គណៈប្រតិភូ​ជាន់ខ្ពស់​ជាង​៤០​នាក់ អមដំណើរ​លោក ហ៊ុន សែន គ្មាន​នរណា​ឆ្លង​កូវីដ​១៩​នោះ​ទេ

ដោយ ម៉ៅ សុធានី
2022.11.18
Share on WhatsApp
Share on WhatsApp
គណៈប្រតិភូ​ជាន់ខ្ពស់​ជាង​៤០​នាក់ អមដំណើរ​លោក ហ៊ុន សែន គ្មាន​នរណា​ឆ្លង​កូវីដ​១៩​នោះ​ទេ លោក​នាយករដ្ឋមន្ត្រី ហ៊ុន សែន ពេលត្រឡប់មកដល់ព្រលាន​យន្តហោះអន្តរជាតិ​ភ្នំពេញ កាលពីថ្ងៃទី១៥ ខែ​វិច្ឆិកា ឆ្នាំ​២០២២។
រូប៖ ហ្វេសប៊ុក​លោក ហ៊ុន សែន

គណៈប្រតិភូ​ជាន់ខ្ពស់​រដ្ឋាភិបាល​ចំនួន​ជាង​៤០​នាក់ ដែល​អមដំណើរ​លោក​នាយករដ្ឋមន្ត្រី ហ៊ុន សែន ទៅ​ចូលរួម​កិច្ចប្រជុំ​កំពូល​នៃ​ក្រុម​ប្រទេស​សេដ្ឋកិច្ច​ធំៗ​ទាំង ២០ ហៅ​កាត់​ថា G20 នៅ​ប្រទេស​ឥណ្ឌូណេស៊ី (Indonesia) គ្មាន​នរណា​ម្នាក់ ឆ្លង​កូវីដ​១៩ នោះ​ទេ លើកលែងតែ​លោកនាយក​រដ្ឋមន្ត្រី ហ៊ុន សែន ម្នាក់ឯង​ប៉ុណ្ណោះ​។ នេះ​ជា​ការ​ប្រកាស​លទ្ធផល​ធ្វើតេស្ត CPR រក​ជំងឺ​កូវីដ​១៩ (Covid-19) របស់​ក្រសួង​សុខាភិបាល។

រដ្ឋលេខាធិការ​ក្រសួង​សុខាភិបាល អ្នកស្រី យក់ សម្បត្តិ កាលពី​ថ្ងៃទី​១៧ ខែវិច្ឆិកា ឲ្យ​ដឹង​ថា សុខភាព​របស់​លោក​នាយក​រដ្ឋមន្ត្រី ហ៊ុន សែន មាន​សភាព​ធម្មតា និង​ពុំ​មាន​ចេញ​រោគសញ្ញា​អ្វី​ឡើយ​។ ទោះជា​យ៉ាង លោក ហ៊ុន សែន បារម្ភ​ពី​សុខភាព​របស់​មេដឹកនាំ​ប្រទេស​ជាច្រើន​ទៀត ដែល​ប្រាស្រ័យ​ទាក់ទង​ជាមួយ​លោក​ដោយ​ផ្ទាល់ នៅ​ពេល​ដែល​ថ្នាក់ដឹកនាំ​ទាំងនោះ បាន​មក​ចូលរួម​កិច្ចប្រជុំ​កំពូល​អាស៊ាន និង​កិច្ចប្រជុំ​ពាក់ព័ន្ធ​មួយ​ចំនួន​ទៀត។

ពាក់ព័ន្ធ​នឹង​ការរិះគន់​ចំពោះ​ការ​វិល​ត្រឡប់​មក​កម្ពុជា​វិញ​ដោយ​តក់ក្រហល់​នេះ លោកនាយក​រដ្ឋមន្ត្រី ហ៊ុន សែន បកស្រាយ​ក្នុង​ខ្សែអាត់​សំឡេង​កាលពី​យប់​ថ្ងៃទី​១៦ វិច្ឆិកា​ថា លោក​មិនអាច​ចាត់​តំណាង ដើម្បី​ចូលរួម​កិច្ចប្រជុំ​កំពូល G20 បាន​ឡើយ ព្រោះ​កម្ពុជា​មិនមែន​ជា​សមាជិក​ក្រុម​ប្រទេស G20​។ លោក​ថា ការចូលរួម​របស់​លោក គឺ​ក្នុង​ឋានៈ​ជា​ប្រធាន​អាស៊ាន តប​តាម​ការ​អញ្ជើញ​របស់​ប្រទេស​ឥណ្ឌូណេស៊ី ដែល​ជា​ម្ចាស់ផ្ទះ។

ក្រៅពី​ខកខាន​កិច្ចប្រជុំ​កំពូល G20 ហើយ លោក ហ៊ុន សែន ក៏​មិនអាច​ចូលរួម​ក្នុង​កិច្ចប្រជុំ​ស្ដីពី​កិច្ច​សហប្រតិបត្តិការ​សេដ្ឋកិច្ច​តំបន់​អាស៊ី​ប៉ាស៊ីហ្វិក ហៅ​កាត់​ថា អេពិច (APEC) ដែល​គ្រោង​ធ្វើ​នៅ​ប្រទេស​ថៃ ចាប់ពី​ថ្ងៃទី ១៧ ដល់ ១៨ វិច្ឆិកា បាន​នោះ​ដែរ​។ លោក​បកស្រាយ​ថា កិច្ចប្រជុំ​នេះ ក៏​គេ​អញ្ជើញលោក ក្នុង​ឋានៈ​ជា​ប្រធាន​ប្ដូរ​វេន​អាស៊ាន ដូច​ករណី​កិច្ចប្រជុំ G20 ដែរ ដូច្នេះ​លោក​គ្មាន​សិទ្ធ​ចាត់​តំណាង​ឱ្យទៅ​ចូលរួម​បាន​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Thank You Peace
Nov 18, 2022 11:40 PM

It's not about Covid. Samdech was just feeling embarrassed because he couldn't find any countries like Cambodia to talk to.

G20 is for world's 20 largest economies. They gather to talk about economy. And Samdech intended to use it to beg for money, and when he found out no other countries would do that. And especially, he wouldn't know what to talk about economically as he only know how to do shift shows.

He realized he would fund himself a monkey in a cage if he stayed....