សមាជិក​អចិន្ត្រៃយ៍ និង​ជា​មន្ត្រី​ជើងចាស់​បក្ស​កាន់​អំណាច​លោក ប៊ូ ថង ទទួល​មរណភាព

ដោយ មួង ណារ៉េត
2019-09-12
អ៊ីម៉ែល
មតិ
Share
បោះពុម្ព
អតីត​រដ្ឋមន្ត្រី​ក្រសួង​ការពារ​ជាតិ និង​ជា​មន្ត្រី​ជើងចាស់​របស់​គណបក្ស​ប្រជាជន​កម្ពុជា លោក ប៊ូ ថង។
អតីត​រដ្ឋមន្ត្រី​ក្រសួង​ការពារ​ជាតិ និង​ជា​មន្ត្រី​ជើងចាស់​របស់​គណបក្ស​ប្រជាជន​កម្ពុជា លោក ប៊ូ ថង។
photo courtesy

អតីត​រដ្ឋមន្ត្រី​ក្រសួង​ការពារ​ជាតិ លោក ប៊ូ ថង ដែល​អ្នកតស៊ូ​ជំនាន់​ថ្ងៃ​ទី​៧ ខែ​មករា ឆ្នាំ​១៩៧៩ និង​ជា​មន្ត្រី​ជើងចាស់​របស់​គណបក្ស​ប្រជាជន​កម្ពុជា ទទួល​មរណភាព​​នៅ​ថ្ងៃ​ទី​១២ ខែ​កញ្ញា នៅ​មន្ទីរពេទ្យ​កាល់ម៉ែត្រ ក្នុង​អាយុ ៨២​ឆ្នាំ ដោយ​រោគាពាធ។

ក្នុង​សារ​រំលែក​ទុក្ខ​ក្រុម​គ្រួសារ​លោក ប៊ូ ថង រដ្ឋមន្ត្រី​ក្រសួង​ការពារ​ជាតិ លោក ទៀ បាញ់ បាន​រៀបរាប់​ថា លោក​ចងចាំ​គំរូ​វីរភាព​របស់​លោក ប៊ូ ថង ដែល​លោក​ចាត់ទុកថា មានគុណ​បំណាច់​ចំពោះ​ជាតិ។

លោក ប៊ូ ថង ជា​សមាជិក​គណៈអចិន្ត្រៃយ៍​នៃ​គណៈកម្មាធិការ​កណ្ដាល​គណបក្ស​ប្រជាជន​កម្ពុជា ជា​អតីត​ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ អតីត​សមាជិក​រដ្ឋសភា និង​ព្រឹទ្ធសភា និង​ជាទី​ប្រឹក្សា​ប្រធាន​ព្រឹទ្ធសភា។

​លោក ប៊ូ ថង កើត​នៅ​ភូមិ​កាចូន ឃុំ​កាចូន ស្រុក​វ៉ឺនសៃ ខេត្ត​រតនគិរី សព​របស់​លោក​ត្រូវ​បាន​តម្កល់​ធ្វើបុណ្យ​នៅ​ក្រុង​បានលុង ខេត្ត​រតនគិរី។

លោក ប៊ូ ថង ជា​មេដឹកនាំ​តស៊ូ​ម្នាក់​ក្នុង​ជួរ​គណបក្ស​ប្រជាជន​កម្ពុជា​ប្រឆាំង​របប​ខ្មែរក្រហម នៅ​ភូមិភាគ​ឦសាន។ សព្វថ្ងៃ​កូនប្រុស​របស់​លោក​ម្នាក់​ធ្វើ​អភិបាល​​​ខេត្ត​រតនគិរី៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល