អតីត​មេដឹកនាំ​ខ្មែរ​ក្រហម​មួយ​ចំនួន​ថា​ ការ​ស្លាប់​របស់​ឌុច​ ធ្វើ​អោយ​ព្រលឹង​ជនរងគ្រោះ​ស្ងប់ចិត្ត

ហេង​ រស្មី
2020-09-03
អ៊ីម៉ែល
មតិ
Share
បោះពុម្ព
លោក កាំង ហ្កេកអ៊ាវ ហៅ ឌុច អតីត​ប្រធាន​គុក​ទួល​ស្លែង ឬ​ហៅ​ថា ស-២១ ក្នុង​របប​ខ្មែរក្រហម។
លោក កាំង ហ្កេកអ៊ាវ ហៅ ឌុច អតីត​ប្រធាន​គុក​ទួល​ស្លែង ឬ​ហៅ​ថា ស-២១ ក្នុង​របប​ខ្មែរក្រហម។
រូប៖ ECCC

អតីតយោធាខ្មែរក្រហមមួយចំនួននៅតំបន់ប៉ៃលិន និងនៅអន្លង់វែង លើកឡើងថាការស្លាប់របស់លោក ហ្កាំង ហ្កេចអ៊ាវ​ ហៅឌុច នឹង​ធ្វើអោយព្រលឹង​ជនរងគ្រោះ​ជាង​១ម៉ឺននាក់

ដែលស្លាប់នៅមន្ទីរស២១ បាន​ស្ងប់ចិត្ត​ដោយសារ​តែឌុច​​ បានធ្វើតាម​បញ្ជា​មេដឹកនាំជាន់ខ្ពស់នៅក្នុងរបបខ្មែរក្រហម ក្នុងការសម្លាប់អ្នកទោសដែលបានជាប់ឃុំ។

អតីតយោធាខ្មែរក្រហមមួយចំនួននៅតំបន់ប៉ៃលិន និងនៅអន្លង់វែង លើកឡើងថាការស្លាប់របស់លោក ហ្កាំង ហ្កេចអ៊ាវ​ ហៅឌុច នឹង​ធ្វើអោយព្រលឹង​ជនរងគ្រោះ​ជាង​១ម៉ឺននាក់ដែលស្លាប់នៅមន្ទីរស២១ បាន​ស្ងប់ចិត្ត​ដោយសារ​តែឌុច​​ បានធ្វើតាម​បញ្ជា​មេដឹកនាំជាន់ខ្ពស់នៅក្នុងរបបខ្មែរក្រហម ក្នុងការសម្លាប់អ្នកទោសដែលបានជាប់ឃុំ។

មន្ត្រី​យោធា​ជាន់​ខ្ពស់​របស់​អតីត​ ខ្មែរ​ក្រហម​​មួយ​ចំនួនអះអាងថា ពួក​គេ​មិន​គាំទ្រ​ចំពោះ​ទង្វើ​ របស់​លោក​ ឌុច​ នៅ​ពេល​ដែល​លោក​ជា​អ្នក​ទទួល​ខុស​ត្រូវ​កំពូល​មួយ​រូប​ក្នុង​របប​កម្ពុជា​ប្រជាធិបតេយ្យ។​

អតីត​អ្នក​ថតរូប​នៅ​គុក ទួល​ស្លែង​ លោក​ ញ៉ែម អេន​ បញ្ជាក់ថា​ មរណភាព​លោក​ឌុច​ នឹង​បាន​ធ្វើ​អោយ​ព្រលឹង​ជន​រង​គ្រោះ​បាន​ស្ងប់ចិត្ត​ បើ​ទោះ​បី​ជា​លោក​ ឌុច ជាប់​ពាក់ព័ន្ធ​នឹង​ការ​សម្លាប់​អ្នក​ទោស​នៅ​គុគ​ទួល​ស្លែង​យ៉ាង​ណា​ក៏​ដោយ។​

លោក​និយាយថា​ ការ​សម្លាប់​អ្នក​ទោស​នៅ​មន្ទីរ​ស ២១​ ក្នុង​អំឡុង​ពេល​របប​ខ្មែរ​ក្រហម​គឺ​លោក​ ឌុច​ ធ្វើ​តាម​បញ្ជា​មនុស្ស​បី​នាក់​គឺ​ អតីត​រដ្ឋមន្ត្រី​ក្រសួង​ការពារ​ជាតិ​ លោក​ ស៊ុន សេន​ អតីត​រដ្ឋមន្ត្រី​ក្រសួង​ការបរទេស​ លោក​អៀង សារី​ និង​ អតីត​ប្រធាន​រដ្ឋសភា​ គឺ​លោក​ នួន ជា​។​លោក​និយាយ​ថា​ តាម​អ្វី​ដែល​លោក​បាន​ដឹង​មាន​ឆ្នាំ​សន្តិសុខ​ចំនួន​ជាង​៥០០​នាក់​ត្រូវ​លោក​ ឌុច បញ្ជា​អោយ​យក​ទៅ​សម្លាប់​នៅ​វាល​ពិឃាដ​បឹង​ជើង​ឯង​ដោយ​ចោទ​ថា​ ជា​ចារកម្ម​ស៊ី អាយ អេ(CIA)​ របស់​អាមេរិក​ និង​ធ្វេស​ប្រហែស​ក្នុង​ពេល​បំពេញ​ការងារ​របស់​ខ្លួន។​

«​ពីព្រោះ​តា​ឌុច​ នេះ​នៅ​គុគ​ទួល​ស្លែង​គេ​ធ្វើ​តាម​បញ្ជា​របស់​គេ​ទេ។​ដូច្នេះ​ដូច​ខ្ញុំ​ជម្រាប​ជូន​បងប្អូន​អញ្ចឹង​ បើ​សិន​ជា​លោក​ឌុច​ អ្នក​ធ្វើ​គឺ​មាន​ដូច​លោក​ ឌុច​ ១០០​ នាក់​ និង​១ពាន់​អ្នក​ទៀត​ដែល​ជា​អ្នក​ធ្វើ»។​

អតីត​ប្រធាន​មន្ទីរ​ស២១ ឬ​គុក​ទួលស្លែង លោក​ កាំង ​ហ្កេចអ៊ាវ ​ហៅឌុច ​ដែលមាន​ទោស​ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ និង​ឧក្រិដ្ឋកម្ម​សង្គ្រាម​ ប្រព្រឹត្ត​ឡើងក្នុងរបបខ្មែរក្រហម ហើយ​ត្រូវ​ជាប់​ពន្ធនាគារ​អស់​មួយ​ជីវិត​នោះ ​មាន​ប្រវត្តិ​អាថ៌​កំបាំង​ជាច្រើន។

ឌុច ​ដែលបានប្រែក្លាយ​ពី​គ្រូ​បង្រៀនទៅជា​មេពេជ្ឈឃាដ ដឹកនាំការ​សម្លាប់មនុស្ស​យ៉ាងរង្គាល​មា្នក់ ​នៅក្នុងរបបកម្ពុជាប្រជាធិបតេយ្យ ចន្លោះ​ពីឆ្នាំ​១៩៧៥ ​ដល់ឆ្នាំ​១៩៧៩​ នោះ បានទទួល មរណភាព ការពីថ្ងៃទី២​ កញ្ញា ២០២០ ក្នុងវ័យ៧៨​ឆ្នាំ ដោយ​រាគាពាធ​។
អតីត​មេ​បញ្ជាការកងពលធំ៤១៥ និង​ជាអភិបាល​ក្រុងប៉ៃលិន​លោក​ អ៊ី ឈាន​ មាន​ប្រសាសន៍​ថា​ ក្រុម​អតីត​ខ្មែរ​ក្រហម​ មិន​សូវ​ចាប់​អារម្ភ​ និង​មរណភាព​របស់​ លោក​ កាំង ហ្កេចអ៊ាវ​ ទេ​ដោយ​សារ​តែ​តុលាការ​ខ្មែរ​ក្រហម​បាន​កាត់​ទោសលោក​រួច​ហើយ។​
លោក​បន្ថែម​ថា​ មរណភាព​នេះ​នឹង​បិទ​បញ្ចប់​សំណុំ​រឿង​ពាក់​ព័ន្ធ​នឹង​លោក​ ឌុច ហើយ​ក៏​អាច​ធ្វើ​អោយ​សាច់​ញាត្តិ​ជនរងគ្រោះ​ខ្លះ​បាន​ស្ងប់​ចិត្ត​ផង​ដែរ។​

«រឿង​រ៉ាវ​ វា​ចប់​ត្រឹម​នឹង​អត់​មាន​ជីវិត​ហ្នឹង​ហើយ​។​បើ​ទោះ​បី​ជា​អ្នក​ដឹង​រឿង​ ដឹង​រ៉ាវ​យ៉ាង​ម៉េច​ក៍​ដោយ​។ប៉ុន្តែ​បើ​គាត់​ស្លាប់​ទៅ​ហើយ​ គឺ​វា​ចប់​ហើយ​។​បើ​អ្នក​ណា​ដឹង​រឿង​រ៉ាវ​ តទៅ​ទៀត​អាហ្នឹង​ជា​រឿង​ផ្សេង​ទេ​។តែ​បើ​រឿង​បុគ្គល​ វា​មាន​អ្វី​ទៅ​ពាក់ព័ន្ធ​អ្វី​ទៀត។»

ចំណែក អតីតមេបញ្ជាការ​កងពល​លេខ​៤៥០​ នៅ​តំបន់​ម៉ាឡៃ​ និង​ជា​រដ្ឋលេខាធិការ​ក្រសួង​ការពារ​ជាតិ​លោក សុខ ភាព​ មាន​ប្រសាសន៍ថា​ លោក​មិនដែល​មាន​ទំនាក់​ទំនង​ជាមួយ​លោក​ ឌុច​ ទេ​ក្នុង​អំឡុង​ពេល​របប​ខ្មែរ​ក្រហម​។លោកថា​ អ្វី​ដែល​លោក​បាន​ឭ​ចម្លើយ​សារ​ភាព​របស់​លោក​ ឌុច​ នៅ​សាលា​ក្តី​ខ្មែរ​ ក្រហម​ ហាក់​ដូច​ជា​គ្រប់​គ្រាន់​ហើយ​ចំពោះ​ទង្វើ​ដែល​ធ្លាប់​ធ្វើ​កន្លង​មក​។ដូច្នេះ​លោក​មិន​មាន​អ្វី​សោក​ស្តាយ​ទេ​ ដោយ​សារ​តែការ​ស្លាប់​គឺ​ជា​ជំងឺ​របស់​មនុស្ស​ចាស់។​

«តុលាការ​កាត់​ទោស​ គាត់​អស់​ចិត្ត​ អស់​ចង់​ល្មម​គ្រប់​គ្រាន់​ ហើយ​សាក្សី​ហ្នឹង​។​ការ​បាត់​បង់​ហ្នឹង​ធម្មតា​ជីវិត​ មនុស្ស​យើង​អ្នក​ណា​ ក៏​ដូច​អ្នក​ ណា​ដែរ​ ដល់​ថ្ងៃ​ស្លាប់​ៗ​ដូច​តែ​គ្នា»

ទាក់​ទិន​នឹង​មរណភាព​របស់​មេគុក​ទួល​ស្លែង​នេះ​ដែរ អតីត​យោធា​ខ្មែរ​ក្រហម​ និងជា​ប្រធាន​ប្រតិបត្តិ​គណបក្ស​សង្គ្រោះជាតិ​នៅ​ប៉ៃលិន​ អ្នក​ស្រី វ៉ែន ដារ៉ា និយាយថា​ លោក​ ឌុច​ ជា​ប្រធាន​មន្ទីរ​ឃុំ​ឃាំង​តូច​មួយ​ប៉ុណ្ណោះ​ គឺ​ធ្វើតាម​បញ្ជា​ថ្នាក់​ដឹក​នាំ​ប៉ុណ្ណោះ។​អ្នកស្រី​​ស្នើ​សុំ​អោយ​សាច់​ញាតិ​ជនរងគ្រោះទាំង​អស់​កុំ​ចងគំនុំ​ជាមួយ​លោក​ ហ្កាំង ហ្កេចអ៊ាវ​ តទៅ​ទៀត​ ដោយ​សារ​តែ​លោក​បាន​ស្លាប់​ទៅ​ ហើយៗ​សាលា​ក្តី​បាន​កាត់​ទោស​អោយ​ជាប់​ពន្ធនាគារ​អស់​មួយ​ជីវិត​ផងដែរ។​

«​ខ្ញុំ​សូម​ទោស​ដល់​បងប្អូន​ ប្រជាពលរដ្ឋ​ផង ហើយ​យើង​ចូល​រួម​គិត​ទាំង​អស់​គ្នា​។​ខ្ញុំ​និយាយ​ហ្នឹង​ វា​ខុស ឬត្រូវ​?ជាធម្មតា​ទេ​ របប​មួយ​ៗ ធ្វើ​អ្វី​តាម​មេបញ្ជា​ ហ្នឹង​ឯង​។ដូច​រាល់​ថ្ងៃ​លោក​ ហ៊ុន សែន​ គាត់ថា​ គាត់​នៅ​ពី​ក្រោម​យួន​ អាហ្នឹង​វា​ចឹង​។បើ​យើង​ពិនិត្យ​អោយ​ដល់​ទៅ​ យើង​នៅ​ក្រោម​យួន ហើយ​និង​ចិន​ហ្នឹង»។​

​​​​លោក កាំង ហ្កេកអ៊ាវ ហៅ ឌុច ត្រូវ​បាន​តុលាការយោធា​កម្ពុជា​ចាប់​ឃុំ​ខ្លួន​តាំងពី​ឆ្នាំ​១​៩​៩​៩។ លោក​ត្រូវ​បាន​ផ្ទេរ​ទៅ​ឃុំ​ខ្លួន​នៅ​សាលាក្ដី​ខ្មែរ​ក្រហម ហើយ​ត្រូវ​បាន​តុលាការ​កំពូល​នៃ​សាលាក្ដី​កូនកាត់​មួយ​នេះ​បាន​ផ្ដន្ទាទោស​លោក​ក្នុង​សំណុំរឿង​លេខ ០០១ ឲ្យ​ជាប់​ពន្ធនាគារ​អស់​មួយ​ជីវិត កាល​ពី​ថ្ងៃ​ទី៣ ខែកុម្ភៈ ឆ្នាំ២០១២ ពី​បទ "ឧក្រិដ្ឋកម្ម​ប្រឆាំង​មនុស្ស​ជាតិនិង "ឧក្រិដ្ឋកម្ម​សង្គ្រាមដែល​បាន​ប្រព្រឹត្ត​ឡើង​នៅ​គុក​ទួល​ស្លែង​ក្នុង​របប​កម្ពុជា​ប្រជាធិបតេយ្យ​៕​

ព័ត៌មាន (0)
Share
គេហទំព័រ​ទាំងមូល