សហព័ន្ធសិទ្ធិមនុស្សអន្តរជាតិស្នើតុលាការកម្ពុជាទម្លាក់ចោលសាលក្រមផ្ដន្ទាទោសលោក នី ចរិយា
អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) លោក នី ចរិយា (អាវលឿងទុំ) ចូលស្ដាប់សភាស៊ើបសួរសាលាឧទ្ធរណ៍ ទាក់ទងបណ្ដឹងសុំមោឃភាពលើការសាកសួររបស់ ACU ថ្ងៃទី៨ ខែសីហា ឆ្នាំ២០១៦។ RFA/Rann Samnang
RFA/Rann Samnang
សហព័ន្ធសិទ្ធិមនុស្សអន្តរជាតិ ហៅកាត់ថា ហ្វីដ (FIDH) កាលពីថ្ងៃសុក្រ ទី២៣ កញ្ញា បានស្នើឲ្យតុលាការកម្ពុជា ទម្លាក់ចោលសាលក្រមផ្ដន្ទាទោសលោក នី ចរិយា។ អង្គការនេះចាត់ទុកសាលក្រមនេះថាជាសាលក្រមអយុត្តិធម៌។
នាយកអង្គការសហព័ន្ធសិទ្ធិមនុស្សអន្តរជាតិ ហ្វីដ (FIDH) លោក ឌីមីទ្រីស គ្រីស្តូពូឡុស (Dimitris Christopoulos) មានប្រសាសន៍ក្នុងសេចក្តីថ្លែងការណ៍ថា ការផ្ដន្ទាទោសលោក នី ចរិយា ជាការបង្ហាញឲ្យឃើញនូវការវិវឌ្ឍន៍ថ្មីៗអំពីបែបផែននៃការធ្វើទុក្ខបុកម្នេញ ដោយយកប្រព័ន្ធតុលាការកម្ពុជា ធ្វើជាឧបករណ៍។
ចំណែកនាយកផ្នែកអាស៊ីអាគ្នេយ៍នៃអង្គការ ហ្វីដ (FIDH) អ្នកស្រី អែនឌ្រា ជីអូហ្គែតា (Andrea Giorgetta) មានប្រសាសន៍ថា សវនាការកាលពីថ្ងៃទី២២ កញ្ញា បង្ហាញថា តុលាការកម្ពុជា ប្រកាន់យកបទដ្ឋានឡប់ឡែមួយ ដើម្បីកាត់ទោសមន្ត្រីការពារសិទ្ធិមនុស្ស។ ចរិតរបស់ចៅក្រមជម្រះនៅក្នុងសវនាការ និងការមិនរវីរវល់លើភស្តុតាងដោះបន្ទុក សបញ្ជាក់ឲ្យឃើញថា ចៅក្រមរូបនេះបានសន្មតថា លោក នី ចរិយា មានទោសតាំងពីមិនទាន់ជម្រះក្តី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- សមត្ថកិច្ចចាប់ខ្លួនសកម្មជនបរិស្ថាន ៤ នាក់នៅក្នុងខេត្តកណ្ដាល និងនៅទីក្រុងភ្នំពេញ
- ក្រសួងការពារជាតិកម្ពុជា ចោទស្ថានទូតអាមេរិកថា ព្យាយាមបង្កើតបញ្ហាថ្មី និងបំភ្លៃការពិតជុំវិញលទ្ធផលដំណើរទស្សនកិច្ចនៅមូលដ្ឋានកងទ័ពជើងទឹករាម
- ក្រុមហ៊ុនប្រេង គ្រីសអែណឺជី (KrisEnergy) ប្រកាសក្ស័យធន
- អ្នកវិភាគថា លោក ហ៊ុន សែន នឹងមិនជោគជ័យលើយុទ្ធសាស្រ្តទាំង ៥ របស់ខ្លួន ក្នុងការកម្ទេចបក្សប្រឆាំងឡើយ
- អាជ្ញាធរខ្មែរស្នើវៀតណាមពន្លឿននីតិវិធីដើម្បីទទួលយកជនជាតិរបស់ខ្លួនទៅវៀតណាមវិញឱ្យបានឆាប់
