អ.ស.ប​និង​គណៈកម្មាធិការ​សិទ្ធិមនុស្ស​កម្ពុជា​គ្រោង​ធ្វើ​ទិវា​សិទ្ធិមនុស្ស​អន្តរជាតិ​១០ ធ្នូ ចុង​សប្ដាហ៍​នេះ

ដោយ ខែ សុណង
2019-12-04
អ៊ីម៉ែល
មតិ
Share
បោះពុម្ព
ស្លាក​សញ្ញា​ការិយាល័យ​ឧត្ដម​ស្នងការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​ប្រចាំ​កម្ពុជា។
ស្លាក​សញ្ញា​ការិយាល័យ​ឧត្ដម​ស្នងការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​ប្រចាំ​កម្ពុជា។
Photo: RFA

អង្គការ​សហប្រជាជាតិ និង​គណៈកម្មាធិការ​សិទ្ធិមនុស្ស​កម្ពុជា និង​មន្ត្រី​សហភាព​អឺរ៉ុប គ្រោង​រៀបចំ​ទិវា សិទ្ធិមនុស្ស​អន្តរជាតិ​១០​ធ្នូ ខួប​ទី​៧១ ដោយ​ជ្រើស​រើស​យក​ប្រធានបទ “​យុវជន​ក្រោក​ឡើង ដើម្បី​សិទ្ធិមនុស្ស​” នៅ​ថ្ងៃ​ទី​៧ ធ្នូ នា​ពហុកីឡាដ្ឋាន​ជាតិ​អូឡាំពិក។

សេចក្ដីប្រកាស​ព័ត៌មាន​របស់​ការិយាល័យ​ឧត្ដមស្នងការ​អង្គការសហប្រជាជាតិ​ទទួលបន្ទុក​សិទ្ធិមនុស្ស ឱ្យ​ដឹង​ថា ព្រឹត្តិការណ៍​នេះ នឹង​ជួយ​រំលេច​ពី​តួនាទី​ដឹកនាំ​របស់​យុវជន​ដែល ជា​ប្រភព​នៃ​ការ​ជំរុញ​ឱ្យ​មាន​អនាគត​មួយ​កាន់តែ​ប្រសើរ​។ លិខិត​បន្ត​ថា សក្ដានុពល​របស់​យុវជន​ជា​ភ្នាក់ងារ​ធ្វើ​ឱ្យ​មានការ​ផ្លាស់ប្ដូរ​បែប​ស្ថាបនា បំពង​សំឡេង​របស់​ពួកគេ​ឱ្យ​លឺ​ខ្ទរខ្ទារ និង​ធ្វើការ​ជាមួយ​ទស្សនិកជន​នៅ​ទូទាំង​ពិភពលោក​គ្រប់​ស្រទាប់​វណ្ណៈ ក្នុង​ការ​លើកស្ទួយ​និង​ការពារ​សិទ្ធិ​នានា។

ពិធី​នោះ​ក៏​គ្រោង​ផ្ដល់​ពានរង្វាន់​ដល់​យុវជន​វ័យក្មេង គាំទ្រ​សិទ្ធិមនុស្ស​ឆ្នាំ​២០១៩ តាមរយៈ​ការចូលរួម​សកម្មភាព​របស់​ពួកគេ​ក្នុង​សហគមន៍។

ចំណែក​សង្គម​ស៊ីវិល និង​សហគមន៍​រង​ផល​ប៉ះពាល់​ដោយ​វិវាទ​ដីធ្លី នៅ​ឆ្នាំនេះ ក៏​នឹង​ប្រារព្ធ​ទិវា​នេះ នៅ​តាម​សហគមន៍​ក្នុង​បណ្ដា​ខេត្ត​មួយ​ចំនួន ហើយ​ប្រធានបទ​ពួកគាត់​នឹង​កំណត់​ទៅតាម​បញ្ហា​នៅ​ក្នុង​សហគមន៍​របស់​ពួកគាត់​ផ្ទាល់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល