កម្ពុជា និងឡាវគ្រោងបើកច្រកទ្វារអន្តរជាតិថ្មីមួយទៀតនៅតាមព្រំដែននៃប្រទេសទាំងពីរ
2019.03.05
លោកនាយករដ្ឋមន្ត្រីឡាវ លោក ថងលួន ស៊ីស៊ូលីត (Thongloun Sisoulith) (ឆ្វេង) និងលោកនាយករដ្ឋមន្ត្រីកម្ពុជា លោក ហ៊ុន សែន ក្នុងពិធីសម្ពោធច្រកទ្វារអន្តរជាតិត្រពាំងក្រៀល នៅព្រំដែនខែត្រស្ទឹងត្រែង ប្រទេសកម្ពុជា និងខែត្រចម្ប៉ាសាក់ ប្រទេសឡាវ នៅព្រឹកថ្ងៃទី១០ ខែមករា ឆ្នាំ២០១៧។
RFA
អាជ្ញាធរកម្ពុជា និងឡាវ គ្រោងបើកច្រកទ្វារអន្តរជាតិថ្មីមួយទៀតនៅតាមព្រំដែននៃប្រទេសទាំងពីរ។ គម្រោងនេះត្រូវបានតំណាងប្រទេសទាំងពីរឯកភាពសិក្សាអំពីលទ្ធភាពក្នុងការបើកច្រកទ្វារព្រំដែនអន្តរជាតិនេះដើម្បីសម្រួលដល់ការធ្វើដំណើរ របស់ប្រជាពលរដ្ឋ និងការផ្លាស់ប្ដូរពាណិជ្ជកម្មរវៀងប្រទេសទាំងពីរ។
ប្រធាននាយកដ្ឋានទំនាក់ទំនងអន្តរជាតិនៃក្រសួងមហាផ្ទៃលោក ផាត សុផានិត ប្រាប់សារព័ត៌មានក្នុងស្រុកក្រោយពីចុះហត្ថលេខាកាលពីថ្ងៃទី៥ មីនា ស្ដីពីកិច្ចសហប្រតិបត្តិការឆ្នាំ២០១៩ រវាងប្រទេសកម្ពុជា និងប្រទេសឡាវថា ច្រកទ្វារព្រំដែនអន្តរជាតិថ្មី ដែលភាគីទាំងពីរកំពុងសិក្សារួមគ្នានេះអាចនៅខេត្តរតនគិរី ឬនៅខេត្តស្ទឹងត្រែង ទៅតាមលទ្ធភាពដែលអាចធ្វើទៅបាន។
មន្ត្រីជាន់ខ្ពស់ក្រសួងមហាផ្ទៃរូបនេះអះអាងទៀតថា កម្ពុជានិងឡាវនៅតែបន្តខិតខំបង្ក្រាបនិងទប់ស្កាត់រាល់បទល្មើសផ្សេងៗដែលកើតមានឡើងនៅតាមព្រំដែននៃប្រទេសទាំងពីរដើម្បីរក្សាសន្តិសុខ និងសុវត្ថិភាពជូនពលរដ្ឋ។
កម្ពុជានិងឡាវ មានច្រកទ្វារអន្តរជាតិមួយដែលបានបើកជាផ្លូវការកាលពីខែមករាឆ្នាំ២០១៧ មានឈ្មោះថាច្រកទ្វារអន្តរជាតិត្រពាំងក្រៀល-ណងណុកខៀន ឋិតនៅព្រំដែននៃខេត្តស្ទឹងត្រែង ប្រទេសកម្ពុជា និងខេត្តចំប៉ាសាក់ ប្រទេសឡាវ។
កម្ពុជា និងឡាវធ្លាប់មានជម្លោះព្រំដែននិងគ្នានៅតំបន់អូរតាង៉ាវ និងអូរអាឡៃ ស្ថិតនៅក្នុងស្រុកសៀមប៉ាង ខេត្តស្ទឹងត្រែង កាលពីឆ្នាំ២០១៧។
កម្ពុជា មានព្រំដែនជាប់នឹងប្រទេសឡាវ ប្រវែង ៥៤០គីឡូម៉ែត្រ ដែលត្រូវបោះបង្គោលព្រំដែនសរុបចំនួន ១៤៥បង្គោល។ បច្ចុប្បន្នប្រទេសទាំងពីរបោះបង្គោលបានចំនួន ១២១បង្គោលរួចហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សង្គមស៊ីវិលបារម្ភថា កសាងស្តូបមិត្តភាព-កម្ពុជាវៀតណាមជាង ២០ខេត្ត/ក្រុង ជានិមិត្តរូបបំបែកបំបាក់សាមគ្គីខ្មែរ
- ស្តូបមិត្តភាពកម្ពុជាវៀតណាមនៅខេត្តសៀមរាបរងការបំផ្លាញដោយគ្រាប់បែក ក្នុងពេលពលរដ្ឋបារម្ភបាត់បង់ដីទៅវៀតណាម ដោយសារគម្រោង CLV
- លោក ហ៊ុន សែន ស្នើតែងតាំងលោក គុយ សុផល ភ្លាមៗ «ខ្លាចព្រះមហាក្សត្រយកមនុស្សក្រៅពីបក្ខពួកខ្លួន»
- ពលរដ្ឋខ្មែរនៅកូរ៉េត្រៀមចេញធ្វើបាតុកម្មទ្រង់ទ្រាយធំប្រឆាំងគម្រោង CLV ជាលើកទី២
- ពលរដ្ឋខ្មែរនៅកូរ៉េខាងត្បូងប្រមាណ៣ពាន់ ធ្វើមហាបាតុកម្មប្រឆាំង CLV ម្តងទៀត
អត្ថបទពេញនិយម
នយោបាយ
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- សាលាដំបូងរាជធានីភ្នំពេញ ផ្ដន្ទាទោសមន្ត្រីគណបក្សកម្លាំងជាតិ លោក គា វិសាល ឲ្យជាប់ពន្ធនាគារ ២ឆ្នាំកន្លះ
- លោក ហ៊ុន ម៉ាណែត អះអាងថា យុវជន ៩នាក់ ដែលកំពុងជាប់ឃុំ ពាក់ព័ន្ធនឹង «គម្រោងផ្ដួលរំលំរដ្ឋាភិបាល»
- បទសម្ភាសន៍៖ អតីតមនុស្សជំនិតសម្ដេចក្រុមព្រះថា លោក ហ៊ុន សែន ជ្រៀតជ្រែកព្រះមហាក្សត្រលើការតែងតាំងរដ្ឋមន្ត្រីក្រសួងព្រះបរមរាជវាំងថ្មី
- គណបក្សកម្លាំងជាតិ ថាការបន្តចាប់ខ្លួនមន្ត្រីជាន់ខ្ពស់របស់គណបក្សនេះ ធ្វើឲ្យប៉ះពាល់ដំណើរការប្រជាធិបតេយ្យ