អ្នកជំងឺកូវីដ១៩ចំនួន៣នាក់ទៀតបានស្លាប់ និងរកឃើញអ្នកឆ្លងថ្មីចំនួន៣៥០នាក់
រថយន្តពេទ្យទៅយកអ្នកជំងឺកូវីដ១៩នៅក្នុងខណ្ឌមួយនៃរាជធានីភ្នំពេញ កាលពីថ្ងៃទី១២ ខែមេសា ឆ្នាំ២០២១។
រូប៖ ហ្វេសប៊ុក នាយកដ្ឋានចត្តាឡីស័ក
អ្នកជំងឺកូវីដ១៩ ចំនួន ៣ នាក់បន្ថែមទៀតបានស្លាប់ នៅថ្ងៃអាទិត្រនេះ។ ចំណែកករណីឆ្លងថ្មីវិញ ក្រសួងសុខាភិបាលបញ្ជាក់ថា មានចំនួនជាង ៣រយ(៣៥០) នាក់ ខណៈអ្នកជាសះស្បើយមានរហូតដល់ជាង ១ពាន់ ៣រយ (១.៣៨០) នាក់។
នៅថ្ងៃដដែលនេះ លោកនាយករដ្ឋមន្ត្រី ហ៊ុន សែន ប្រកាសថា វ៉ាក់សាំងក្រុមហ៊ុនចិនស៊ីណូវ៉ាក់ (Sinovac) ចំនួន ៥ សែនដូសបន្ថែមទៀត បានដឹកមកដល់កម្ពុជាទៀតហើយនៅព្រឹកថ្ងៃទី១៦ ខែឧសភានេះ ។ នេះគឺជាវ៉ាក់សាំងលើកទី៤ហើយដែលរដ្ឋាភិបាល បានបញ្ជាទិញពីក្រុមហ៊ុនចិនស៊ីណូវ៉ាក់ (Sinovac)។ លោក ហ៊ុន សែន បង្ហោះសារនៅលើទំព័រហ្វេសប៊ុក(Facebook)ថា រដ្ឋាភិបាលនឹងស្វះស្វែងរកវ៉ាក់សាំងឱ្យបានរហូតដល់ទៅជាង ២០ លានដូស ចាក់ជូនប្រជាពលរដ្ឋឱ្យបានជាង ១០ លាននាក់ ដើម្បីបង្កើតភាពសាំ និងឲ្យទទួលបានជោគជ័យក្នុងបេសកកម្មប្រយុទ្ធប្រឆាំងជំងឺកូវីដ១៩ និងធ្វើឱ្យស្ថានភាពសេដ្ឋកិច្ចបានប្រសើរឡើងវិញនាពេលខាងមុខ។
មកដល់ពេលនេះ ប្រជាពលរដ្ឋជាង ២ លាននាក់ហើយ បានចាក់វ៉ាក់សាំងបង្ការជំងឺកូវីដ-១៩។
គិតត្រឹមព្រឹកថ្ងៃទី១៦ ខែឧសភា កម្ពុជាមានអ្នកកើតជំងឺកូវីដជាង ២ម៉ឺន ២ពាន់ (២២ ១៨៤) នាក់ ក្នុងនោះអ្នកជាសះស្បើយសរុបជាង ១ម៉ឺន ២ពាន់(១២.១២០)នាក់ និងអ្នកស្លាប់មានចំនួន ១៥០ នាក់។ ក្រៅពីនេះ អ្នកជំងឺរាប់ពាន់នាក់ផ្សេងទៀតកំពុងសម្រាកព្យាបាលក្នុងមន្ទីរពេទ្យនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- សមត្ថកិច្ចចាប់ខ្លួនសកម្មជនបរិស្ថាន ៤ នាក់នៅក្នុងខេត្តកណ្ដាល និងនៅទីក្រុងភ្នំពេញ
- ក្រសួងការពារជាតិកម្ពុជា ចោទស្ថានទូតអាមេរិកថា ព្យាយាមបង្កើតបញ្ហាថ្មី និងបំភ្លៃការពិតជុំវិញលទ្ធផលដំណើរទស្សនកិច្ចនៅមូលដ្ឋានកងទ័ពជើងទឹករាម
- អ្នកវិភាគថា លោក ហ៊ុន សែន នឹងមិនជោគជ័យលើយុទ្ធសាស្រ្តទាំង ៥ របស់ខ្លួន ក្នុងការកម្ទេចបក្សប្រឆាំងឡើយ
- អាជ្ញាធរខ្មែរស្នើវៀតណាមពន្លឿននីតិវិធីដើម្បីទទួលយកជនជាតិរបស់ខ្លួនទៅវៀតណាមវិញឱ្យបានឆាប់
- ក្រសួងការពារជាតិច្រានចោលការលើកឡើងរបស់ស្ថានទូតអាមេរិក
