សមាគម​ អាដហុក ​​បារម្ភ​ពី​គេហទំព័រ​​របស់​ខ្លួន​​ត្រូវ​​បាន​​ក្រុម​​ចោរ​បច្ចេកវិទ្យា​ចូល​គ្រប់គ្រង

ទីន ហ្សាការីយ៉ា
2018-07-19
អ៊ីម៉ែល
មតិ
Share
បោះពុម្ព
មន្ត្រី​ជាន់​ខ្ពស់​ផ្នែក​ស៊ើប​អង្កេត​នៃ​សមាគម​អាដហុក (ADHOC) លោក ស៊ឹង សែនករុណា ផ្ដល់​បទសម្ភាសន៍​កាល​ពី​​ថ្ងៃ​ទី​៩ ខែ​សីហា ឆ្នាំ​២០១៧។
មន្ត្រី​ជាន់​ខ្ពស់​ផ្នែក​ស៊ើប​អង្កេត​នៃ​សមាគម​អាដហុក (ADHOC) លោក ស៊ឹង សែនករុណា ផ្ដល់​បទសម្ភាសន៍​កាល​ពី​​ថ្ងៃ​ទី​៩ ខែ​សីហា ឆ្នាំ​២០១៧។
Photo: RFA

គេហទំព័រ​សមាគម​ការពារ​សិទ្ធិមនុស្ស​ជអាដហុក (Adhoc) ត្រូវ​បាន​ក្រុម​ចោរ​បច្ចេកវិទ្យា ឬ​ហេកគ័រ (Hacker) ចូល​គ្រប់គ្រង​នៅ​ថ្ងៃ​ព្រហស្បតិ៍ ទី​១៩ កក្កដា។

សេចក្ដីថ្លែងការណ៍​របស់​សមាគម ​អាហុក សំដែង​ការ​សោកស្ដាយ និង​ព្រួយ​បារម្ភ​យ៉ាង​ខ្លាំង ដែល​គេហទំព័រ​របស់​ខ្លួន www.adhoccambodia.org ត្រូវ​បាន​ក្រុម​ចោរ​បច្ចេកវិទ្យា ឈ្មោះ “ TurkSiberKarargh” យក​ទៅ​គ្រប់គ្រង ដែល​ធ្វើ​ឲ្យ​រំខាន និង​រាំងស្ទះ​ដល់​ដំណើរការ​ផ្សព្វផ្សាយ​ព័ត៌មាន​នៅ​លើ​គេហទំព័រ​របស់​ខ្លួន។

សមាគម​ជ អាដហុក ប្រកាស​មិន​ទទួលខុសត្រូវ​លើ​អត្ថបទ ឬ​ខ្លឹមសារ​ទាំងឡាយ​ណា ដែល​មិន​ឆ្លុះបញ្ចាំង​ពី​ទស្សនៈ និង​សកម្មភាព​របស់​សមាគម ចាប់ពី​ថ្ងៃ​ទី​១៩ កក្កដា នេះ​តទៅ។ គេហ​ទំព័រ​របស់​សមាគម ​អាដហុក បង្កើត​ឡើង​ក្នុង​គោលបំណង ដើម្បី​ធ្វើការ​អប់រំ ផ្សព្វផ្សាយ អំពី​សកម្មភាព និង​ព័ត៌មាន ដែល​ពាក់ព័ន្ធ​នឹង​វិស័យ​សិទ្ធិមនុស្ស ច្បាប់ និង​លទ្ធិប្រជាធិបតេយ្យ ពិសេស ដើម្បី​បង្ហាញ​ពី​សកម្មភាព​នានា​របស់​សមាគម​ អាដហុក ដែល​បាន​អនុវត្ត​កន្លងមក។

សេចក្ដីប្រកាស​ព័ត៌មាន​ដដែល​បញ្ជាក់​ថា សមាគម ​អាដហុក ​កំពុង​ជួសជុល​ឡើងវិញ ហើយ​នឹង​ប្រកាស​ជា​សាធារណៈ នៅ​ពេល​ដំណើរការ​ជា​ធម្មតា​ឡើងវិញ។

ក្រុម​ហេកគ័រ​លួច​គ្រប់គ្រង​គេហទំព័រ​ អាដហុក ​នេះ នៅ​ក្រោយ​ពេល ក្រុមហ៊ុន​ឯកជន​មួយ​នៅ​សហរដ្ឋអាមេរិក​ដែល​នាំ​មុខ​គេ​ក្នុង​ការងារ​តាមដាន​សុវត្ថិភាព​លើ​ប្រព័ន្ធ​អ៊ីនធឺណិត ឈ្មោះ​ ហ្វាយអឺរ អាយ (FireEye) រក​ឃើញ​កាល​ពី​ពេល​ថ្មីៗ ​នេះ​ថា ក្រុម​​ចោរ​​បច្ចេកវិទ្យា ឬ​ហេកគ័រ អាច​មាន​ទំនាក់ទំនង​នឹង​រដ្ឋាភិបាល​ចិន បាន​ប្រើ​បច្ចេកវិទ្យា​លុកលុយ​ស្ថាប័ន​ជាច្រើន​របស់​កម្ពុជា ​ដែល​ធ្វើ​ការងារ​ពាក់ព័ន្ធ​ដំណើរ​ការ​បោះឆ្នោត។

ក្រុម​ចោរ​បច្ចេកវិទ្យា​មួយ​ក្រុម​ឈ្មោះ ថិមផ៍ ភើរីស្កូប (TEMP.Periscope មាន​គោលដៅ​វាយប្រហារ​ទៅលើ​ស្ថាប័ន​រដ្ឋាភិបាល មន្ត្រី​គណបក្ស​សង្គ្រោះជាតិ មន្ត្រី​ការពារ​សិទ្ធិមនុស្ស និង​អ្នក​សារព័ត៌មាន​ដើម្បី​ស៊ើបការណ៍​សម្ងាត់​ឲ្យ​រដ្ឋាភិបាល​ចិន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល