ឬ​ជម្លៀស​និស្សិត​ខ្មែរ​ពី​ប្រទេស​ចិន ដូច​អ្វី​ដែល​រដ្ឋាភិបាល​ប្រទេស​នានា បាន​ធ្វើ​នោះ​ទេ ក្រោម​ហេតុផល​ថា កុំ​ឱ្យ​មាន​ប៉ះ ពាល់​ដល់​សេដ្ឋកិច្ច និង​ទំនាក់​ជាមួយ​ប្រទេស​ចិន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Be careful with this deadly coronavirus spreading...and China commies do other thing around the world...comm-ish always bullies

Who's gonna believe all this guy"health ministry claiming"because this comm-ish rogue govm't always lies,liars,hid secrecy,fake news, has no freedom of speech,no freedom of expression,no freedom of advertising,no freedom of petition to govm't and who the hell gonna buying or believing him?.Where are more than 3,000 Wuhan pple of city coronavirus breakout who fled to Cambodia in recent week by without a checkup or ban all flies travelers from China to all airports in Cambodia.In the meantime,the unofficial rogue govm't has no a 14-days quarantine for arrivals from mainland of China,that why Cambodian pple so worrying about these 3,000 pple who would be capable of being spread by infection..Otherwise,Khmer pple criticizing about this unofficial pm refused to ban all flies from China mainland and keep its flight around the clocks.And he"HS"urged to other nations to do so,and why u all leave a Chinese pple alone.In spite,the whole world so worrying about this deadly monster coronavirus killed than 800 pple+more than 35,000 pple infected.

Feb 09, 2020 11:05 AM

គេហទំព័រ​ទាំងមូល