អ្នក​តវ៉ា​ប្រឆាំង​លោក ហ៊ុន សែន នៅ​ប្រទេស​អូស្ត្រាលី​រង​ការ​គំរាម​សម្លាប់

ដោយ តាំង សារ៉ាដា
2018-03-19
អ៊ីម៉ែល
មតិ
Share
បោះពុម្ព
ពលរដ្ឋ​ខ្មែរ​អូស្ត្រាលី​ជួបជុំ​គ្នា​នៅ​ទីក្រុង​ស៊ីដនី (Sydney) នៅ​ថ្ងៃ​ទី១៦ ខែ​មីនា ឆ្នាំ​២០១៨ ដើម្បី​តវ៉ា​ប្រឆាំង​នឹង​វត្តមាន​របស់​លោក​នាយករដ្ឋមន្ត្រី ដែល​កំពុង​ចូលរួម​កិច្ច​ប្រជុំ​អាស៊ាន-អូស្ត្រាលី នៅ​ទីក្រុង​ស៊ីដនី ប្រទេស​អូស្ត្រាលី។
ពលរដ្ឋ​ខ្មែរ​អូស្ត្រាលី​ជួបជុំ​គ្នា​នៅ​ទីក្រុង​ស៊ីដនី (Sydney) នៅ​ថ្ងៃ​ទី១៦ ខែ​មីនា ឆ្នាំ​២០១៨ ដើម្បី​តវ៉ា​ប្រឆាំង​នឹង​វត្តមាន​របស់​លោក​នាយករដ្ឋមន្ត្រី ដែល​កំពុង​ចូលរួម​កិច្ច​ប្រជុំ​អាស៊ាន-អូស្ត្រាលី នៅ​ទីក្រុង​ស៊ីដនី ប្រទេស​អូស្ត្រាលី។
RFA/Chun Chanboth

សកម្មជន​សហគមន៍​ខ្មែរ​មួយ​ចំនួន ក្នុង​ប្រទេស​អូស្ត្រាលី កំពុង​បារម្ភ​ពី​សុវត្ថិភាព​ផ្ទាល់ខ្លួន​ក្រោយពី​បាន​ទទួល​ការ​គំរាមកំហែង​របស់​ជន​អនាមិក ដែល​មាន​បំណង​ចង់​សម្លាប់​ពួកគាត់។ ទោះបីជា​មានការ​គំរាម​បែបនេះ​ក៏ដោយ ក៏​ក្រុម​សកម្មជន​នៃ​សហគមន៍​ខ្មែរ​ដែល​សកម្ម​ក្នុង​ការ​តវ៉ា​អំពី​បញ្ហា​រំលោភ​សិទ្ធិមនុស្ស​នៅ​កម្ពុជា​នោះ អះអាង​ថា ការ​គំរាម​នេះ មិន​អាច​រារាំង ពួកគេ​ឲ្យ​ឈប់​ការ​តវ៉ា​អំពី​បញ្ហា​ប្រជាធិបតេយ្យ សិទ្ធិមនុស្ស និង​នីតិរដ្ឋ​នោះ​ឡើយ។

តំណាងរាស្ត្រ​អូស្ត្រាលី​ដើមកំណើត​ខ្មែរ​ពី​ខាង​គណបក្ស​ពលករ អះអាង​ថា​លោក​បាន​ប្ដឹង​ទៅ​សមត្ថកិច្ច​របស់​ប្រទេស​អូស្ត្រាលី​រួចហើយ ដើម្បី​ប៉ូលិស​អូស្ត្រាលី​បើក​ការស៊ើបអង្កេត​ស្វែងរក​ភស្តុតាង និង​តម្រុយ របស់​ជន​អនាមិក​ដែល​បាន​ផ្ញើ​លិខិត​គំរាម​រូបលោក និង​សកម្មជន​សហគមន៍​ខ្មែរ​មួយ​ចំនួន​ទៀត​កាល​ពី​ពេល​ថ្មីៗ​នេះ៖ «រឿង​នេះ​យើងខ្ញុំ​ក៏​មាន​ការ​ព្រួយបារម្ភ​ដែរ ដោយ​គ្មាន​អ្នកណា​គេ​មក គំរាមកំហែង​នោះ​ទេ​។ អ៊ីចឹង​យើង​បាន​ប្ដឹង​ករណី​នេះ​ទៅ​ប៉ូលិស វីកតូរីយ៉ា និង​ប៉ូលិស​សហព័ន្ធ។ ហើយ​ប៉ូលិស​គេ​បាន​យកចិត្ត​ទុកដាក់។ ពីព្រោះ​គេ​មិន​អាច​ទទួលយក​បានទេ​ចំពោះ​ការ​គំរាម​មក​លើ​សមាជិកសភា​ដូច្នេះ»

លោក​បន្ត​ថា លោក​ទទួល​លិខិត​អនាមិក​ដែល​លោក​ទទួល​បាន​នេះ គឺ​មួយ​អាទិត្យ​មុន​ការ​ធ្វើ​ពិធី​ដាក់​បណ្ដាសា​ជា​ការ​ដុត​រូប​ទីងមោង​រូប​របស់​លោក ហ៊ុន សែន កាលពី​ថ្ងៃ​ទី​១៧ ខែ​មីនា ស្រប​ពេល ដែល​លោក​កំពុង​ចូលរួម​កិច្ចប្រជុំ​កំពូល អាស៊ាន​-​អូស្ត្រាលី ជា​លើកដំបូង។

តំណាងរាស្ត្រ និង​ជា​សកម្មជន​សហគមន៍​ខ្មែរ​ក្នុង​រដ្ឋ វ៉ិចតូរីយ៉ា ដែល​សកម្ម​ខាង​ទាមទារ​ឲ្យ​មានការ​គោរព​សិទ្ធិមនុស្ស លទ្ធិ​ប្រជាធិបតេយ្យ និង​នីតិរដ្ឋ​នៅ​កម្ពុជា រូប​នេះ​អះអាង​ថា លិខិត​គំរាម​នោះ​បាន សំដៅ​ទៅលើ​មនុស្ស​បួន​នាក់​រួមមាន​លោក ជា យូហន អភិបាលក្រុង ស្ព្រីងវែល (Springvale) រដ្ឋ​វីកតូរីយ៉ា លោក តាក់ ម៉េងហ៊ាង បេក្ខជន​ឈរ​ឈ្មោះ​តំណាងរាស្ត្រ​ប្រចាំ​គណបក្ស​ពលករ និង​អ្នកស្រី ប៊ូ រចនា ភរិយា​របស់​លោក បណ្ឌិត កែម ឡី។

ក្នុង​លិខិត​ដែល​គំរាម​លោក ហុង លីម លោក ជា យូហន លោក តាក់ មេងហ៊ាង និង​អ្នកស្រី ប៊ូ រចនា ដែល​អាស៊ីសេរី ទទួល​បាន​កាលពី​ថ្ងៃ ទី ១៩ មីនា ២០១៨ បាន​សរសេរ​ថា ពួកគេ​នឹង​បាញ់សម្លាប់​ក្រុម​នេះ​ទាំងអស់ ដូច​លោក កែម ឡី អ៊ីចឹង​ដែរ។ ជន​អនាមិក​រូប​នោះ​សរសេរ​ទៀត​ថា រូបគេ​មាន​ប្រពន្ធ​កូន​ក្នុង​ប្រទេស​អូស្ត្រាលី​ដូច្នេះ​គេ​អាច​ចេញចូល​ប្រទេស​អូស្ត្រាលី​ពេល​ណា​ក៏​បាន។ ជន​នោះ​និយាយ​ថា រដ្ឋាភិបាល​អូស្ត្រាលី​នឹង​មិន​អាច​ប៉ះពាល់​គ្រួសារ​របស់​ជន​នោះ​បាន​ទេ ហើយ​ថា​រដ្ឋាភិបាល​អូស្ត្រាលី​ក៏​ដឹង​បញ្ហា​នេះ​ដែរ។

ជន​អនាមិក​ដដែល​នោះ​ថា ពួកគេ​ចង់​សម្លាប់​សកម្មជន​ខ្មែរ ក្នុង​ប្រទេស​អូស្ត្រាលី និង​មនុស្ស​ជាច្រើន​ទៀត​ក្នុង​ប្រទេស​កម្ពុជា​ឲ្យ​អស់ ហើយ​ថាបើ​ពួកគេ​ឈ្នះ​ការ​បោះឆ្នោត​ក្នុង​ឆ្នាំ២០១៨ នោះ ពួកគេ​នឹង​គ្រប់គ្រង​ប្រទេស​ជា​រៀង​រហូត។

លោក ហុង លីម បញ្ជាក់​ថា​ក្រុម​សមត្ថកិច្ច​ដែល​មាន​ជំនាញ​ខាង​ការ ធ្វើ​កោសលវិច័យ​ក្រយ៉ៅដៃ​អះអាង​ពួកគេ​នឹង​ស្វែង​រកមុខ​ជន​អនាមិក ដែល​បាន​គំរាមកំហែង​ឲ្យ​ទាល់តែ​ឃើញ។ លោក​បន្ត​ថា​រហូត​មក​ទល់​ពេលនេះ​ភ្នាក់ងារ​ចារកិច្ច​របស់​ប្រទេស​អូស្ត្រាលី កំពុង​ដំណើរ​តាមដាន លើ​បញ្ហា​នេះ​យ៉ាង​យកចិត្តទុកដាក់៖ «ក្រសួង​ពាក់ព័ន្ធ​អីហ្នឹង​គេ​ចាប់ផ្ដើម​យកចិត្តទុកដាក់​ហើយ។ ហើយ​លោក​រដ្ឋមន្ត្រី​ទី​មួយ​របស់ខ្ញុំ​ក៏បាន​ដឹង​អំពី​រឿង​ហ្នឹង​ដែរ។ ហើយ​ក្រុម​ចារកិច្ច​អូស្ត្រាលី​ហ្នឹង​ក៏​ចូល​មក​ជួយ​ស៊ើបអង្កេត​លើ បញ្ហា​ហ្នឹង​ដែរ»

អាស៊ីសេរី​នៅ​មិនទាន់​អាច​សុំ​ការ​បំភ្លឺ​ពី​សមត្ថកិច្ច​របស់​ប្រទេស​អូស្ត្រាលី​បាន​នៅឡើយ​ទេ ចំពោះ​វិធានការ​ជាក់លាក់​ក្នុង​ការ​ស៊ើបអង្កេត​ករ​ណី គំរាម​សម្លាប់​សកម្មជន​សហគមន៍​រដ្ឋ​វីកតូរីយ៉ា​ទាំងនេះ។

ទោះជា​មានការ​គំរាម​យ៉ាងណាក៏ដោយ លោក ហុង លីម បាន​ប្ដេជ្ញា​ចិត្ត​ហើយ​ថា ការ​គំរាម​នោះ​មិន​អាច​រារាំង​ក្រុម​របស់​លោក​ពី​ការ​ស្រែក ទាមទារ​សិទ្ធិ​សេរីភាព ប្រជាធិបតេយ្យ និង​ការ​គោរព​សិទ្ធិមនុស្ស សម្រាប់​ប្រទេស​កម្ពុជា​បាន​នោះ​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

L Y LY

ពី P PENH

មិនដឹងភយ័ខ្លាចស្អីទេ​ពួកអាខ្លាក្រដាស់អស់នេះ៕

Mar 21, 2018 05:52 AM

dictator Hun Sen would face criminal charges at Australia's federal court

"Anonymous sending letter threatening or obscene letter,or writing".It's a form of harassment to send threatening pr obscene letters.This includes not just letters on paper but also electronic media such as text messaging and email.Upon conviction,a judge may impose fines and even jail.It's a crime for anyone to knowingly send any writing that threatens to accuse another person of a crime.Threatens to expose that person infirmities or falling...threatens to kill or wound another,or...threatens to destroy a person's house,or other property.It's also considered"threatening"to write and send an anonymous letter with a fictitious name"that has bullying language,charge someone with a crime,or contains reflections of the recipient's standing in society or in the community.False allegations,sometime people wrongly accuse others out of anger,envy, or a misunderstanding...Police misconduct,police may conduct arrests searches only there's probably cause to believe criminal activity has occurs,the criminal would face jail sentence and fines.The written word can pack a punch,especially when it comes in the form a threatening letter.Although these sort of letters maybe intimidating or even scary,u should know that u can go to the police,if u receive one,since sending threatening letters to others through the mail,is a crime.In fact,federal law prohibits sending them-and most countries have their own laws that prohibits sending threatening letters as well.Federal law carries hash penalty for those who send threatening letters to other individuals.Anyone who sends a letters through the postal service demanding the money or other things of value under the auspices of treat of bodily harm or kidnapping can face 20 years in federal prison.Similarly,anyone who threaten to injure the reputation of other unless given money can face jail time.

Mar 20, 2018 01:37 PM

HunSen's criminal conspiracies left behind

Congratulations,and thank you very much to the Australia's authority quick to response to an anonymous letter sending threatening,or obscene letters or writing,or terror acts.This anonymous sent a letter threaten to the Cambodian community leaders such Mr.Hong Lim,Chea Yuhan,Tak Meng Hieng,and Mr.Kem Ley's wife victim is Mrs.Bo Rachna who just fled to Australia in recent month to avoid horrible predator Hun Sen,and anonymous claimed that he'll kill anybody Cambodian-Australian citizens and wipe out all whom against his dictatorship regime inside would be kill like killing fields again"1975-1979",and then his dictatorship regime will win election forever.It also said that he has a family in Australia and not worry to coming or out at all.it's said.But,everybody hopefully that the Australia authority will do their best job and brought this anonymous to justice.

Mar 20, 2018 12:45 PM

អ្នក​អាន​អនាមិក

Let's see what Australian government and other democracy lovers can do about it ! Or just a nonsense thunder of UN and other international communities ? If so, this world is just an evil world to live !

Mar 20, 2018 10:51 AM

គេហទំព័រ​ទាំងមូល