សហព័ន្ធ​ខ្មែរ​កម្ពុជា​ក្រោម​និង​UNPO​នឹង​រួម​គ្នា​ធ្វើ​សន្និសីទ​ពី​ការ​រំលោភ​សិទ្ធិ​ខ្មែរ​ក្រោម

ដោយ យន់ សាមៀន
2018-04-18
អ៊ីម៉ែល
មតិ
Share
បោះពុម្ព
និមិត្ត​សញ្ញា​អាស៊ីសេរី។
និមិត្ត​សញ្ញា​អាស៊ីសេរី។
Photo: RFA

សហព័ន្ធ​ខ្មែរ​កម្ពុជា​ក្រោម និង​អង្គការ​តំណាង​ប្រជាជាតិ​គ្មាន​អ្នក​តំណាង ហៅ​កាត់​ថា យូ.អិន.ភី.អូ (UNPO) នឹង​រួមគ្នា​ធ្វើ​សន្និសីទ​មួយ​ស្តី​អំពី​ការរំលោភ​សិទ្ធិមនុស្ស​ខ្មែរ​កម្ពុជា​ក្រោម​នៅ​ប្រទេស​វៀតណាម។

សន្និសីទ​នេះ​នឹង​ធ្វើ​ឡើង​នៅ​ទីក្រុង​ប៉ារីស ប្រទេស​បារាំង​នៅ​ដើមខែ​មិថុនា។ សមាជិក​ព្រឹទ្ធសភា​បារាំង លោក André Gattolin នឹង​សម្របសម្រួល​សន្និសីទ​នោះ។ សេចក្ដីប្រកាស​ព័ត៌មាន សហព័ន្ធ​ខ្មែរ​កម្ពុជា​ក្រោម​ឲ្យ​ដឹង​ថា ខ្មែរ​ជា​ជនជាតិ​ដើម​នៅ​លើ​ទឹកដី​កំណើត ដែល​ត្រួតត្រា​ដោយ​ប្រទេស​វៀតណាម កំពុង​រងគ្រោះ​ពី​ការរំលោភ​ដីធ្លី ដោយសារតែ​ប្រព័ន្ធ​យុត្តិធម៌​ពុករលួយ និង​ការ​ធ្វើទុក្ខបុកម្នេញ​ផ្នែក​សេរីភាព​សាសនា និង​សេរីភាព​នៃ​ការ​បញ្ចេញមតិ​របស់​ព្រះសង្ឃ​ខ្មែរ​កម្ពុជា​ក្រោម។

ខ្មែរ​កម្ពុជា​ក្រោម​ក៏​រងគ្រោះ​នៃ​ការ​ចាប់​ឃុំខ្លួន​ដោយ​មិន​ស្របច្បាប់ និង​ការ​ធ្វើ​ទារុណកម្ម។ សន្និសីទ​នេះ នឹង​ប្រមូល​ផ្ដុំ​សហគមន៍​ខ្មែរ​ក្រោម សង្គម​ស៊ីវិល និង​អ្នកប្រាជ្ញ ដើម្បី​ជជែក​ពី​បញ្ហា​រំលោភបំពាន​សិទ្ធិមនុស្ស​បច្ចុប្បន្ន និង​ស្វែងរក​វិធីសាស្ត្រ ដើម្បី​ទប់ស្កាត់​ការ​រំលោភបំពាន​ទាំងនោះ ដើម្បី​លើក​តម្កើង​សិទ្ធិ​ជា​មូលដ្ឋាន​របស់​ពលរដ្ឋ​ខ្មែរ​កម្ពុជា​ក្រោម។ សន្និសីទ​នេះ ប្រើប្រាស់​ភាសា​អង់គ្លេស ក្នុង​ការ​ទំនាក់ទំនង​គ្នា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល