អង្គការ​លើក​លែង​ទោស​អន្តរជាតិ ស្នើ​ឲ្យ​របប​ក្រុង​ភ្នំពេញ ទម្លាក់​ចោល​រាល់​បទ​ចោទ​ប្រកាន់​លើ​លោក កឹម សុខា

ដោយ មួង ណារ៉េត
2020.01.14
អង្គការ​លើកលែងទោស​អន្តរជាតិ រូបសញ្ញា​អង្គការ​លើកលែងទោស​អន្តរជាតិ
រូបអង្គការ​លើកលែងទោស​អន្តរជាតិ

អង្គការ​លើក​លែង​ទោស​អន្តរជាតិ (Amnesty International) ស្នើ​ឲ្យ​តុលាការ​ទម្លាក់​ចោល​ការ​ប្រកាន់​ប្រឆាំង​លោក កឹម សុខា ដោយ​អង្គការ​នេះ ចាត់​ទុក​ថា អំពើ​ក្បត់​ជាតិ​នោះ គឺ​ជា​ការ​ចោទ​ប្រកាន់​ក្លែងក្លាយ។

នាយក​ប្រចាំ​តំបន់​នៃ​អង្គការ​នេះ គឺ​លោក នីកូឡាស់ ប៊ីខ្វែលលីន (Nicholas Bequelin) ការ​កាត់ទោស ដោយ​ផ្អែក​លើ​ការ​ចោទ​ប្រកាន់​ថា អាមេរិក​នៅ​ពី​ក្រោយ​ខ្នង ដើម្បី​ផ្ដួល​រំលំ​រដ្ឋាភិបាល​កម្ពុជា​នេះ ខ្វះ​ភាព​គួរ​ឲ្យ​ជឿ​ទុក​ចិត្ត តាំង​ពី​ដើម​ដំបូង​មក​ម្ល៉េះ។ លោក​បន្ថែម​ទៀត​ថា ស្រប​ពេល​ដែល​មន្ត្រី និង​សកម្មជន​គណបក្ស​ប្រឆាំង​រង​ការ​ធ្វើ​ទុក្ខ​បុក​ម្នេញ​ឥត​ស្រាកស្រាន្ត អាជ្ញាធរ​កម្ពុជា​យក​ប្រព័ន្ធ​យុត្តិធម៌​ព្រហ្មទណ្ឌ មក​ធ្វើ​ជា​អាវុធ ដើម្បី​ប្រល័យ និង​កម្ទេច​គណបក្ស​សង្គ្រោះ​ជាតិ។

ក្រុម​មេធាវី​ការពារ​ក្តី​លោក​ កឹម សុខា បាន​ប្រាប់​សារ​ព័ត៌មាន រ៉យទ័រ (Reuters) របស់​អង់គ្លេស ថា ការ​កាត់​ក្តី​នេះ អាច​ស៊ី​ពេល​រហូត​ដល់​បី​ខែ ទើប​តុលាការ​អាច​ឈាន​ទៅ​ចេញ​សាលក្រម​មួយ​បាន។ បើ​ពិត​ដូច​ការ​អះអាង​របស់​ក្រុម​មេធាវី មានន័យ​ថា​ ដំណើរ​ការ​ក្តី​នេះ អាច​នៅ​បន្ត​ក្រោយ​សហភាព​អឺរ៉ុប ចេញ​សេចក្ដី​សម្រេច​អំពី​ការ​ព្យួរ​ការ​អនុគ្រោះ​ពន្ធ EBA

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។