ក្រុមអ្នកសារព័ត៌មានកម្ពុជាជាច្រើននៅក្នុងប្រទេសកម្ពុជា នាំគ្នាសម្ពោធសម្ព័ន្ធអ្នកសារព័ត៌មានកម្ពុជាថ្មីមួយ ហៅតាមឈ្មោះជាឡាតាំងថា CamboJa «ខេមបូចា»។
ពិធីសម្ពោធជាផ្លូវការ នៃសម្ព័ន្ធអ្នកសារព័ត៌មានកម្ពុជា ខេមបូចា (CamboJa) ត្រូវបានរៀបចំធ្វើនៅសណ្ឋាគារ ហ៊ីម៉ាវារី ក្នុងរាជធានីភ្នំពេញ នៅព្រឹកថ្ងៃទី១៣ ខែធ្នូ ឆ្នាំ២០១៩។
គោលបំណង នៃការបង្កើតសម្ព័ន្ធអ្នកសារព័ត៌មានកម្ពុជា ខេមបូចា (CamboJa) ថ្មីមួយនេះ ត្រូវបានស្ថាបនិកបញ្ជាក់ថា ដើម្បីលើកស្ទួយវិស័យព័ត៌មាននៅកម្ពុជា។ សេរីភាពក្នុងវិស័យសារព័ត៌មាននៅក្នុងប្រទេសកម្ពុជាបច្ចុប្បន្ននេះ ត្រូវបានគេមើលឃើញថា កំពុងធ្លាក់ចុះ ចាប់តាំងពីពេលរបបក្រុងដាក់គំនាបលើស្ថាប័នព័ត៌មានឯករាជ្យ និងបិទការផ្សាយរបស់វិទ្យុមួយចំនួន នៅក្នុងឆ្នាំ២០១៧។
ទោះជាយ៉ាងណាក្ដី អ្នកចូលរួមនៅក្នុងពិធីសម្ពោធ សម្ព័ន្ធអ្នកសារព័ត៌មានកម្ពុជា ខេមបូចា (CamboJa) ជាផ្លូវការនេះ គឺមានមន្ត្រីពីអង្គការសង្គមស៊ីវិល មន្ត្រីអង្គទូតប្រចាំកម្ពុជា អ្នកសារព័ត៌មាននៅក្នុងប្រទេសកម្ពុជាជាង ២០០នាក់ រួមទាំងមន្ត្រីក្រសួងព័ត៌មាន និងមន្ត្រីរដ្ឋាភិបាលមួយចំនួនទៀតផង៕
( ស្ត្រីដែលប្រកបវិជ្ជាជីវៈជាអ្នកសារព័ត៌មាន នៅតែមានចំនួនតិចជាងបុរសបច្ចុប្បន្ននេះ )
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។