មេធាវី​គ្រោង​ប្ដឹង​ទាស់​ទៅ​តុលាការ​កំពូល​ទាក់ទង​នឹង​ការ​ស៊ើបអង្កេត​បន្ថែម​លើ​សំណុំ​រឿង​ចារកម្ម​របស់​អតីត​អ្នក​យក​ព័ត៌មាន​អាស៊ី​សេរី

ដោយ សុជីវី
2020-02-02
អ៊ីម៉ែល
មតិ
Share
បោះពុម្ព
លោក សំ ចំរើន មេធាវី​ការពារ​ក្តី​ឱ្យ​អតីត​អ្នក​យក​ព័ត៌មាន​អាស៊ី​សេរី លោក អ៊ួន ឈិន និង​​លោក យាង សុធារិន្ទ។
លោក សំ ចំរើន មេធាវី​ការពារ​ក្តី​ឱ្យ​អតីត​អ្នក​យក​ព័ត៌មាន​អាស៊ី​សេរី លោក អ៊ួន ឈិន និង​​លោក យាង សុធារិន្ទ។
រូប៖ គេ​ផ្ដល់​ឱ្យ

មេធាវី​ការពារ​ក្តី​ឱ្យ​អតីត​អ្នក​យក​ព័ត៌មាន​អាស៊ី​សេរី លោក សំ ចំរើន ឱ្យ​ដឹង​ថា លោក​នឹង​ជជែក​ជាមួយ​កូន​ក្តី​បន្ថែម​ ជុំ​វិញ​ការ​ប្តឹង​ទាស់​សាលដីកា​សាលាឧទ្ធរណ៍​ទៅ​តុលាការ​កំពូល​បន្ត​ទៀត​ទាក់ទង​នឹង​​ការ​ស៊ើបអង្កេត​បន្ថែម​​លើ​សំណុំ​​រឿង​ចារកម្ម​។ លោក​បញ្ជាក់​ថា លោក​បាន​​ប្ដឹង​ទាស់​ករណី​កាន់​កាប់ និង​ផលិត​រូបភាព​អាសអាភាស​ទៅ​តុលាការ​កំពូល​រួច​ហើយ កាល​ពី​ពេល​ថ្មីៗនេះ។ លោក​នៅ​តែ​អះអាង​ថា ការ​ស៊ើបអង្កេត​បន្ថែម​ដោយ​មិន​កំណត់​ពេល​​វេលា​ជាក់​លាក់ ប៉ះពាល់​​ជា​ខ្លាំង​ដល់​សិទ្ធិ​សេរីភាព​របស់​កូន​ក្តី​របស់​លោក។

កាល​ពី​ពេល​ថ្មីៗនេះ សាលាឧទ្ធរណ៍​បាន​ច្រាន​​ចោល​បណ្ដឹង​សារទុក្ខ​របស់​អតីត​អ្នក​យក​​ព័ត៌មាន​អាស៊ី​សេរី​លោក អ៊ួន ឈិន និង​​លោក យាង សុធារិន្ទ ដែល​ស្នើសុំ​ឱ្យ​តុលាការ​ជាន់ខ្ពស់​មួយ​នេះ​បដិសេធ​ការ​ស៊ើបអង្កេត​បន្ថែម​របស់​តុលាការ​ក្រុង​ភ្នំពេញ​​ទាក់ទង​នឹង​បទ​ចោទ​ចារកម្ម និង​​ការ​ផលិត​វីដេអូ​អាសអាភាស។

អតីត​អ្នក​យក​ព័ត៌មាន​អាស៊ី​សេរី​ទាំង​ពីរ​រូប​ខក​ចិត្ត ចំពោះ​ការ​សម្រេច​របស់​សាលាឧទ្ធរណ៍ ព្រោះ​ពួក​គេ​បាន​​លើក​ឡើង​នូវ​ទឡ្ហីករណ៍​ជា​ច្រើន ដែល​បង្ហាញ​ថា សំណុំ​​រឿង​នេះ​គ្មាន​អ្វី​ត្រូវ​ស៊ើបអង្កេត​បន្ត​ទៀត​នោះ​ទេ។ អ្នក​ទាំងពីរ​​​​នៅ​តែ​យល់​ថា តុលាការ​​មាន​ចេតនា​ធ្វើ​បាប​ពួក​គេ ទើប​បាន​ជា​បន្ត​​រឿង​ក្តី​នេះ​ដោយ​គ្មាន​ភស្តុតាង​គ្រប់គ្រាន់។

ជាមួយ​គ្នា​នេះ អង្គការ​សិទ្ធិមនុស្ស​លីកាដូ (LICADHO) ពិនិត្យ​ឃើញ​ថា ការ​​សម្រេច​របស់​សាលា​ឧទ្ធរណ៍​នេះ​​ ធ្វើ​ឱ្យ​លោក អ៊ួន ឈិន និង​លោក យាង សុធារិន នៅ​តែ​មិន​ទទួល​​បាន​​សេរីភាព​ពេញលេញ​ក្នុង​ដំណើរ​ការ​តស៊ូ​តា​ម​ផ្លូវ​ច្បាប់​ដោយ​គ្មាន​ការ​កំណត់​ពេល​វេលា​ក្នុង​សំណុំ​​រឿង​ដែល​មាន​​ចរិត​នយោបាយ​នេះ៕

ព័ត៌មាន (0)
Share
គេហទំព័រ​ទាំងមូល