សង្គម​ស៊ីវិល និង​សហគមន៍​ប្ដូរ​យុទ្ធសាស្ត្រ​ប្រារព្ធ​ទិវា​សិទ្ធិមនុស្ស​អន្តរជាតិ​១០​ធ្នូ ឆ្នាំ​នេះ

ដោយ ខែ សុណង
2019-11-23
អ៊ីម៉ែល
មតិ
Share
បោះពុម្ព
នាយករង​ទទួលបន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ​លីកាដូ (LICADHO) លោក អំ សំអាត ចូលរួម​វេទិកាវិទ្យុ​អាស៊ីសេរី។
នាយករង​ទទួលបន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ​លីកាដូ (LICADHO) លោក អំ សំអាត ចូលរួម​វេទិកាវិទ្យុ​អាស៊ីសេរី។
RFA

សង្គម​ស៊ីវិល និង​សហគមន៍​រង​ផល​ប៉ះពាល់​ដោយ​វិវាទ​ដីធ្លី ប្ដូរ​យុទ្ធសាស្ត្រ​ប្រារព្ធ​ទិវា​សិទ្ធិមនុស្ស​អន្តរជាតិ​១០​ធ្នូ ខួប​ទី​៧១ ដោយសារតែ​ការ​ធ្វើទុក្ខបុកម្នេញ​ពី​អាជ្ញាធរ។

នាយករង​ទទួលបន្ទុក​ឃ្លាំមើល​សិទ្ធិមនុស្ស នៃ​អង្គការ​លីកាដូ លោក អំ សំអាត ថ្លែង​ថា ការ​ប្រារព្ធ​ទិវា​សិទ្ធិមនុស្ស​អន្តរជាតិ​១០​ធ្នូ នេះ សហគមន៍​នៅ​តាម​បណ្ដា​ខេត្ត​មួយ អាច​ប៉ាន់ប្រមាណ​ថា មាន​ចំនួន​ចន្លោះ​ពី ៥​ពាន់ ទៅ​៧​ពាន់​នាក់ គ្រោង​ប្រារព្ធ​នៅ​តាម​សហគមន៍​របស់​ពួកគាត់​រៀងៗ​ខ្លួន​។ ចំណែក​ប្រធានបទ​នៃ​ទិវា​នេះ​វិញ គឺ​ពួកគាត់​នឹង​លើក​យក​ទៅតាម​បញ្ហា​ដែល​ពួកគេ​ជួបប្រទះ​នៅ​ក្នុង​សហគមន៍​របស់​ពួកគាត់​ផ្ទាល់។ លោក អំ សំអាត បន្ត​ថា ទោះ​យ៉ាងណា​សង្គម​ស៊ីវិល នឹង​ជូន​ដំណឹង​ទៅ​សាលា​រាជធានី​ភ្នំពេញ បន្ទាប់​ពី​ជួបពិភាក្សា​គ្នា ចំពោះ​គម្រោង​ប្រមូលផ្ដុំ​រៀបចំ​ពិធី​អបអរ​ទិវា​សិទ្ធិមនុស្ស​នេះ ជា​ទ្រង់ទ្រាយ​ធំ​មួយ​ផ្សេងទៀត​។ លោក​ថា នៅ​រយៈពេល​ប៉ុន្មាន​ឆ្នាំ​ចុង​ក្រោយនេះ អាជ្ញាធរ​នឹង​មិន​បាន​សម្រួល​រាល់​ការ​ជួប​ប្រជុំ​សម្ដែង​មតិ និង​អបអរ​ទិវា ដែល​មាន​មនុស្ស​ចូលរួម​លើស​ពី​២​រយ​នាក់ ក្រោម​ហេតុផល​ការពារ សន្តិសុខ និង​សណ្ដាប់​នោះ​ទេ​។ បញ្ហា​នេះ លោក​យល់ថា ស្ថានភាព​ការ​គោរព​សិទ្ធិមនុស្ស​នៅ​កម្ពុជា កាន់តែ​រួម​តូច​ទៅ៖ «ការដែល​យើង​មិន​អាច​ជួបជុំ​ជា​ទ្រង់ទ្រាយ​ធំ ឬក៏​ដង្ហែ​ក្បួន​ធម្ម​យាត្រា ដូច​ឆ្នាំមុនៗ​មក​បាន គឺ​ដោយសារតែ​ភាព​រឹត​បន្តឹង និង​ការ​មិន​អនុញ្ញាត ឱ្យ​ជួបជុំ​ជា​ទ្រង់ទ្រាយ​ធំ ហើយ​និង​ធម្ម​យាត្រា​ធំៗ ដូច​ពេល​មុនៗ​នោះ​បាន​។ ស្ថានភាព​ប៉ុន្មាន​ឆ្នាំ​ចុង​ក្រោយនេះ គឺ​មានការ​រឹត​បន្តឹង ចំពោះ​សេរីភាព​ក្នុង​ការ​ជួបជុំ ឬ​ការ​ប្រមូលផ្ដុំ​នោះ។

អនុក្រឹត្យ​ស្ដីពី​ប្រតិទិន​ឈប់សម្រាក​ការងារ​របស់​មន្ត្រី​រាជការ​និយោជិក កម្មករ​ប្រចាំ​ឆ្នាំ​២០២០ បង្ហាញ​ថា របប​ក្រុងភ្នំពេញ​សម្រេច​កាត់បន្ថយ​ចំនួន ៦​ថ្ងៃ គឺ​ពី ២៨​ថ្ងៃ មក​នៅ​ត្រឹម ២២​ថ្ងៃ​វិញ​។ ការ​លុបចោល​ថ្ងៃ​ឈប់សម្រាក​ទាំងនោះ​មាន​ដូចជា ថ្ងៃបុណ្យ​មាឃបូជា ទិវា​កុមារ​អន្តរជាតិ ទិវា​ជាតិ​នៃ​ការ​ចងចាំ ទិវា​រំលឹក​ខួប​នៃ​កិច្ចព្រមព្រៀង​ទីក្រុង​ប៉ារីស ២៣ តុលា ហើយ​ក្នុង​នោះ​ក៏​មាន​ថ្ងៃ​ទិវា​សិទ្ធិមនុស្ស​អន្តរជាតិ ១០ ធ្នូ ផង​ដែរ៕

សូម​ស្ដាប់​បទសម្ភាសន៍​បន្ថែម​រវាង​លោក អំ សំអាត និង​អ្នកស្រី ខែ សុណង ដូច​តទៅ៖

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល