បក្ស​ប្រឆាំង​ត្រៀម​ខ្លួន​ជជែក​នឹង​របប​ក្រុង​ភ្នំពេញ​ដើម្បី​បញ្ចៀស​ទណ្ឌកម្ម​ពី​សហភាព​អឺរ៉ុប

ដោយ មាន ឫទ្ធិ
2018-02-27
អ៊ីម៉ែល
មតិ
Share
បោះពុម្ព
លោក សម រង្ស៊ី (ឆ្វេង) និង​លោក កឹម សុខា (កណ្ដាល) ជជែក​ជាមួយ​លោក ហ៊ុន សែន ក្រោយ​ចេញ​ពី​ជំនួប​ប្រជុំ​កំពូល​កាល​ពី​ថ្ងៃ​ទី​២២ កក្កដា ២០១៤ នា​វិមាន​ព្រឹទ្ធ​សភា។
លោក សម រង្ស៊ី (ឆ្វេង) និង​លោក កឹម សុខា (កណ្ដាល) ជជែក​ជាមួយ​លោក ហ៊ុន សែន ក្រោយ​ចេញ​ពី​ជំនួប​ប្រជុំ​កំពូល​កាល​ពី​ថ្ងៃ​ទី​២២ កក្កដា ២០១៤ នា​វិមាន​ព្រឹទ្ធ​សភា។
RFA/Tin Zakariya

គណបក្ស​សង្គ្រោះជាតិ អះអាង​សាជាថ្មី​ម្ដងទៀត អំពី​ការ​ត្រៀម​ខ្លួន​រួចជាស្រេច ដើម្បី​បើកផ្លូវ​ឲ្យ​មាន​នូវ​ដំណើរការ​កិច្ច​សន្ទនា​ថ្នាក់​ជាតិ​មួយ ជាមួយ​នឹង​របប​លោក ហ៊ុន សែន ក្នុង​គោលបំណង​ដើម្បី​បញ្ចៀស​នូវ​ការ​ដាក់​ទណ្ឌកម្ម​ផ្នែក​សេដ្ឋកិច្ច​ណាមួយ​ពី​សំណាក់​សហភាព​អឺរ៉ុប ដែល​អាច​នឹង​ធ្វើ​ឡើង​នា​ខែ​មីនា ខាងមុខនេះ។

គណបក្ស​សង្គ្រោះ​ជាតិ លើកឡើង​ក្នុង​សេចក្ដីថ្លែងការណ៍​មួយ​ចេញផ្សាយ​ថ្ងៃ​ទី​២៧ កុម្ភៈ នេះ​ថា ការ​បើក​ឲ្យ​មាន​កិច្ច​សន្ទនា​ថ្នាក់​ជាតិ​នេះ គឺ​ដើម្បី​ស្តា​ឡើង​វិញ​នូវ​ប្រជាធិបតេយ្យ​ពិតប្រាកដ​នៅ​កម្ពុជា ដែល​អនុញ្ញាត​ឲ្យ​មានការ​បោះឆ្នោត​ដោយ​សេរី និង​ត្រឹមត្រូវ និង​មាន​តំណាង​ពហុភាគី ស្របតាម​រដ្ឋធម្មនុញ្ញ​កម្ពុជា។ គណបក្ស​សង្គ្រោះជាតិ ស្នើ​ឲ្យ​អង្គការសហប្រជាជាតិ សហភាព​អឺរ៉ុប រដ្ឋ​សមាជិក និង​ប្រទេស​ហត្ថលេខី​កិច្ចព្រមព្រៀង​សន្តិភាព​ទីក្រុង​ប៉ារីស​ដទៃ​ទៀត ចូលរួម​ធ្វើជា​សាក្សី និង​ជា​ផ្នែក​មួយ​នៃ​កិច្ច​សន្ទនា​ថ្នាក់​ជាតិ​នោះ ប្រសិនបើ​របប​លោក ហ៊ុន សែន យល់ព្រម​បើក​ឲ្យ​មាន​កិច្ច​សន្ទនា​នេះ។

ការ​អះអាង​អំពី​ការ​ត្រៀមខ្លួន​សម្រាប់​កិច្ច​សន្ទនា​ថ្នាក់​ជាតិ​នេះ ធ្វើ​ឡើង​មួយ​ថ្ងៃ ក្រោយ​ពី​ក្រុមប្រឹក្សា​សហភាព​អឺរ៉ុប បាន​ព្រមាន​ថា ខ្លួន​គ្មាន​ជម្រើស​អ្វី​ក្រៅពី​ការ​ដាក់​ទណ្ឌកម្ម​ផ្នែក​សេដ្ឋកិច្ច​មក​លើ​របប​លោក ហ៊ុន សែន នោះ​ឡើយ ប្រសិនបើ​របប​នេះ​នៅតែ​រឹងទទឹង​មិន​ព្រម​ស្តា​ស្ថានការណ៍​អាក្រក់​នៃ​ការរំលោភ​សិទ្ធិមនុស្ស និង​ប្រជាធិបតេយ្យ​នៅ​កម្ពុជា​បច្ចុប្បន្ន ទៅ​រក​ភាព​ប្រក្រតី​ឡើងវិញ​នោះ​ទេ។ គណបក្ស​សង្គ្រោះជាតិ​ថា ការ​ព្រមាន​នេះ គឺជា​សញ្ញា​ប្រកាស​អាសន្ន​មួយ ដែល​របប​ក្រុង​ភ្នំពេញ ត្រូវ​តែ​ពិចារណា ដើម្បី​ងាក​មក​រក​ការ​គោរព​តាម​លក្ខខណ្ឌ កិច្ច​ព្រមព្រៀង​ស្ដីពី ជំនួញ​ពាណិជ្ជកម្ម​ជាមួយ​សហភាព​អឺរ៉ុប ដែល​តម្រូវ​ឲ្យ​មានការ​គោរព​សិទ្ធិមនុស្ស និង​សេរី​ភាពជា​មូលដ្ឋាន​នៅ​កម្ពុជា។

គណបក្ស​សង្គ្រោះជាតិ ស្វាគមន៍​សេចក្ដី​សម្រេច​របស់​ក្រុមប្រឹក្សា​សហភាព​អឺរ៉ុប ដែល​ជា​គណៈរដ្ឋមន្ត្រី​តំណាង​ឲ្យ​ប្រទេស​អឺរ៉ុប​ចំនួន ២៨ ស្ដីពី​បញ្ហា​កម្ពុជា ដែល​សេចក្ដី​សម្រេច​នេះ បាន​រំឭក​អំពី​ការ​ជាប់​កាតព្វកិច្ច​ផ្លូវច្បាប់​ចំពោះ​គ្រប់​ភាគី​ហត្ថលេខី​នៃ​កិច្ចព្រមព្រៀង​សន្តិភាព​ទីក្រុង​ប៉ារីស និង​តម្រូវ​ឲ្យ​រដ្ឋាភិបាល​កម្ពុជា ត្រូវ​ប្រកាន់ខ្ជាប់​នូវ​ប្រព័ន្ធ​ប្រជាធិបតេយ្យ សេរី ពហុបក្ស និង​គោរព​សិទ្ធិមនុស្ស និង​សេរី​ភាពជា​មូលដ្ឋាន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

 

ព័ត៌មាន (6)
Share

MO ROKOT

ពី P PENH

សង្គ្រោះជាតិបើត្រៀមខ្លួនជជែកជាមួយហ្វូងចចកថ្ងៃណាមួយនឹងមានគ្រោះថ្នាក់ដល់ជីវិតជាមិនខាន។ពីព្រោះពួកនេះវាសាហាវណាស់​អ្វីក៏វាហ៊ានធ្វើដែរ។​ ឲ្យតែវាបានកាន់អំណាច​វាមិនខ្លាចនឹងធ្វើទេ។
ជាពិសេសលោកសមរង្សីនឹងកូនស្រីរបស់លោកកឹម​ សុខាតែម្ដង។សូមសង្គ្រោះជាតិពិចារណាឲ្យបានដឹតដល់៕

Mar 02, 2018 04:07 AM

MO ROKOT

ពី P PENH

សង្គ្រោះជាតិបើត្រៀមខ្លួនជជែកជាមួយហ្វូងចចកថ្ងៃណាមួយនឹងមានគ្រោះថ្នាក់ដល់ជីវិតជាមិនខាន។ពីព្រោះពួកនេះវាសាហាវណាស់​អ្វីក៏វាហ៊ានធ្វើដែរ។ជាពិសេសលោកសមរង្សីនឹងកូនស្រីរបស់លោកកឹម​ សុខាតែម្ដង។សូមសង្គ្រោះជាតិពិចារណាឲ្យបានដឹតដល់៕

Mar 02, 2018 04:03 AM

ជួបសំពះ

ពី ភ្នំពេញ

ប្រជាពលរដ្ឋខ្មែរមិនចង់សហការជាមួយថ្នាក់ដឹកនាំច្រឡោងខាមនោះទេ។

Mar 01, 2018 11:06 PM

SOK HENG

ពី P PENH

តែយ៉ាងហ្នឹងឯងចូលចឹត្តរណបគេមុនបានជាគេបានចឹត្តគេធ្វើហ៊ីមឹនខ្ចីអើពើ។នយោបាយពួកលោកឯងសមនឹងL D P និយាយថានយោបាយទ្រពងCPP៕

Feb 28, 2018 10:40 PM

អ្នក​អាន​អនាមិក

What opposition party ? There is no opposition party in Cambodia . Who represent opposition party ? What are you talking about ?

Feb 27, 2018 11:47 PM

មើល​មតិ​ទាំង​អស់.

គេហទំព័រ​ទាំងមូល