អគ្គនាយកនៃអគ្គនាយកដ្ឋានសម្ភារៈបច្ចេកទេសនៃក្រសួងការពារជាតិ នាយឧត្ដមសេនីយ៍ ចៅ ភិរុណ បដិសេធថា លោកមិនបានប្រព្រឹត្តអំពើពុករលួយក្នុងគម្រោងអភិវឌ្ឍកំពង់ផែកងទ័ពជើងទឹករាមនៅខេត្តព្រះសីហនុ ដូចតាមការចោទប្រកាន់របស់សហរដ្ឋអាមេរិក ដែលទើបនឹងដាក់ទណ្ឌកម្មមកលើរូបលោកនោះទេ។ លោកអះអាងប្រាប់វិទ្យុអាស៊ីសេរី កាលពីថ្ងៃទី១១ វិច្ឆិកាថា លោកមិនបានទៅឃុបឃិតជាមួយប្រទេសចិនកុម្មុយនិស្ត ដើម្បីបំផ្លាញផលប្រយោជន៍របស់កម្ពុជានោះទេ។ យ៉ាងនេះក្ដី លោកថា លោកព្រួយបារម្ភដែលសហរដ្ឋអាមេរិកពង្រីកទណ្ឌកម្មនេះមកលើកូនៗ បង្កើតរបស់លោក ដែលធ្វើឱ្យប៉ះពាល់ដល់អនាគតរបស់ពួកគេ។
សូមលោកអ្នកនាងចុចស្ដាប់សំឡេងនៃបទសម្ភាសន៍រវាងលោក មាន ឫទ្ធិ នៃវិទ្យុអាស៊ីសេរី និងនាយឧត្ដមសេនីយ៍ ចៅ ភិរុណ ជុំវិញរឿងរ៉ាវ ដែលសហរដ្ឋអាមេរិកទើបបានដាក់ទណ្ឌកម្មបង្កកទ្រព្យសម្បត្តិ និងរឹតត្បិតទិដ្ឋាការមិនឱ្យលោក និងសមាជិកក្រុមគ្រួសារសាច់ញាតិបង្កើតរបស់លោកជាន់ដីអាមេរិក...