អ្នកនាំពាក្យ​បក្ស​កាន់អំណាច​ថា ការទិញ​អាវុធ​ពី​ចិន​ដើម្បី​បង្ក្រាប​អ្នក​បះបោរ

ដោយ ថន ថារ៉ូ
2019-08-09
អ៊ីម៉ែល
មតិ
Share
បោះពុម្ព
អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​ក្នុង​កិច្ច​សម្ភាសន៍ នា​ទី​ស្នាក់​ការ​កណ្ដាល គណបក្ស​ប្រជាជន​កម្ពុជា កាល​ពី​ថ្ងៃ​ទី៣០ ខែ​កក្កដា ឆ្នាំ​២០១៨។
អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​ក្នុង​កិច្ច​សម្ភាសន៍ នា​ទី​ស្នាក់​ការ​កណ្ដាល គណបក្ស​ប្រជាជន​កម្ពុជា កាល​ពី​ថ្ងៃ​ទី៣០ ខែ​កក្កដា ឆ្នាំ​២០១៨។
AFP

អ្នកនាំពាក្យ​បក្ស​កាន់អំណាច​ថា ថា​ការទិញ​អាវុធ​ពី​ចិន​ដើម្បី​បង្ក្រាប​អ្នកបះបោរ​ដែល​សមត្ថកិច្ច​អនុវត្ត​ច្បាប់​ចាំបាច់​ត្រូវ​ប្រើប្រាស់​ដើម្បី​ការងារ​សន្តិភាព​។ ប៉ុន្តែ អ្នក​មន្ត្រី​បក្ស​ប្រឆាំង និង​អ្នកវិភាគ​ថា ទង្វើ​គណបក្ស​កាន់អំណាច​ជា​ការ​ប្រើប្រាស់​លុយ​ជាតិ​មក​បាញ់សម្លាប់​ខ្មែរ​គ្នាឯង។

អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន និយាយ​ថា អាវុធ​ជា​ឧបករណ៍​ហិង្សា​ជា​ចាំបាច់​ដើម្បី​ទប់​ស្តាត់​និង​បង្ក្រាប​ការបះបោរ​ខុសច្បាប់​ណាមួយ​។ លោក​អះអាង​ថា មិនមែន​តែ​កម្ពុជា ប្រទេស​លើ​ពិភពលោក​ផ្សេងទៀត ក៏​ចាត់​ទុក​​អាវុធ​គឺជា​ឧបករណ៍​ចាំបាច់​ដែល​ត្រូវ​ប្រើ​បង្ក្រាប​លើ​មនុស្ស​មួយ​ចំនួន​តូច ដែល​នាំ​គ្រោះ​មហន្តរាយ​ដល់​ប្រទេសជាតិ៖ «គឺ​ថា​អាវុធ​គឺជា​ការចាំបាច់​ណាស់​ក្នុង​ការ​បង្ក្រាប មុនដំបូង​គេ​ទប់​ស្កាត​ដល់​ទប់​ស្កាត​មាន​ភាព​តឹងតែង​គេ​បង្ក្រាប​ហើយ​គេ​មិន​បណ្ដែតបណ្ដោយ​ឱ្យ​មនុស្ស​មួយ​ក្រុម​តូច​ធ្វើ​អី​ផ្ដេសផ្ដាស​ទេ»

ការ​បង្ហាញ​សារ​របស់​អ្នកនាំពាក្យ​គណបក្ស​​កាន់អំណាច​បែប​នេះ ខណៈ មេ​ប៉ូលិស និង​មេទាហាន ប្រកាស​ប្រជុំ​ត្រៀម​កម្លាំង​តាម​ព្រំដែន​ចាំ​ចាប់​លោក សម រង្ស៊ី វិល​ចូល​ស្រុក​វិញ។

ប្រធាន​ប្រតិបត្តិ​របស់​គណបក្ស​សង្គ្រោះជាតិ រាជធានី​ភ្នំពេញ លោក ម៉ន ផល្លា យល់ថា សំដី​លោក សុខ ឥសាន ជា​ការ​បង្ហាញ​ថា របប​ក្រុងភ្នំពេញ​កំពុង​យក​ខ្មែរ​គ្នាឯង​ជា​សត្រូវ​ដែល​នេះ​ជា​ការ​អនុវត្ត​ដូច​ទៅ​នឹង​របប​ខ្មែរក្រហម​ដែរ។ មន្ត្រី​បក្ស​ប្រឆាំង​រូប​នេះ ចង់​ឃើញ​បក្ស​កាន់អំណាច​ផ្លាស់ប្ដូរ​ឥរិយាបថ ដោយ​មិន​យក​ខ្មែរ​ណា​ជាស​ត្រូវ និង​វិល​មក​ការ​គោរព​សិទ្ធិមនុស្ស និង​ប្រជាធិបតេយ្យ​ឡើង​វិញ៖ «យើង​ទាំងអស់​គ្នា​ជា​ជាតិ​សាសន៍​ខ្មែរ​ដូចគ្នា​យើង​គួរតែ​ប្តូរ​ឥរិយាបថ​ព្រៃផ្សៃ​ទាំងនេះ​យក​មក​ក្នុង​ក្របខ័ណ្ឌ​ពូជសាសន៍​ដែល​យើង​អាច​និយាយ​គ្នា»

រីឯ​អ្នកវិភាគ​នយោបាយ លោក គឹម សុខ និយាយ​ថា ប្រទេស​កម្ពុជា​គ្មាន​អ្នកបះបោរ​ទេ មានតែ​ពលរដ្ឋ​ស្រលាញ់​ប្រជាធិបតេយ្យ​ដែល​ចង់​ឱ្យ​របប​ក្រុងភ្នំពេញ​វិល​ទៅ​រក​ការ​គោរព​សិទ្ធិមនុស្ស​និង​ប្រជាធិបតេយ្យ​ដូច​អន្តរជាតិ​ចង់បាន​ដែរ​នោះ។ អ្នកវិភាគ​រូប​នេះ យល់​ថា សំដី​របស់​អ្នកនាំពាក្យ​គណបក្ស​កាន់អំណាច​បែប​នេះ គឺ​របប​ក្រុងភ្នំពេញ​បាន​កំណត់​មុខសញ្ញា​យក​ពលរដ្ឋ​មួយ​ក្រុម​ណា​រួច​ទៅ​ហើយ​ធ្វើជា​គោលដៅ ដែល​ខ្លួន​ចោទ​ប្រកាន់​ថា ជា​អ្នកបះបោរ​ក្នុង​គោលដៅ​បង្ក្រាប​ដើម្បី​រក្សា​អំណាច​ក្រុម​ខ្លួន៖ «ជា​ការ​សារភាព​ថា ខ្លួនឯង​ប្រើប្រាស់​លុយ​ខុសច្បាប់​ក្នុងនាម​ជា​ប្រជាពលរដ្ឋ​ខ្មែរ​ដើម្បី​ទិញ​អាវុធ​ពី​ចិន​ក្នុង​គោលដៅ​បង្ក្រាប​ប្រជាពលរដ្ឋ​ខ្មែរ​គ្នាឯង​ដើម្បី​រក្សា​ពូជពង្សវង្សត្រកូល​នៃ​គ្រួសារ​ត្រកូល​ហ៊ុន និង​គ្នា​គាត់​ប៉ុន្មាន​នាក់​ហ្នឹង»

នៅ​ពេល​លោក សម រង្ស៊ី រក្សា​ជំហរ​វិល​ចូល​ប្រទេស​កម្ពុជា​វិញ​ក្នុង​ឆ្នាំ​២០១៩​នេះ មេដឹកនាំ​របប​ក្រុងភ្នំពេញ និង​ក្រុម​មន្ត្រី​នៃ​របប​នេះ​តែងតែ​ប្រកាស​ជា​សាធារណៈ​ពី​ការ​បង្ក្រាប​ដោយ​ការ​បាញ់​សម្លាប់ ឬ​ចាប់​ដាក់គុក​លើ​មេដឹកនាំ​និង​មន្ត្រី​បក្ស​សង្គ្រោះជាតិ។

កាល​ពី​ថ្ងៃ​ទី៨ សីហា អគ្គស្នងការ​នគរបាល​ជាតិ​លោក នេត សាវឿន អគ្គ​មេបញ្ជាការ​កងទ័ព លោក វង្ស ពិសេន អាជ្ញាធរ​ខេត្ត​ពាក់ព័ន្ធ មេបញ្ជាការ​កងទ័ព និង​មេបញ្ជាការ​នគរបាល​តាម​ព្រំដែន​មួយ​ចំនួន​ទៀត បាន​ប្រជុំ​រួមគ្នា ត្រៀម​រៀបចំ​កងកម្លាំង ដាក់​តាម​ព្រំដែន​ដើម្បី​ចាប់​លោក សម រង្ស៊ី និង ថ្នាក់ដឹកនាំ​បក្ស​ប្រឆាំង​ដែល​អម​ដំណើរ​វិល​មក​កម្ពុជា។

ថ្លែង​ក្នុង​វិធី​ចុះ​ពិនិត្យ​ការដ្ឋាន​សាងសង់​ពហុ​កីឡដ្ឋាន​ជាតិ មរតក​តេជោ កាលពី​ថ្ងៃ​ទី២៩ ខែ​កក្កដា លោក ហ៊ុន សែន ឱ្យ​ដឹង​ថា ឆ្នាំនេះ របប​លោក​បាន​ចាយ​លុយ​ជាតិ​ជិត ៤០​លាន​ដុល្លារ បន្ថែម​ពីលើ​លុយ​ជាង ២៩០​លាន​ដុល្លារ ដែល​របប​លោក​បាន​ទិញ​អាវុធ​ពី​ចិន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

oh holy stupid comment by Ta comrade S.Issan's criminal behavior...betrayal of pple and country...should be hang him up

No any stupid official govm'ts around the world can say this stupid word to their pple....except there is only stupidest in fascist commies regime"HS" that it can says whatever they wanted"logic".This is a crime attempt to hurt or kill someone else must be charge and face jail time sentence"like Ta S.Issan said".Please keep all this crime records for evidences when he's facing trial in day ahead.

Aug 10, 2019 11:10 AM

គេហទំព័រ​ទាំងមូល