ការ​បញ្ចប់​កិច្ចប្រជុំ​កំពូល​ស្ដី​ពី​សន្តិសុខ​អាវុធ​បរមាណូ​ក្នុង​សហរដ្ឋ​អាមេរិក

លោក​ប្រធានាធិបតី​សហរដ្ឋ​អាមេរិក​បាន​ប្រកាស​កាល​ពី​ថ្ងៃ​អង្គារ​ថា បណ្ដា​ប្រទេស​ចំនួន ៤៧ ដែល​បាន​ចូល​រួម​នៅ​ក្នុង​កិច្ច​ប្រជុំ​កំពូល​ស្តី​ពី​សន្តិសុខ​អាវុធ​បរមាណូ ឬ​នុយក្លេអ៊ែរ​នោះ បាន​យល់​ព្រម​លើ​គម្រោង​រយៈពេល​បួន​ឆ្នាំ​ក្នុង​ការ​ទប់​ស្កាត់​ឧបករណ៍​បង្កើត​អាវុធ​ប្រល័យ​លោក​នេះ ដែល​វា​ជា​ផ្នែក​មួយ​នៃ​កិច្ច​ខិតខំ​ប្រឹងប្រែង​ដ៏​ធំ​ដើម្បី​ការពារ​កុំ​ឲ្យ​ធ្លាក់​ចូល​ទៅ​ក្នុង​ដៃ​របស់​ក្រុម​ភេរវជន។
ដោយ តាំង សារ៉ាដា
2010.04.15
Share on WhatsApp
Share on WhatsApp

លោក​ប្រធានាធិបតី អូបាម៉ា (Obama) បាន​ថ្លែង​នៅ​ក្រោយ​កិច្ច​ប្រជុំ​កំពូល​ដែល​ប្រព្រឹត្ត​ទៅ​រយៈពេល ២​ថ្ងៃ គឺ​ពី​ថ្ងៃ​ទី​១២ ដល់ ១៣ មេសា នៅ​ឯ​ទីក្រុង​វ៉ាស៊ីនតោន ឌីស៊ី (Washington, DC) សហរដ្ឋ​អាមេរិក​នោះ​ថា ការ​ទប់​ស្កាត់​ឧបករណ៍ និង​សារធាតុ​បង្កើត​អាវុធ​នុយក្លេអ៊ែរ​មាន​សារប្រយោជន៍​ណាស់ ដើម្បី​ឲ្យ​ប្រជាជន​អាមេរិកាំង ក៏​ដូច​ជា​ប្រជាជន​ក្នុង​ពិភពលោក​ទាំង​មូល​កាន់តែ​មាន​សុវត្ថិភាព​ថែម​ទៀត។

លោក អូបាម៉ា បាន​ប្រកាស​ថា ភេរវកម្ម​នុយក្លេអ៊ែរ ជា​ការ​គំរាមកំហែង​យ៉ាង​ខ្លាំង​ដល់​សន្តិសុខ​អន្តរជាតិ។ ប្រធានាធិបតី​នៃ​ប្រទេស​រុស្ស៊ី លោក Dmitry Medvedev បាន​ប្រកាស​ថា រដ្ឋាភិបាល​របស់​លោក​នឹង​បិទ​រោងចក្រ​ផលិត​សារធាតុ Plutonium ដែល​ជា​សញ្ញា​មួយ​ក្នុង​កិច្ច​ខិតខំ​ប្រឹងប្រែង​ទប់​ស្កាត់​ការ​រីក​សាយ​ភាយ​នូវ​ឧបករណ៍ និង​សារធាតុ​សម្រាប់​បង្កើត​អាវុធ​ប្រល័យ​លោក​ដ៏​កាច​សាហាវ​នោះ។

ក្រុម​បណ្តា​ប្រទេស​ទាំង​ឡាយ​ផ្សេង​ទៀត ក៏​បាន​សន្យា​ថា គេ​នឹង​រក្សា​សន្តិសុខ​នៃ​ឧបករណ៍​នុយក្លេអ៊ែរ​នោះ ឲ្យ​កាន់​តែ​មាន​ប្រសិទ្ធភាព​ថែម​ទៀត​ក្នុង​ប្រទេស​របស់​គេ​នីមួយៗ។

លោក អូបាម៉ា បាន​បញ្ជាក់​ថា គោលបំណង​របស់​សហរដ្ឋ​អាមេរិក មាន​ភាព​ច្បាស់​លាស់​ក្នុង​ការ​ធានា​កុំ​ឲ្យ​សារធាតុ Plutonium និង Uranium ដែល​ជា​គ្រឿង​ផ្សំ​សម្រាប់​បង្កើត​អាវុធ​នុយក្លេអ៊ែរ​ធ្លាក់​ចូល​ក្នុង​កណ្ដាប់​ដៃ​ក្រុម​ភេរវជន៕

រឿង​ដែល​គេ​អាន​​ច្រើន​បំផុត
RFA
បទសម្ភាសន៍​ពលរដ្ឋ​ខ្មែរ​អាមេរិកកាំង​ដែល​យក​ស្បែក​ជើង​គប់​លោក ​ហ៊ុន សែន​ ក្នុង​ពេល​ជួប​អ្នក​គាំទ្រ​នៅ​សហរដ្ឋអាមេរិក​
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
បទសម្ភាសន៍​ពលរដ្ឋ​ខ្មែរ​អាមេរិកកាំង​ដែល​យក​ស្បែក​ជើង​គប់​លោក ​ហ៊ុន សែន​ ក្នុង​ពេល​ជួប​អ្នក​គាំទ្រ​នៅ​សហរដ្ឋអាមេរិក​
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល