ពលរដ្ឋ​ខ្មែរ​ក្រោម​កំពុង​រស់​នៅ​កម្ពុជា ស្នើ​អាជ្ញាធរ​ខេត្ត​សៀមរាប​ឱ្យ​ជួយ​ដោះ​ស្រាយ បញ្ហា​សិទ្ធិ​សេរីភាព​របស់​ខ្មែរ​កម្ពុជា​ក្រោម

ដោយ សន ចាន់រដ្ឋា
2019-12-08
អ៊ីម៉ែល
មតិ
Share
បោះពុម្ព
នាយក​កម្មវិធី​សមាគម​ខ្មែរ​កម្ពុជា​ក្រោម​ដើម្បី​សិទ្ធិ​មនុស្ស និង​អភិវឌ្ឍន៍ លោក សឺន ជុំជួន ផ្ដល់​បទសម្ភាសន៍​ដល់​វិទ្យុ​អាស៊ីសេរី នៅ​ថ្ងៃ​ទី​៦ ខែ​ធ្នូ ឆ្នាំ​២០១៥។
នាយក​កម្មវិធី​សមាគម​ខ្មែរ​កម្ពុជា​ក្រោម​ដើម្បី​សិទ្ធិ​មនុស្ស និង​អភិវឌ្ឍន៍ លោក សឺន ជុំជួន ផ្ដល់​បទសម្ភាសន៍​ដល់​វិទ្យុ​អាស៊ីសេរី នៅ​ថ្ងៃ​ទី​៦ ខែ​ធ្នូ ឆ្នាំ​២០១៥។
RFA

ពលរដ្ឋ​ខ្មែរ​ក្រោម រស់នៅ​តាម​បណ្ដា​ខេត្ត​នានា ជិត ២០០នាក់ ស្នើ​អាជ្ញាធរ​ខេត្ត​សៀមរាប​ឱ្យ​ជួយ​ដោះ​ស្រាយ បញ្ហា​សិទ្ធិ​សេរីភាព​របស់​ខ្មែរ​កម្ពុជា​ក្រោម ដែល​កំពុង​រស់​នៅ​ក្នុង​ប្រទេស​កម្ពុជា ។ ការ​ស្នើ​នេះ​ធ្វើ​ឡើង នៅ​ក្នុង​ទិវា​សិទ្ធិមនុស្ស ១០ធ្នូ ដែល​ពលរដ្ឋ​ខ្មែរ​កម្ពុជា​ក្រោម បាន​រៀបចំ​ឡើង នៅ​ខេត្ត​សៀមរាប នៅ​ព្រឹក​ថ្ងៃ​ទី៨ ធ្នូ។

អគ្គលេខាធិការ​សមាគម​ខ្មែរ​កម្ពុជា​ក្រោម ដើម្បី​សិទ្ធិ​មនុស្ស និង​អភិវឌ្ឍន៍ លោក សឺន ជុំជួន ប្រាប់​ថា ពលរដ្ឋ​ខ្មែរ​កម្ពុជា​ក្រោម​បាន ដាក់​ញត្តិ​ចំនួន ៦សន្លឹក​ជូន​អាជ្ញាធរ​នៅ​ខេត្ត​សៀមរាប ឱ្យ​ជួយ​ដោះ​ស្រាយ​បញ្ហា​ ដែល​ខ្មែរ​កម្ពុជា​ក្រោម​ដែល​កំពុង​រស់​នៅ​ក្នុង​ខេត្ត​សៀមរាប។ លោក​ថា បញ្ហា​ប្រឈម ដែល​ពួកគេ​កំពុង​ជួប​ប្រទះ​មាន​ដូចជា មាន​ដូចជា ការ​រឹតត្បិត​សេរីភាព​បញ្ចេញ​មតិ សិទ្ធិ​ជួប​ប្រជុំ ការ​ឃ្លាំ​មើល និង​តាមដាន​ពី​សំណាក់​អាជ្ញាធរ បញ្ហា​ជម្លោះ​ដីធ្លី និង​ការ​មិន​ទទួល​បាន​ឯកសារ​គតិយុត្តិ​ស្រប​ច្បាប់​ជា​ដើម។

តំណាង​អាជ្ញាធរ​ខេត្ត​សៀមរាប ដែល​បាន​មក​ចូលរួម​ទិវា​សិទ្ធិ​មនុស្ស ១០ធ្នូ បាន​ទទួល​ញត្តិ និង​សន្យា​ថា នឹង​យក​បញ្ហា​របស់​ខ្មែរ​ក្រោម ដាក់​ជូន ទៅ​ថ្នាក់​លើ​បន្ត។

ខ្មែរ​កម្ពុជា​ក្រោម​ម្នាក់ មក​ពី​ខេត្ត​កំពង់ឆ្នាំង លោក ទត គឹមស្រូយ ដែល​បាន​ចូល​រួម ទិវា​សិទ្ធិ​មនុស្ស ១០ធ្នូ របស់​សមាគម​ខ្មែរ​កម្ពុជា​ក្រោម ​រំពឹង​ថា សំណើ​របស់​​​​​​​​​​​​​ពលរដ្ឋ​ខ្មែរ ក្រោម នឹង​ត្រូវ​រដ្ឋាភិបាល​យក​ចិត្ត​ទុកដាក់ ហើយ​កែ​លម្អ​ស្ថានភាព​សិទ្ធិ​ខ្មែរ​ក្រោម​ឲ្យ​ល្អ​ជាង​ពេល​បច្ចុប្បន្ន។

សមាគម​ខ្មែរ​កម្ពុជា​ក្រោម ឱ្យ​ដឹង​ថា ពលរដ្ឋ​ខ្មែរ​ក្រោម​ដែល​កំពុង​រស់​នៅ​ក្នុង​ប្រទេស​កម្ពុជា ភាគ​ច្រើន គឺ​នៅ​ខេត្ត​សៀមរាប ខេត្ត​កំពង់​ឆ្នាំង ខេត្ត​តា​កែវ កោះកុង និង​រាជធានី​ភ្នំពេញ។ខ្មែរ​ក្រោម​ខ្លះ​បាន​រស់​នៅ​លាយឡំ​ជាមួយ សហគមន៍​វៀតណាម​នៅ​កម្ពុជា ឯ​ខ្លះ​ទៀត លាយឡំ ជា​មួយ​ពលរដ្ឋ​ខ្មែរ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល