កម្មកររោងចក្រអ៊ឹមវ៉េតវ៉ាចំពោះការចេញដីកាសម្រេចការពារ
2011.10.25
នៅព្រឹកថ្ងៃច័ន្ទ ទី២៤ ខែតុលា ឆ្នាំ២០១១ ចៅក្រមសាលាដំបូងខេត្តកំពង់ឆ្នាំង គឺលោក ទៀង សុថា បានកោះហៅកម្មការិនី ៩រូប ដែលបានធ្វើការប្ដឹងជំទាស់ដីកាសម្រេចរក្សាការពារលេខ៥៨ក ចុះថ្ងៃទី១១ ខែតុលា ឆ្នាំ២០១១ របស់សាលាដំបូងខេត្តកំពង់ឆ្នាំង មកសាកសួរ។
កម្មការិនីឈ្មោះ ទឹម ស៊ីឡាក់ បានឲ្យដឹងបន្ទាប់ចេញពីតុលាការថា ចៅក្រមសាលាដំបូងបានសាកសួរអ្នកស្រីពីមូលហេតុដែលអ្នកស្រីបានប្ដឹងជំទាស់។ អ្នកស្រីបានឆ្លើយថា មកពីដីកាសម្រេចរក្សាការពារលេខ៥៨ក ចុះថ្ងៃទី១១ ខែតុលា ឆ្នាំ២០១១ របស់សាលាដំបូងខេត្តកំពង់ឆ្នាំង សម្រេចដោយមិនបានធ្វើការស្រាវជ្រាវរកការពិត។
អ្នកស្រីបន្តថា អ្នកស្រីបានធ្វើការក្នុងរោងចក្រអ៊ឹមវ៉េ រយៈពេល ៤ឆ្នាំហើយ តែថៅកែរោងចក្របានប្ដឹងទៅតុលាការថា អ្នកស្រីទើបតែចូលធ្វើការបាន ២ខែ ហើយបានបញ្ឈប់ការងារអ្នកស្រី ព្រោះអ្នកស្រីបានចូលជាសមាជិកសហជីពសេរីកម្មករកម្ពុជា។ តុលាការក៏បានចេញដីកាសម្រេចរក្សាការពារលេខ៥៨ក ចុះថ្ងៃទី១១ ខែតុលា ឆ្នាំ២០១១ តាមតែពាក្យបណ្ដឹងរបស់រោងចក្រដោយពុំមានធ្វើការស៊ើបអង្កេត។
កាលពីថ្ងៃទី៦ ដល់ថ្ងៃទី១១ ខែតុលា កន្លងទៅ កម្មករ កម្មការិនីរោងចក្រកាត់ដេរសម្លៀកបំពាក់អ៊ឹមវ៉េ នៅខេត្តកំពង់ឆ្នាំង បាននាំគ្នាធ្វើកូដកម្ម។ តែបន្ទាប់ពីទទួលបានសេចក្ដីបញ្ជាពីក្រុមប្រឹក្សាអាជ្ញាកណ្ដាលលេខ ០១៣/១១ កបអ កម្មករ កម្មការិនីទាំងអស់ក៏បានចូលធ្វើការងារជាធម្មតាវិញ និងរង់ចាំថ្ងៃបើកសវនាការជំនុំជម្រះសេចក្ដីពីតុលាការខេត្ត៕
រឿងដែលគេអានច្រើនបំផុត
RFA
- សមត្ថកិច្ចបញ្ជូនមេដឹកនាំសហជីពកញ្ញា ឈឹម ស៊ីថរ ទៅសាលាដំបូងរាជធានីភ្នំពេញ
- លោក ហ៊ុន សែន ទទួលស្គាល់ថា ប្រធានាធិបតីអាមេរិកប្រាប់ឱ្យកែលំអស្ថានភាពសិទ្ធិមនុស្ស មុនការបោះឆ្នោតឆ្នាំ២០២៣ ខាងមុខ
- លោក ទៀ បាញ់ ស្នើសុំឲ្យអាមេរិកឈប់សង្ស័យពីវត្តមានទ័ពចិននៅកំពង់ផែរាម
- ក្រុមអ្នកឃ្លាំមើល ជំរុញកម្ពុជាឱ្យលើកយកបញ្ហាសង្ស័យវត្តមានទ័ពចិននៅកំពង់ផែរាមទៅពិភាក្សាក្នុងកិច្ចប្រជុំរដ្ឋមន្ត្រីការពារជាតិអាស៊ានបូក
- សកម្មជនបរិស្ថានប្រតិកម្មនឹងរដ្ឋាភិបាលកម្ពុជាទាមទារអាមេរិកឱ្យដោះលែងមន្ត្រីជាន់ខ្ពស់ក្រសួងកសិកម្ម ដែលជួញដូរសត្វស្វា
រឿងដែលគេអានច្រើនបំផុត
ព័ត៌មានថ្មីៗ
- ចិន និងកម្ពុជាប្ដេជ្ញារឹតចំណងមិត្តភាពឥតងាករេ
- ប្រធានគណបក្សឆន្ទៈខ្មែរលាលែងពីបក្សជាផ្លូវការ ដើម្បីទៅចូលរួមជាមួយបក្សភ្លើងទៀន
- ប្រមុខការពារជាតិអាមេរិក និងកម្ពុជា ជួបទ្វេភាគីផ្តោតលើកិច្ចសហប្រតិបត្តិការវិស័យការពារជាតិ និងសន្តិសុខ
- រដ្ឋាភិបាលកម្ពុជា និងចិនបង្កើនការពង្រឹងកិច្ចសហប្រតិបត្តិការវិស័យកងទ័ព ស្របពេលអាមេរិកនៅតែបន្តសង្ស័យអំពីមូលដ្ឋានទ័ពចិននៅកម្ពុជា
- លោក ហ៊ុន សែន ថាប្រមុខការពារជាតិចិន និងអាមេរិកនឹងជួបគ្នានៅសៀមរាប