0:00 / 0:00
ប្រធានចលនាសង្គ្រោះជាតិ នៅប្រទេសជប៉ុន លោក ហៃ វណ្ណា ស្នើសុំអ្នករាយការណ៍ពិសេសអង្គការសហប្រជាជាតិអ្នកស្រី រ៉ូណា ស្មីត (Rhona Smith) ស៊ើបអង្កេតសំឡេងបែកធ្លាយដែលសង្ស័យថា ជាសំឡេងរបស់ អ្នកនាំពាក្យនៃក្រសួងការងារ និងបណ្ដុះបណ្ដាលវិជ្ជាជីវៈ លោក ហេង សួរ ។
លោក ហៃ វណ្ណា ស្នើសុំបែបនេះក្នុងលិខិតចំហមួយ ដែលផ្ញើទៅអ្នករាយការណ៍ពិសេសអង្គការសហប្រជាជាតិអ្នកស្រី រ៉ូណា ស្មីត នៅថ្ងៃទី១ ខែវិច្ឆិកា។ លោក បានស្នើសុំបន្តទៀតថា ប្រសិនបើ រកឃើញថា សំឡេងបែកធ្លាយនោះពិតជាសំឡេងរបស់លោក ហេង សួរ ប្រាកដមែននោះ សូមឲ្យអ្នកស្រីជួយគាំទ្រ ដើម្បីដាក់បណ្ដឹងប្រឆាំងបុគ្គលនេះទៅតុលាការបណ្ដាប្រទេសមួយចំនួន និងតុលាការអន្តរជាតិ ធ្វើយ៉ាងណាដែលអាចដាក់ទណ្ឌកម្មបុគ្គលនេះបាន។